අපේ කොරෝනා පැණිය!

~ ධනංජය කරුණාරත්න

ධම්මික බණ්ඩාර මහතා විසින් නිපදවූ බව කියන පැණියට මේ තරම් විශාල ජනතා ඉල්ලුමක් ඇති කළේ ජාතික තලයේ මාධ්‍ය ද භාවිත කරමින් රජය ඊට ප්‍රභල අනුග්‍රහයක් ලබාදීමත් සමගයි. රජයට එවැන්නක් කිරීමට තරම් ධෛර්යය ලැබෙන්නේ, රජය හොඳින් දන්නා පරිදි, එවැනි දේ විශ්වාස කරන ජනකොටසක් සිටීම නිසයි. 

මේ ජනතාව විසින් රජයෙන් ඇසිය යුතු ඉතා වැදගත් ප්‍රශ්නයක් තිබේ. එනම්, රජයට මේ බෙහෙත මේ තරම් විශ්වාසයෙන් තම ක්‍රියා කලාපයන් ඔස්සේ ජනතාවට අනුමත කරන්නට හැකි නම්, ඔවුන්ට මේ බෙහෙත ලෝක සෞඛ්‍ය සංවිධානයට මේ වෙලාවේ හඳුන්වා දීමට නොහැකි මන්ද?  එලෙසින්ම, එය ලෝක වෙළදපොළට යවා, එක අතකින් සේවයක් ද ලබාදී, අනිත් අතින් විශාල ආදායමක් ද ලබා ගන්නට හැකි  අවස්ථාවක් පැහැර හරින්නේ මක් නිසාද? රජය එසේ නොකරන්නට ඇත්තේ, මේ බෙහෙත පිළිබඳ ඔවුන්ට තියෙන අඩු විශ්වාසය නම්, ඔවුන් එවැනි අවදානම් දෙයක් වෙත  තමන්ගේම ජනතාව තල්ලුකිරීම තුළින් පෙන්වන්නේ පිටස්තර ජනතාවට වඩා තමන්ගේ ජනතාවගේ ජීවිත පිළිබඳ ඔවුන්ට ඇත්තේ අඩු වටිනාකමක් බව නොවේද?

මේ ජනතාව මෙවන් උගුලකට අහුවන්නට ප්‍රධානම හේතුවක් නම්, මාධ්‍යය මගින් හෝ රජය විසින් හෝ, එනම් යමෙක් කියන දේ ප්‍රශ්න කිරීමකින් හා විමර්ශන ඥානය භාවිත නොකර විශ්වාස කිරීමේ චරිත ලක්ෂණය නිසයි. විශේෂයෙන් රජය සහ මාධ්‍ය වැනි දේ සම්බන්ධයෙන් ඔවුන්ට තාමත් ඇත්තේ විවේචනාත්මක දෘෂ්ටියකට වඩා සාමාන්‍යයෙන් බොහෝ නාගරික සහ නූතනකරණයට ලක් නොවූ ජන කොටස් තුළ ඇති ගෞරවය මුසු භක්තිමත්භාවයක්. එලෙසම, මෙවැනි  අගතිගාමී අමනෝඥ චරිත ලක්ෂණ ඇතිවීම පිටුපස ‘සිංහල’ රාජ්‍යය අධ්‍යාපනය  ප්‍රධාන භූමිකාවක් ඉටුකර ඇති  බව  නැවතත් මතක් කර දී යුතුව තිබේ.  එය යමක් ප්‍රශ්නකර පිළිගැනීමට අවශ්‍ය  විමර්ශනාත්මක ඥානය ගොඩනගා ගැනීමට උගන්වන, එය අභ්‍යාස  කිරීමට පුහුණුකරන  දියුණු අධ්‍යාපනයක් නොවේ. ඒ අධ්‍යාපනය තුළ විද්‍යාව විෂයක් ලෙස කොතරම් ඉගෙන ගත් ශිෂ්‍යයෙක් වුව ද නොයෙකුත් ප්‍රපංච  දෙස  විද්‍යාත්මකව බලන්නට නොපෙළඹෙන්නේ මේ නිසාය. තර්ක ශාස්ත්‍රය, ගණිතය වැනි විෂයන් කෙතරම් විෂයන් ලෙස  ඉගෙන ගත්ත ද යමක් තර්කයට භාජනය කරන ආකාරය නොදන්නේ මේ නිසාය. එනමුත්, මේ බෙහෙත පිළිනොගන්නා සියලුම දෙනා අනිවාර්යයෙන්ම එකී  අධ්‍යාපනික අර්බුදය ජයගත්තවුන්  යැයි ද මෙයින් අදහස් නොවේ. ඔවුන්ට ද මෙම  විඥානයම ඇතිමුත්, අන් විවිධ හේතු නිසා මේ බෙහෙත පිළිනොගත්තා විය හැකිය.  

