නිර්ව්‍යාජත්වයේ කාව්‍යාත්මකභාවය සහ දේශපාලනය: සිංහල ජාතිකවාදය පිලිබඳ සංස්කෘතික වංශාවලියක්

The Politics and Poetics of Authenticity: A Cultural Genealogy of Sinhala Nationalism (නිර්ව්‍යාජත්වයේ කාව්‍යාත්මකභාවය සහ දේශපාලනය: සිංහල ජාතිකවාදය පිලිබඳ සංස්කෘතික වංශාවලියක්). හර්ෂන රඹුක්වැල්ල. යුනිවර්සිටි කොලේජ් ලන්ඩන් මුද්‍රණාලය, 2018. පිටු: 178. ISBN: 978-1-78735-128-8. මිල: පවුම් 35.00 (ඝන කවරය සහිතව); පවුම් 15.00 (මෘදු කවරය සහිතව). කෘතියේ පී.ඩී.එෆ් පිටපතක් මේ පිවිසුම ඔස්සේ නොමිලේ ලබාගත හැක.

___________

විමර්ශනය:
අනුෂ්කා කහඳගමගේ, දකුණු ආසියානු විශ්වවිද්‍යාලය, චානක්‍යපූරි, නව දිල්ලිය

ජාතිකත්වය, ජාතිකවාදය, සිංහල බෞද්ධ ජාතිකවාදය වැනි සංකල්ප ශ්‍රී ලාංකේය අධ්‍යයනික ප්‍රජාවට ආගන්තුක සංකල්ප නොවන අතර, යම් තාක් දුරකට යල්පැනගිය විශ්ලේෂණ සංකල්ප ලෙසත් අද වනවිට හඳුනාගත හැකිය. මීට හේතු වී ඇත්තේ, බොහෝ සමාජයීය විද්‍යාඥයින් සිංහල බෞද්ධ ජාතිකවාදය තම සමාජ දේශපාලනික විශ්ලේෂණයන්හි අවසාන හේතු දැක්වීම බවට පත්කරගැනීමයි. නමුත් මේ කෘතිය තුළ මා දකින විශේෂත්වය වන්නේ, කතුවරයා තම අවසාන විශ්ලේෂණය සිංහල බෞද්ධ ජාතිකවාදය වෙත ලඝු නොකිරීමයි. කතුවරයා ‘නිර්ව්‍යාජත්වය’ (authenticity) යන සංකල්පය ‘අපේකම‘ යන සිංහල යෙදුම සමඟ සම්බන්ධ කරන අතර, එය ඉතිහාසයේ විවිධ කාල සහ අවකාශ අනුව වෙනස් අර්ථ ගත් ආකාරය කෘතිය ඔස්සේ විග්‍රහ කෙරෙයි. ඒ විග්‍රහයට අනුව, ‘අපේකම’ යනු පෞද්ගලික ස්වචාරි (idiosyncratic) විශ්වාසයක් නොව, පරම්පරාවෙන් පරම්පරාවට සම්ප්‍රේෂණය වන සහ ප්‍රතිනිෂ්පාදනය වන, ක්‍රමික සහ ආයතනගත කතිකාවකි. මෙම කෘතිය තුළ ‘ජාතිකත්වය’ සහ ‘ජාතිකවාදය’ යන සංකල්ප විශ්වීය අරුතකින් යුත් සංකල්ප ලෙස භාවිත නොවන අතර, එම සංකල්ප ව්‍යුහ-විභාගයට (deconstruct ) ළක් කිරීම සිදුවෙයි. එම සංකල්ප යම් දෙන ලද විශ්වීය අර්තයන්ගෙන් භාවිත කිරීමේ ඇති අවධානම සහ එම සංකල්ප කෙතරම් ද්‍රවතාවයෙන් යුක්තද යන්න කතුවරයා ගවේෂණය කරයි. කතුවරයාම පවසන ආකාරයට, ජාතිකවාදය යන්න ක්‍රියාවේ ප්‍රවර්ගයක් ලෙස ගැනීම සහ ජාතිකවාදය යන්න විශ්ලේෂණ ප්‍රවර්ගයක් ලෙස යොදාගැනීම යන අවකාශ එකිනෙකින් වෙන් කිරීමට මෙම ග්‍රන්ථය තුළ ඔහු විශේෂයෙන් උත්සාහ දරා ඇත. ඒ අනුව කෘතිය තුළ ‘ජාතිය යනු කුමක්ද?’ යන ප්‍රශ්නය වෙනුවට, ජාතිකවාදී චින්තකයින් ‘ජාතිය’ යන්න තුළ හැසිරෙන්නේ කෙසේද සහ ඔවුන් එය නැවත ප්‍රතිනිෂ්පාදනය කරන්නේ කෙසේද යන්න විග්‍රහ කෙරෙයි.