කොරෝනා  රෝගයට බෙහෙතක් සොයා ගැනීම සම්බන්ධයෙන්, දියුණු රටවල් ඒ සම්බන්ධව දැවැන්ත මුදල් කන්දරාවක් සහ දියුණු දැනුම සහ පර්යේෂණ යොදා කරන අරගලයක් සමග අතිශය තීරණාත්මක ගෝලීය කතිකාවක් ඇතිවී තිබේ. මේ කතිකාව පිළිබඳ යම් අදහසක් ඇති කිසිවෙක් මෙවැනි  ප්‍රාදේශීය පැණියකින් එය කරන්නට පුළුවන් වේවි යැයි කිසිවිටෙක නොසිතනු ඇත. එබැවින්, අපේ මේ ජන කොටස බණ්ඩාර මහතා ගේ පැණිය වෙත පෙල ගැසීමෙන් පෙන්වන්නේ, කොරෝනාවලට ප්‍රතිකාර හොයාගැනීම සම්බන්ධයෙන් ඇති  ඒ පුළුල් ගෝලීය යථාර්ථය  පිළිබඳව තමන්ට ඇත්තේ ඉතා අඩු අවබෝධයක් බවයි.   එබැවින්, මෙවැනි විශ්වාස සහ උගුල්වලට අසුවන බහුතරය සාමාන්‍යයෙන් වැටෙන්නේ තම ප්‍රාදේශීය අවකාශයට ඔබ්බෙන් ඇති ක්‍රියාකාරකම් පිළිබඳව නිවැරැදි අවබෝධය අඩු, සියල්ල ශ්‍රී ලංකාවේ සිංහල මාධ්‍යවලින් සහ සිංහල ටෙලිනාට්‍යවලින් කියාදෙන ලෙස තේරුම් ගැනීමට නැඹුරුවක් දක්වන,  මූලික වශයෙන් සිංහල භාෂාවෙන් පමණක් ගනුදෙනු කරගන්නා, වඩාත් ප්‍රාදේශීය ජන විඥානයක් මත ගොඩනැඟුණු පිරිසකින් සැදුම්ලත් කුලකයටය. බොහෝවිට, වගකීමක් නැති  කැලෑ-වෙදුන්ගේ, පේන කියන්නන්ගේ හා අභිචාරී  මායාකරුවන්ගේ කූට ප්‍රාදේශීය ප්‍රතිකාරවලට හසුවන්නේ මොවුන් ය. ශ්‍රී ලංකාවේ ඉංග්‍රීසි කතාකරන නාගරික ඉහල මධ්‍යම පංතියෙන් කිසිවෙක් මේ පැණිය ගන්නට නොයන්නේ ඒ නිසයි. හේතුව නම්, ඔවුන්ට රට තුළ සිදුවන මෙවැනි ක්‍රියාකාරකම්, බාල මාධ්‍ය භාවිතයන්, දේශපාලකයින්ගේ පටු ඥානය සහ ඔවුන්ගේ කූට උපක්‍රම යම් විශ්වීය සන්දර්භයක තබා චිත්‍රණය කරගැනීමේ  හැකියාව තිබීම නිසාය. එසේම, ඒ සමාජ ස්ථරයේ මෙවැනි දේවල ඇති බොරුව තේරුම් ගැනීමට ප්‍රමාණවත් තරම් අදහස් සහ දැනුම සංසරණය වීම ද වැදගත් සාධකයකි.

රජය, ධම්මික බණ්ඩාර මහතා සහ මාධ්‍ය ඇතුළු  මේ ව්‍යාපෘතියට මුල් වූ පිරිස් නොයෙකුත් මූල්‍යමය, භෞතික සහ සංකල්පමය වටිනාකම් මේ තුළින් අත්පත්කර ගන්නා බව ද අපට වටහා ගැනීමට අපහසු නැත.  විශේෂයෙන් රජය පැත්තෙන් ගත කළ, කොරෝනා මර්දනයට රජයක් ලෙස ජාතික වශයෙන් අපටත් යමක් කළ හැකිය යන ජාතිකවාදී සංකේතාත්මක අර්ථය වැදගත් බව පෙනේ. ලෝකයේ ජර්මනිය, ජපානය, ඇමරිකාව ආදී බොහෝ දියුණු රටවල්වල ද ජාතිකත්වය පිළිබඳ අදහස ක්‍රියාත්මකවන විටත්, ඔවුන් අනෙකාගේ නූතන විද්‍යාත්මක සොයාගැනීම් සහ දැනුම තමන්ගේ දැනුමට බැරකරගෙන,  එය ප්‍රයෝජනයට ගැනීමේදී ජාතිකත්වය කිසි විටෙකත් බාධාවක් කරගත්තේ නැත.  එහෙත් ශ්‍රී ලංකාව සම්බන්ධයෙන් මෙය බොහෝ විට වටහා ගෙන තිබෙන්නේ, එකී විවිධ රටවල්වල ඇති විද්‍යාත්මක දැනුමේ සහ පර්යේෂණවල ආභාෂය ලබා ගන්නවාට වඩා, හැකි තරම් ප්‍රාදේශීය අමුද්‍රව්‍යවලින් යමක් නිෂ්පාදනය කර අනිකාගේ දේ ප්‍රතික්ෂේප කර පෙන්වීම, ජාතික ජයග්‍රහණයක් ලෙසටය. එහි  ප්‍රායෝගික ප්‍රතිඵලය කුමක් හෝ වේවා සිංහල අවුරුදු චාරිත්‍ර ලෙසින්ම මේවා ද සංකේතාත්මකව සිදුවුණත් එය මහා ජයග්‍රහණයක් ලෙස දැකීමට අප බොහෝ දෙනා හුරු වී සිටීම අවාසනාවකි.

(මේ සටහනේ මුල් අත්පිටපත ධනංජය කරුණාරත්න ගේ මුහුණු පොත් පිටුවේ 2020 දෙසැම්බර් 9 වනදා පළවිය. එහි සංස්කරණය කළ පිටපතක් වන මේ ලිපිය මෙහි පළකරන්නේ කතුවරයා ගේ අවසරය ඇතිවය. ධනංජය කරුණාරත්න ඔස්ට්‍රේලියාවේ ජීවත්වෙන නාට්‍යවේදියෙකි)

Total
8
Shares
Leave a Reply

Your email address will not be published. Required fields are marked *

You May Also Like
වැඩි විස්තර පරිශීලනයට

විශාලාවෙන් ඇමතුමක්

සසංක පෙරේරා, දකුණු ආසියානු විශ්වවිද්‍යාලය පසුගිය සති කිහිපය පුරාම මටත් මගේ බිරිදටත් නොයෙකුත් දෙනාගෙන් දුරකථන සහ අන් සන්නිවේදන මාධ්‍ය ඔස්සේ ලංකාවේ සහ අන් රටවල සිටින ඥාතීන්ගෙන් සහ මිතුරු මිතුරියන්ගෙන් ඇමතුම් ගණනාවක් ලැබුණි. ඒ, නව දිල්යේ මෙන්ම ඉන්දියාවේ අන් බොහෝ තැන්වල ද මේවන විට ඛේදනීය ලෙස දිගහැරෙමින් පවතින කොරෝනා ඛේදාන්තය පිළිබදව තොරතුරු ඔවුන් රූපවාහිනී නාලිකා ඔස්සේ සහ සමාජ මාධ්‍යය ඔස්සේ දැක, එමගින් චකිතයට පත්ව තිබුන නිසාය. එයින් ඇතැමුන්, විශේෂයෙන් වඩාත් වැඩිමහලු පුද්ගලයින්, සංකේතාත්මකව දිල්ලිය හැඳින්වූයේ ‘විශාලා…
වැඩි විස්තර පරිශීලනයට
වැඩි විස්තර පරිශීලනයට