ජාතිකත්වය සහ ජාතිකවාදය පිළිබඳ මෙම චාරිකාවේදී අර්නස්ට් ගෙල්නර් හා බෙනඩික්ට් ඇන්ඩර්සන් වැනි කතුවරුන්ගේ අදහස්වල වෙනස්කම් සහ සමානතා කතුවරයා විසින් විශ්ලේෂණය කරයි. ගෙල්නර්ට අනුව කෘෂි ආර්ථික සමාජය කාර්මික සමාජය දක්වා පරිවර්තනය වීමේදී ‘ජාතිකවාදය’ උත්පාදනය වන්නේය. ඒ අනුව, මහා පරිමාණ අධ්‍යාපනය, සාක්ෂරතාව සහ නිලබලවාදය යන ඒවා ජාතිකවාදය පැන නැගීමේ පූර්ව කොන්දේසි වෙයි. ගෙල්නර්ගේ තර්කයට අනුව, ජාතික රාජ්‍ය බලවත් වන්නේ ජාතිකවාදය මත පදනම්ව මිස, එයට විපරීත වශයෙන් ජාතිකවාදය, ජාතික රාජ්‍ය නිසා බලවත් වන්නේ නැත. මීට වෙනස්ව, ඇන්ඩර්සන් තර්කකරන්නේ, මුද්‍රිත මාධ්‍ය වන නවකතා සහ පුවත්පත් යාන්ත්‍රික ලෙස බහුලව නිෂ්පාදනය කිරීම යම් ජන කොටසකට, තම ප්‍රජාව තුළ ඇති අභ්‍යන්තරික වෙනස්කම් නොසළකා හැර, තනි සමූහයක් වශයෙන් තම ජන කොටස පරිකල්පනය කරගැනීමේ හැකියාව ලබා දෙන බවයි. ඒ අනුව, ඇන්ඩර්සන් තවදුරත් පවසන්නේ, ‘කාලය’ ආගමික අවකාශයෙන් මිදී වඩාත් ලෞකික අවකාශයක ස්ථානගතවන බවයි. එහිදී, කාලය යන යථාව ඔරලෝසුව සහ දින දර්ශනය මගින් අර්ථ නිරුපණය වන අතර, එය ඇන්ඩර්සන් හඳුන්වන්නේ ‘හිස්’ නැතහොත් ‘සමජාතීය’ (homogenous) කාලය ලෙසයි. එම දෙනලද කාල වකවානුව තුළ තම ප්‍රජාව, වෙනස්කම්වලින් තොර එක් ඒකකයක් ලෙස පරිකල්පනය කර ගැනීමට ‘ජාතිය’ සමත් වෙයි.