ලාංකීය කම්කරු ව්‍යාපාරය හා එහි සිංහල බෞද්ධ ඉතිහාසය

~ ඉෂංඛා සිංහආරච්චි  “පළමුව ඔබ මනුෂ්‍ය වර්ගයට අයත්ය. දෙවනුවයි ඔබ  කම්කරුවෙකු වන්නේ. තුන් වෙනුවයි ඔබ  CMU සාමාජිකයෙක්  හා වෘත්තීය සමිති ක්‍රියාධරයෙක් වෙන්නේ.”  මේ ලාංකීය කම්කරු පංති  ව්‍යාපාරයේ  අසහාය නියමුවෙකු  ලෙස සැළකෙන බාලා තම්පෝ සහෝදරයා විසින් අත් නොහැර රැකගත් මූලධර්මයකි. කම්කරු ව්‍යාපාරයේ ඔහු නියැළුණු සමයේ දී එම ව්‍යාපාරය වෙළාගෙන තිබුණු ජාති සහ ආගම්වාදයෙන්  කම්කරුවා මුදා  ගැනීමට ඔහු දැරූ පරිශ්‍රමය එතරම් සාර්ථක වී නොමැති බව සමස්ත වෘත්තීය  සමිති ව්‍යාපාරය මෙන්ම  ඔහුගේ අනුගාමිකයින් බොහෝ දෙනා ගැන ද විමසිලිමත්…
වැඩි විස්තර පරිශීලනයට
වැඩි විස්තර පරිශීලනයට

අධ්‍යාපනය වෙනසෙහි මෙවලමක් ලෙස: උපාධිධාරී විරැකියාව සහ රැකියා සඳහා ‘නුසුදුසු භාවය’ පිලිබඳ කතිකාව

~ අනුෂ්කා කහඳගමගේ සහ ශාමලා කුමාර් අඛණ්ඩව වර්ධනය වන  වසංගත තත්ත්වය සමඟ රට තුළ ජාතික හා  ග්‍රාමීය මට්ටමින් ඇතිව තිබෙන ආර්ථික සෝදාපාලුව හා විරැකියාව දිගු කලක් පවතින යථාර්ථයක් බවට මේ වන විට පත්කර ඇත. විරැකියාව සහ රැකියා නියුක්තිකත්වය පිලිබඳ කතිකාව අධ්‍යාපනය සමඟ ඓතිහාසිකව බැඳී  තිබෙන අතර, විශ්වවිද්‍යාල කෙරෙහි විශාල බලපෑමක් ඇතිකරයි. කෙසේ වෙතත්, වර්තමාන රජය යටතේ, රැකියා, විරැකියාව සහ විශ්වවිද්‍යාල අධ්‍යාපනය, ‘කුසලතා’ යන අදහස සමඟ අනිවාර්යයෙන් බැඳී ඇත. මෙය ගැටලුසහගත ආඛ්‍යානයකි. තවද, ගැටලුකාරී ලෙස රජයේ…
වැඩි විස්තර පරිශීලනයට
වැඩි විස්තර පරිශීලනයට

‘ඩිමාන්ඩ්’ එක ඇති සහ නැති අධ්‍යාපනය

~ සසංක පෙරේරා, දකුණු ආසියානු විශ්වවිද්‍යාලය පසුගිය පාර්ලිමේන්තු මැතිවරණ කාලයේ ජනාධිපතිවරයා අධ්‍යාපනය පිළිබඳ දැක්වූ අදහස් සමුදායක් සමාජ මාධ්‍යය ඔස්සේ දැඩි කතාබහකට ලක් විණි. මෙහිදී පුළුල් ලෙස ව්‍යාප්ත වූ ප්‍රවෘති වීඩියෝවකින් අප දුටුවේ තරුණ සිසුවියන් පිරිසක් තමන් පාසලේදී දේශපාලන විද්‍යාව හැදෑරූව ද තවමත් විශ්වවිද්‍යාල වරම් හෝ රැකියාවක් නොලැබීම පිළිබඳව ජනාධිපතිවරයාව දැනුවත් කරන ආකාරයයි. එම අවස්ථාවේ දී ඔහු විසින් දේශපාලන විද්‍යාව වැනි විෂයන් හදාරන්නේ ඇයිදැයි එම සිසුවියන්ගෙන් ප්‍රශන කර, ඔවුන් හැදෑරිය යුත්තේ රටේ ‘ඩිමාන්ඩ්’ එක තියෙන විෂයන්…
වැඩි විස්තර පරිශීලනයට
වැඩි විස්තර පරිශීලනයට

ශ්‍රී ලංකාව පරස්පරවිරෝධතාවන්ගේ තෝතැන්නක් ලෙස

~ සසංක පෙරේරා, දකුණු ආසියාණු විශ්වවිද්‍යාලය බොහෝ කාලයක සිට ශ්‍රී ලංකාව රටක් වශයෙන් මට පෙනී ඇති ඇත්තේ පරස්පරවිරෝධතාවන්ගේ ප්‍රතිමූර්තියක් ලෙසිනි. මීට පැහැදිලිම උදාහරණය නම්, දකුණු ආසියානු කලාපයේ වඩාත් ව්‍යාප්ත වූ සාක්‍ෂරත්වය දැකිය හැකි රට වන ශ්‍රී ලංකාවේ දේශපාලන සාක්‍ෂරත්වය සම්බන්ධයෙන් ඇති සාපේක්‍ෂ දරිද්‍රතාවයි. එනම්, දේශපාලන ප්‍රවනතා කියවීමේදී තම පටු දේශපාලන, සංස්කෘතික, ජනවාර්ගික හා ආගමික සීමාවන්ගෙන් ඔබ්බට ගොස්, පුළුල් යථාව කියවීමට බොහෝ දෙනාට ඇති නොහැකියාවයි. මේ නොහැකියාව රාජ්‍යය හා ආණ්ඩුව සමග ඍජුවම බැඳී ඇති බොහෝ දෙනාට…
වැඩි විස්තර පරිශීලනයට
වැඩි විස්තර පරිශීලනයට

ජන අරගලය ගැන …

~ අනුෂ්කා කහඳගමගේ මේ මොහොතේ මදක් නැවතී මේ තත්ත්වය විශ්ලේෂණය කිරීමට තරම් වරප්‍රසාද සහිත තත්වයකට මා ඔසවා තැබුවාට නිදහස් අධ්‍යාපනයට සහ ඒ වෙනුවෙන් බදු ගෙවූ ජනතාවට ප්‍රථමව ප්‍රණාමය පුද කරමි. විශාල සමාජ විපරිවර්තනයක අංකුර මතුවෙමින් පවතින මේ මොහොත, ලංකා ඉතිහාසයේ ඉතාම වැදගත් මෙන්ම වෙනස්ම ආකාර සන්ධිස්ථානයක් ලෙස දකිමි. ඒ මොහොත තුළ බොහෝ ධනාත්මක දේ ඇති අතර, ඒ ධනාත්මක දේ තවත් ප්‍රගතිශීලී මාවත් කරා යොමුකළ යුතුව ඇත. ඉතාම දීර්ඝ කාලයක් ජාති ආගම්, කුල මල, ස්ත්‍රී පුරුෂ…
වැඩි විස්තර පරිශීලනයට
වැඩි විස්තර පරිශීලනයට

නූතන රාජ්‍යය සහ ජනවාර්ගිකත්වය: අනන්‍යතා දේශපාලනයේ ගැටලුව

~ දර්ශන ලියනගේ, සිංහල අධ්‍යයනාංශය, රුහුණ විශ්වවිද්‍යාලය (මේ ලිපිය 2021 මාර්තු  08 දින රුහුණ විශ්වවිද්‍යාලයේ මානව ශාස්ත්‍ර හා සමාජීය විද්‍යා පීඨ ශ්‍රවණාගාරයේ පැවැත්වුණු සහෝදර පියාපත් කෘතිය එළි දැක්වීමේ උත්සවයේ දී පවත්වන ලද ආරාධිත දේශනයෙහි ප්‍රකාශනයට සුදුසු සේ සංස්කරණය කරන ලද පිටපත ය). අද මේ එළිදක්වපු සහෝදර පියාපත් කියන මේ පොත රුහුණ විශ්වවිද්‍යාලයේ සමාජවිද්‍යා අධ්‍යයනාංශයේ සිසු සිවියන් පිරිසක් යාපනය ප්‍රදේශයේ කරපු “ක්ෂේත්‍ර අධ්‍යනයක” ප්‍රතිඵලයක්. ඔවුන් එහේදී ලබපු අත්දැකීම් තමයි මේ ලිපිවල තියෙන්නේ. මේ අධ්‍යයනය කෙරිලා තියෙන්නේ…
වැඩි විස්තර පරිශීලනයට
වැඩි විස්තර පරිශීලනයට