ගෙල්නර් ජාතිකවාදයේ ආයතනික ස්වභාවය හුවා දක්වන අතර, ඇන්ඩර්සන් ජාතිකවාදය ආයතනික මෙන්ම සංස්කෘතික වශයෙන්ද දකියි. එමෙන්ම පශ්චාත් යටත්-විජිත දැනුම් නිෂ්පාදනය තුළ ‘ජාතිකවාදය’ පිළිබඳ වෙනම ආකාරයේ න්‍යාය ව්‍යුහයක් බිහිවෙයි. එහිදී, පාර්තා චැටර්ජිගේ න්‍යායගතකිරීම් තුළ, ‘ජාතිකවාදය’ නිර්-යටත් විජිත කිරීමේ උත්සාහයක් පවතින අතර, එහි සාරය වන්නේ යටත්විජිතවාදයෙන් කිළිටි නොවූ පූර්ව-යටත්විජිත නිර්ව්‍යාජත්වයයි. ඒ අනුව, අපගේ සංවාදයට ළක්වන කෘතියේ කතුවරයා, හර්ෂන රඹුක්වැල්ල, පෙන්වා දෙන්නේ, ‘බටහිර’ සහ ‘නැගෙනහිර’ යන භූ-දේශපාලනික ද්වෛතයෙන් මිදීමට, ජාතිකවාදී චින්තකයින්ට පමණක් නොව, මෙම පශ්චාත් යටත්විජිත න්‍යායවාදීන්ටත් පහසුවෙන් කළ නොහැක්කක් වන බවයි. පුළුල් වශයෙන් ගත්කළ මෙම ග්‍රන්ථය, යටත් විජිත සමයේ ඇරඹී, පශ්චාත් යටත් විජිත සමයේදී වඩාත් අණසකධාරී තත්වයට පත්වූ සිංහල සංස්කෘතික සහ දේශපාලනික නිර්ව්‍යාජත්වය පිළිබඳ සංකල්පය ගවේෂණය කරයි. එමෙන්ම මෙම කෘතිය ශ්‍රී ලංකා සමාජ දේශපාලනික ඉතිහාසයේ සංක්ෂිප්තය වඩාත් විචාරශීලීව ඉදිරිපත්කර ඇත.

ඉහතින් දක්වන ලද න්‍යායාත්මක රාමුව තුළ හිඳ ශ්‍රී ලංකා ඉතිහාසයේ යටත්විජිත සහ පශ්චාත් යටත්විජිත සමය තුළ පහළවූ චින්තකයින් තිදෙනෙක් පිළිබඳ කතුවරයා විග්‍රහ කරයි. ඒ, අනගාරික ධර්මපාල, එස්. ඩබ්. ආර්. ඩී. බණ්ඩාරනායක සහ ගුණදාස අමරසේකර යන ජාතිකවාදී චින්තකයින්ය. කතුවරයා මෙම චරිත පුළුල් සමාජ, ආර්ථික සහ දේශපාලනික සන්දර්භයක් තුළ ස්ථානගත කරන අතර, එසේ කිරීමේදී නිරන්තරයෙන්ම ජාතික රාජ්‍යයේ රාමුවෙන් පිටතට යමින් සහ නැවත ඒ තුළට එමින් එම විග්‍රහය සිදු කරයි. එමෙන්ම, පළමු චින්තකයින් දෙදෙනා හා සසඳන විට, තුන්වන ජාතිකවාදී චින්තකයා ලෙස කතුවරයා විසින් ඉදිරිපත්කරන ගුණදාස අමරසේකර චරිතය, පළමු චින්තකයින් දෙදෙනා විග්‍රහ කිරීමේ, එක්තරා විශ්ලේෂණාත්මක මෙවලමක් වශයෙන්ද යොදා ගනු ලබන බව පෙනී යයි. කෘතියේ නාමකරණය අනුව, ‘කාව්‍යාත්මක භාවය’ යන්න විශ්ලේෂණ මෙවලමක් වශයෙන් යොදාගනු ලබන්නේ, ගුණදාස අමරසේකර හරහාය.

‘කාව්‍යත්මකභාවය’ විශ්ලේෂණාත්මක මෙවලමක් ලෙස යොදාගැනීම මෙම අධ්‍යයනයේ ඇති තවත් විශේෂත්වයක් වෙයි. සාම්ප්‍රදායික විශ්ලේෂණ මෙවලම් වෙනුවට ‘කාව්‍යාත්මකභාවය’ යොදා ගැනීම අපූර්ව විශ්ලේෂණ ක්‍රමවේදයක් ශ්‍රී ලාංකේය සමාජ-දේශපාලනික අවාකාශය ගවේෂණය කිරීම සඳහා යොදා ගැනීම සනිටුහන් කරයි. ඒ තුළ, නව ආකාරයේ, එම අධ්‍යයනයටම විශේෂිතවූ ක්‍රමවේදීමය මෙවලමක් හඳුන්වා දෙන අතර, අනික් අතට, ඊනියා ‘විද්‍යාත්මක භාවය’ පවත්වාගැනීම උදෙසා පර්යේෂණයේ අන්තර්ගතය පාවා දෙන යාන්ත්‍රික ක්‍රමවේද අභියෝගයට ළක් කෙරෙයි. කෙසේ වෙතත්, කෘතිය තුළ අවධානය යොමුකර ඇති ජාතික චින්තකයින් තිදෙනා විශ්ලේෂණය සඳහා යොදා ගැනීමට හේතුව අපැහැදිළිය. එනම්, කෘතිය තුළ තෝරාගත හැකිව තිබූ අන් චරිත වෙනුවට මෙම කතා නායකයින් තිදෙනා යොදා ගැනීම සාධාරණීකරණය කරමින් හේතු ඉදිරිපත්කර ඇත්තේ අවම වශයෙනි.

මෙම කෘතිය පරිඡේද හයකින් සමන්විත වෙයි. පළමු පරිච්ඡේදය නිර්ව්‍යාජත්වය පිළිබඳ ගැටලුව සාකච්ඡා කරන අතර, කෘතියේ ප්‍රධාන න්‍යායාත්මක පසුබිම ද සකස් කරයි. දෙවන පරිච්ඡේදය නිර්ව්‍යාජත්වය යන අගයේ නිරන්තර වෙනස්වන සුලු ස්වභාවය විමසන අතර හා ඒ සම්බද්ධයෙන් ඉතිහාසය, ජාතිය සහ බුද්ධාගම යන බලවේගවල බලපෑම විස්තර කර ඇත. වෙනත් වචනවලින් පවසන්නේ නම්, මේ පරිච්ඡේදය තුළින්, නිර්ව්‍යාජත්වය යන්න බුද්ධාගම, ජාතිය සහ ඉතිහාසය තුළ විකාශනය වන ආකාරය සහ දෝලනය වන ආකාරය විග්‍රහ කරයි. ඒ අනුව, දහනවන සහ විසිවන ශතවර්ෂවලදී සිංහල ජාතිකවාදය සහ නිර්ව්‍යාජත්වය යන සංකල්ප හැඩගස්වන ලද්දාවූ සමාජ-ඓතිහාසික වෙනස්වීම් පිළිබඳ රලු අදහසක් ලබා දෙයි. තුන්වන පරිච්ඡේදය වෙන්වන්නේ අනගාරික ධර්මපාල චරිතය ගවේශනය කිරීම මගින් ජාතිය සහ ලෝකය යන යථාවන් ඔහුගේ චින්තනය හා ක්‍රියාකාරීත්වය හැඩගැස්වීම කෙරේ බලපෑ ආකාරය සොයා බැලීම සඳහාය. හතරවන පරිඡේදය එස්.ඩබ්.ආර්.ඩී. බණ්ඩාරනායක ගේ භූමිකාව ගවේශණය සඳහා වෙන්වී ඇති අතර, කතුවරයා බණ්ඩාරනායක හඳුන්වන්නේ නිර්ව්‍යාජත්වයේ විරුද්ධාභාශය යන අදහස හරහාය. පස්වන පරිච්ඡේදය නිර්ව්‍යාජත්වය යන දේශපාලන චින්තනය ගොඩනැගීමේලා ගුණදාස අමරසේකරගේ භූමිකාව ගවේශණය කිරීම සඳහා වෙන්වී ඇත. අවසාන පරිච්ඡේදය වෙන්වන්නේ ඉහත දැක්වූ ගවේශණ මත පිහිටා නිර්ව්‍යාජත්වය පිළිබඳ කතිකාව පශ්චාත් යටත්විජිත ජාතිකවාදී දේශපාලනයේ හා සංස්කෘතික දේශපාලනයේ උපත සනිටුහන් කළ ආකාරය සොයා බැලීමටය.