විග්නේශ්වරන්ගේ ‘ඉතිහාස’ පාඩම

~ සසංක පෙරේරා 2020 අගෝස්තු 21 වනදා අභිනවයෙන් තේරී පත් වූ පාර්ලිමේන්තුවේ මංගල සැසිවාරයේ දී පළමු වරට මන්ත්‍රීවරයෙකු වශයෙන් කටයුතු කරන, හිටපු උතුරු පලාතේ ප්‍රධාන ඇමති වූ සී.වී. විග්නේශ්වරන් මහතා විසින් කළ ප්‍රකාශයක් නිසා බොහෝ සිංහල ජාතිකවාදීන් උරණවී ඇති බැව් පෙනේ. ඔහුගේ කතාවේ මතබේදයට තුඩු දී ඇත්තේ දෙමළ බස ලොව පැරණිතම ජීවමාන භාෂාව සහ එය මෙරට ජීවත් වූ මුල්ම ආදීවාසීන් කතාකළ භාෂාව ද වශයෙක් කළ සඳහනයි. මේ ප්‍රකාශය කළ දිනට පසු දිනම එය විවේඡනය කළ…
වැඩි විස්තර පරිශීලනයට
වැඩි විස්තර පරිශීලනයට

විස්සේ පලහිලව්ව

~ සසංක පෙරේරා ශ්‍රී ලංකාවේ පාර්ලිමේන්තුවට ආණ්ඩු පක්‍ෂය විසින් යෝජනා කර ඇති 20 වන ව්‍යවස්ථා සංශෝධනය පිළිබඳ විශාල කතිකාවක් මේ වන විට ඇතිවී තිබේ. මේ සංශෝධනය මගින් මූලික වශයෙන් උත්සාහ කර ඇත්තේ ජනාධිපති ධුරය මත අතිවිශාල බලයක් සංකේද්‍රණය කිරීමටය. ඒ ඔස්සේ ජනාධිපතිවරයාට විනිසුරුවරුන්, කොමිශන් සභා සාමාජිකයින්, රජයේ ඉහළ නිලධාරීන්, පොලිස්පති ආදීන් පත් කිරීමේ බලය දිය යුතු යැයි යෝජනා කර තිබේ. මීට අමතරව, ජනාධිපතිවරයාට තමන් කැමති අමාත්‍යාංශ සියත තබා ගැනීමටත් රිසි පරිදි ඇමතිවරුන් අවශ්‍ය සංඛ්‍යාවක් පත්…
වැඩි විස්තර පරිශීලනයට
වැඩි විස්තර පරිශීලනයට

‘රත්තරන්’ හෙලේනා මාලදිවයිනට යැවීම සහ විදේශ සේවා විගඩම

~ සසංක පෙ​රේ​රා, දකුණු ආසියාණු විශ්වවිද්‍යාල​ය පාස​ල් යන සමයේ සිට මා රෝහණ බැද්දගේ පිළිබඳව දැන සිටියේ සිංහල ජනප්‍රිය සංගීතයට අතිශයින් සිත්ගන්නාසුළු, අතැමුන් ‘ග්‍රාමීය’ යැයි අරුත්ගැන්වූ, ගායනා හා සංගීත ආරක් එක්කළ ප්‍රතිභාපූර්ණ සංගීතවේදියෙකු ලෙසිනි. ‘මගේ රත්තරන් හෙලේනා’ යන ගීතය අදත්  මා හද රැඳී තිබෙන්නේ ඔහු ගැයූ වඩාත් රසවත් ගීතයක් ලෙසිනි. කෙසේ වුව ද, ඔහු ජනාධිපතිවරයා විසින් මාලදිවයිනේ ශ්‍රී ලංකා මහා කොමසාරිස්වරයා ලෙස පත් කර ඇති බැව් සන්නිවේදන මාධ්‍ය වාර්තාකරන විට මා පුදුමයට පත්වූයේ, තමන් ප්‍රගුණකර ඇති…
වැඩි විස්තර පරිශීලනයට