කතුවරයා තම කතා නායකයින් තිදෙනා වෙනුවෙන් වෙන් වෙන් පරිච්ඡේද වෙන් කර ඇති බව පැහැදිලිය. එනමුත්, කෘතිය තුළ භාවිත වන ‘කාව්‍යාත්මක භාවය’ යන අපූර්ව විධික්‍රමික මෙවලමේ වටිනාකම, මෙම සාම්ප්‍රදායික පරිච්ඡේද ආකෘතිගත කිරීම හරහා යම් තාක් දුරකට හීන වී යන බව පෙනී යයි. මෙම කෘතිය, ජාතිකවාදය පිළිබඳ නව ආකාරයේ කියවීමක් ලාංකේය සමාජයීය විද්‍යා දැනුම් පද්ධතියට හඳුන්වා දෙයි. එමෙන්ම, දහනවවන සහ විසිවන ශතවර්ෂවල, යටත්විජිත සහ පශ්චාත් යටත්විජිත ශ්‍රී ලාංකේය සමාජය තේරුම් ගැනීමට උත්සාහ දරන්නෙකු සඳහා එම සමාජය සහ එහි විකාශනය සමඟ බැඳී ඇති සමාජ-ආර්ථික සහ දේශපාලනික තත්වයන්ගේ කදිම සංක්ෂිප්තයක් සපයා දෙයි. තවද, ජාතිකවාදය පිළිබඳව හදාරන විද්‍යාර්ථීන්ට ඒ හා සම්බන්ධව කලාපීය සහ ගෝලීය වශයෙන් උත්පාදනය වී ඇති දැනුම පිළිබඳ යම් මග පෙන්වීමක් මේ කෘතිය මගින් ලබාගත හැකි අතර, ඒ අනුව යමින් තමාට අවශ්‍ය අන් කෘති වැඩිදුර පරිශීලනය කළ හැකිය.

Total
46
Shares
Leave a Reply

Your email address will not be published. Required fields are marked *

You May Also Like
වැඩි විස්තර පරිශීලනයට

තත්කාලින ශ්‍රී ලාංකේය කලා භාවිත ඔස්සේ ජෝර්ජ් කීට් කියවීම

Buddha to Krishna: Life and Times of George Keyt (බුදුන්ගේ සිට ක්‍රිශ්නා දෙවිදුන් කරා: ජෝර්ජ් කීට්ගේ ජීවිතය සහ යුගය). යශෝධරා දල්මියා. නව දිල්ලිය: රව්ට්ලෙජ්, 2017. පිටු: 216. ISBN 978-1-138-03814-1. මිල: ඉන්දියානු රුපියල් 795.00 (ඝන කවරය සහිතව). ___________ විමර්ශනය: අනෝලි පෙරේරා අතිශයන් වැදගත් 20 වන සියවසේ චිත්‍ර ශිල්පියෙකු වන ජෝරජ් කීට් පිලිබඳ යශෝධරා දල්මියාගේ කෘතිය ඓතිහාසික වශයෙන් ඉතාමත් වැදගත් වන්නේ එවැනි පුළුල් බුද්ධිමය උත්සාහයක් ඔහු ජීවත් වූ ශ්‍රී ලංකාවේද බෙහෙවින් විරල බව සැලකිල්ලට ගත් විටය. මා…
වැඩි විස්තර පරිශීලනයට
වැඩි විස්තර පරිශීලනයට

ශ්‍රී ලංකාවේ පෘතුගීසි යුගය පිලිබඳ කියවීමක්

(Dis)connected Empires: Imperial Portugal, Sri Lankan Diplomacy, and the Making of a Habsburg Conquest in Asia. ((වි)සම්බන්ධිත අධිරාජ්‍යය: අධිරාජ්‍යවාදී පෘතුගාලය, ශ්‍රී ලංකා රාජ්‍ය තාන්ත්‍රිකත්වය හා ආසියාවේ හැබ්ස්බර්ග් ආක්‍රමණයක නිර්මාණය). සොල්ටාන් බීඩර්මන්. ඔක්ස්ෆර්ඞ්: ඔක්ස්ෆර්ඞ් විශ්වවිද්‍යාල මුද්‍රණාලය, 2018. පිටු: 255. ISBN: 9780198823391, doi: 10.1017/S002191181900233X (රෙදි කවරය සහිතව).  ___________ විමර්ශනය: නිරා වික්‍රමසිංහ, ලයිඩන් විශ්වවිද්‍යාලයපරිවර්තනය: ප්‍රවීන් තිලකරත්න (Dis)connected Empires: Imperial Portugal, Sri Lankan Diplomacy, and the Making of a Habsburg Conquest in Asia කෘතිය මගින් සොල්ටාන් බීඩර්මන් ගවේෂණය කරන්නේ…
වැඩි විස්තර පරිශීලනයට
වැඩි විස්තර පරිශීලනයට

කොන්ටෙන් මෙයසූ සිංහලෙන් කියවීමේ උත්සාහයක්

පරිමිතත්වයෙන් පසු: අහඹුබවේ අනිවාර්යතාවය පිළිබඳ රචනයක්. කොන්ටෙන් මෙයසූ (Quentin Meillassoux විසින් රචිත After Finitude: An Essay on the Necessity of Contingency කෘතියේ සිංහල පරිවර්තනය. පරිවර්තක: වංගීස සුමනසේකර). කොළඹ: තීර්ථ ප්‍රකාශන, 2019. පිටු 360. මිල: රුපියල් 700.00. ISBN 978-955-4940-03-1. ———- විමර්ශනය: රංග මනුප්‍රිය දාර්ශනික කෘතියක් සිංහල භාෂාවට පරිවර්තනය කිරීම බොහෝ විට පරිවර්තකයාට, ප්‍රබන්ධ රචනාවක් පරිවර්තනය කරන තරම් පහසු කටයුත්තක් නොවීමට ඇති ඉඩ වැඩිය. අනෙක් අතට, මෙරට දාර්ශනික සාහිත්‍ය පිළිබඳ සුවිශේෂී උනන්දුවක් දක්වන සීමිත පාඨක පිරිසක් හඳුනා…
වැඩි විස්තර පරිශීලනයට
වැඩි විස්තර පරිශීලනයට

සිංහල ගීතයේ හා කාව්‍යයේ දේශපාලනය

Modernizing Composition: Sinhala Song, Poetry, and Politics in Twentieth-Century Sri Lanka (ගීත නිර්මාණය නවීකරණය කිරීම: විසිවන සියවසේ ශ්‍රී ලංකාව තුළ සිංහල ගීතය, කාව්‍යය හා දේශපාලනය). ගැරට් ෆීල්ඩ්. ඕක්ලන්ඩ්: කැලිෆෝර්නියා විශ්වවිද්‍යාලයීය මුද්‍රණාලය, 2017. පිටු: 213. ISBN: 9780520294714 (මෘදු කවරය සහිතව). ඇමරිකානු ඩොලර් $34.95. doi: 10.1525/luminous.27   විමර්ශනය: ප්‍රවීන් තිලකරත්න, ඉංග්‍රීසි අධ්‍යයනාංශය, කොළඹ විශ්වවිද්‍යාලය සිංහල ජනප්‍රිය ගීයේ රසිකයන්ට මෙන්ම එහි ඉතිහාසය, රසාස්වාදය හා විචාර කලාව හදාරන්නන්ට ගීයක පදවල ඇති වැදගත්කම මෙන්ම ගී පද හා කාව්‍යය අතර ඇති සමීප…
වැඩි විස්තර පරිශීලනයට
වැඩි විස්තර පරිශීලනයට

අතීතය පිලිබඳ දේශපාලනය

දේවසිරි, නිර්මාල් රංජිත්. ලංකාවේ ඉතිහාසය: දෘශ්ටිවාදී විචාරයක්. දෙහිවල: විදර්ශන. 2019. ISBN -978-624-5084-17-4, පිටු: 269. මිල රුපියල් 950.00 (ඝන කවරය සහිතව). ___________ විමර්ශනය: සමල් විමුක්ති හේමචන්ද්‍ර ශ්‍රී ලංකා ඉතිහාසය පිළිබඳව දෙස්විදෙස් ශාස්ත්‍රඥයන් විසින් 90 දශකයෙන් මෙපිටට ලියා ඇති ශාස්ත්‍රීය ලේඛන පිළිබඳව අපගේ අවධානය යොමු කිරීමේදී අපට මඟ නොහැර යා නොහැකි යථාර්තය වන්නේ ඉංග්‍රීසී භාෂාවෙන් ලියැවී ඇති ලේඛනවල ඇති සාපේක්‍ෂ ගුණාත්මකභාවය සහ සිංහල භාෂාවෙන් ඇති ලේඛනවල සාපේක්‍ෂ දරිද්‍රතාවයයි. විශේෂයෙන්ම අන්තර්ජාතික දැනුම් පද්ධතිය තුළ වර්ධනය වූ ව්‍යුහවාදය, පශ්චාත්ව්‍යුහවාදය,…
වැඩි විස්තර පරිශීලනයට
වැඩි විස්තර පරිශීලනයට

උඩරට රාජධානියේ සමාජ-සංස්කෘතික අතීතය පිළිබඳ කියවීමක්

Obeyesekere, Gananath. Many Faces Of The Kandyan Kingdom 1591-1765: Lessons for Our Time (උඩරට රාජධානියේ අනේකවිද පැතිකඩ 1591-1765: අපගේ යුගය සඳහා ගතහැකි පාඩම්). කොළඹ: සේල් ෆිශ් ප්‍රකාශන සමාගම, 2020. පිටු: 195. ISBN 978-955-7743-060-6. මිල: ශ්‍රී ලාංකේය රුපියල් 1, 200.00 (මෘදු කවරය සහිතව). ~ විමර්ශනය: සසංක පෙරේරා, දකුණු ආසියානු විශ්වවිද්‍යාලය, නව දිල්ලිය ගනණාත් ඔබේසේකර විසින් මෑත කාලීනව ශ්‍රී ලංකාවේ පළකරන ලද කෘති දෙකෙන් නවතම කෘතිය වන්නේ Many Faces Of The Kandyan Kingdom 1591-1765: Lessons for Our…
වැඩි විස්තර පරිශීලනයට
වැඩි විස්තර පරිශීලනයට

අනගාරික ධර්මපාල තුමා පිළිබඳ  පුලුල් කියවීමක් 

Rescued from the Nation: Anagarika Dharmapala and the Buddhist World (ජාතියෙන් ගලවා ගත් පසු:  අනගාරික ධර්මපාල සහ බෞද්ධ ලෝකය). ස්ටීවන් කෙම්පර්. චිකාගෝ: චිකාගෝ විශ්වවිද්‍යාලයීය මුද්‍රණාලය, 2015.  පිටු: 368. මිල; අමෙරිකානු ඩොලර් $69.95 (ඝන කවරය සහිතව). ISBN 9780226199078 ___________ විමර්ශනය: සසංක පෙරේරා, දකුණු ආසියානු විශ්වවිද්‍යාලය  ශ්‍රී ලංකාවේ සිංහල හා බෞද්ධ පසුබිමක හැදී වැඩුන අයෙකුට අනගාරික ධර්මපාල තුමා ( 1864-1933) කිසිවිටෙකත් මගහැරිය හැකි චරිතයක් නොවේ.  අප සියලු දෙනාම දෛනික සමාජානුයෝජනය තුළින් මැනවින් ඉගෙනගෙන ඇති පරිදි, එතුමා ශ්‍රී…
වැඩි විස්තර පරිශීලනයට
වැඩි විස්තර පරිශීලනයට

18 වන සියවසේ ඕලන්​ද යටත්ත්විජිත ජීවිතය පිළිබඳ විචාර පූර්වක කියවීමක්

van der Velde, Paul (Transalted by Lisbeth Bennik. Life Under the Palms: The Sublime World of the Anti-colonialist Jacob Haafner (පෝල් වැන්ඩර් වෙල්ඩ් [පරිවර්තනය: ලිස්බෙත් බෙනික්], පොල් සෙවණේ ජීවිතය: යටත් විජිත විරෝධී ජාකොබ් හාෆ්නර් ගේ උත්කෘෂ්ට ලෝකය). සිංගප්පූරුව: සිංගප්පූරු ජාතික විශ්වවිද්‍යාලයීය මුද්‍රණාලය. 2020. පිටු 200. මිල: සිංගප්පූරු ඩොලර් 24.00. ISBN: 978-981-3250-82-6 විමර්ශනය: අනුශ්කා කහදගම, දකුණු ආසියානු විශ්වවිද්‍යාලය, නව දිල්ලිය Life Under the Palms යන මෙම කෘතිය  ජාකොබ් හාෆ්නර් නම් ජර්මානු සම්භවයක් සහිත ඕලන්ද ජාතික සංචාරකයාගේ…
වැඩි විස්තර පරිශීලනයට
වැඩි විස්තර පරිශීලනයට

ශ්‍රී ලංකාවේ සිවිල් යුද්ධය සහ උතුරුකරයේ ‘ගෙදර’ පිලිබඳ හැඟීම

In My Mother’s House: Civil War in Sri Lanka (මගේ මවගේ නිවසේ: ශ්‍රී ලංකාවේ සිවිල් යුද්ධය). ශාරිකා තිරාණගම. ෆිලඩෙල්ෆියාව: පෙන්සිල්වේනියා විශ්වවිද්‍යාල මුද්‍රණාලය, 2011. පිටු 296. ISBN: 9780812222845. මිල: අමෙරිකානු ඩොලර් 29.95 (මෘදු කවරය සහිතව). විමර්ශනය: දියෝතිමා චත්තෝරාජ්, රුඅර් විශ්වවිද්‍යාලය, ජර්මනියපරිවර්තනය: හිරණ්‍යදා දේවසිරි ___________ උතුරේ ශ්‍රී ලාංකික දෙමළ සහ මුස්ලිම් ජනයා අතර ‘ගෙදර’ (home) යන්නට ලැබෙන ප්‍රතිවිරුද්ධ අර්ථ සමග මෙම කෘතිය සවිස්තරාත්මකව ගනුදෙනු කරයි. තිරාණගම මෙහිදී නිරූපණය කරන්නේ, යමෙකුගේ ගෙදර (ur,18 පිටුව) පිළිබඳව දැනගත හැකි දෑ…
වැඩි විස්තර පරිශීලනයට
වැඩි විස්තර පරිශීලනයට

පිටුවහල් කිරීම හා බැඳීම පිළිබඳ හැගීම

Banishment and Belonging: Exile and Diaspora in Sarandib, Lanka and Ceylon (පිටුවහල් කිරීම හා බැඳීම පිළිබඳ හැගීම: සරන්ඩිබ්හි, ලංකාවේ හා සිලෝන්හි පිටුවහල් ජීවිතය හා විසිරුණු ජන ප්‍රජාවන්). රොනිත් රිච්චි. කේම්බ්‍රජ්: කේම්බ්‍රජ් විශ්වවිද්‍යාලයීය මුද්‍රණාලය, 2019. පිටු: 282. මිල: අමෙරිකානු ඩොලර් 99.99 (ඝන කවරය සහිතව). ISBN 978-1-108-72724-2. ___________ විමර්ශනය: නිරා වික්‍රමසිංහ, ලයිඩන් විශ්වවිද්‍යාලය පරිවර්තනය: සසංක පෙරේරා, දකුණු ආසියානු විශ්වවිද්‍යාලය නොයෙකුත් යුගවල ශ්‍රී ලංකාව විවිධ නම්වලින් හඳුන්වන ලදී. අරාබි ජාතිකයන්ට එය සෙරන්ඩිබ් වූ අතර, රාමායනයේ හා නොයෙකුත් වංශකතාවල…
වැඩි විස්තර පරිශීලනයට