භාෂණයේ අයිතිය සහ නිරාගමිකත්වයේ දේශපාලනය

~ |ගුරුගොඩ සිරිවිමල  හිමි

ඉන්දික රත්නායක නැමැත්තකුට එරෙහිව බෞද්ධ තොරතුරු කේන්ද්‍රය මගින් නීතිමය පියවර ගන්නා ලෙස ඉල්ලමින් අපරාධ පරික්ෂණ දෙපාර්තමේන්තුවේ අධ්‍යක්ෂක තුමන්ගෙන් ඉල්ලා සිටින අවුල් සහගත ලිඛිත ඉල්ලා සිටීමක් මෑතකදී දක්නට ලැබුනි. ඉන්දික රත්නායකට මේ චෝදනාව එල්ල කිරීම සඳහා ඔවුන් ඉදිරිපත් කරන ලිපියේ දැක්වෙන පරිදි, ඔහු “බුදු දහම ජෛන දහමක් යැයි මිත්‍යා මතයක් සමාජගත කිරීමට යත්න දරා ඇති බව” පවසයි. මෙකී අදහස පිළිබඳව මා තුළ විශේෂ අදහසක් හෝ ආකර්ශනයක් නැත. කෙසේ වෙතත්, එම විවාදාපන්න කරුණ ගැන සාකච්ඡාවකට එළඹෙන්නේ නැතිව හදිසියේම නීතිමය ආධාර පැතීම බරසාර විහිළුවක් සේ මම දකිමි. එයින් පෙනෙන්නේ සංවිධාන මුක්කු ගසාගත් ඇතැම් අයගේ චින්තන හීනත්වයයි. එක් අතකින් කණගාටුවට කරුණක් වන්නේ, උගත් භික්ෂූන් මේ සඳහා පෙනී සිටීමයි. ඉන්දික රත්නායක පිලිබඳ මට පෞද්ගලික දැනීමක් නැති අතර, එහෙම අයෙක් ගැන දැනගත්තේත් බෞද්ධ තොරතුරු කේන්ද්‍රයට පිං සිදුවන්නටය. එම කේන්ද්‍රය විසින් ලියූ ලිපියේ සඳහන් “ආගමිකයන් අතර වෛරය පැතිරවෙන අයුරින්, මිත්‍යාමත” වැනි වචන දැක මුවගට ආ සිනහව නවතා ගැනීමට මට නොහැකි විය. සිනහ පහළ වන ලිපියේ උච්ඡතම අවස්ථාව වන්නේ එහි අවසානයේ “ඔබතුමන්ට දළදා සමිඳු රැකවරණයි” යනුවෙන් සඳහන් කොට තිබීමය. කෙසේවෙතත්, ලංකාවේ බුදුදහමට දළදා සමිඳුගේ රැකවරණය කෙසේ වුවද සමහරක් භික්ෂූන්ගේ චන්ඩිකම්වල නිශේධනීය බලපෑම ඉක්මනින්ම දකින්නට ලැබෙන බව විශ්වාසය. මා මේ ඉදිරිපත්කරන කරුණු කිහිපය ඉන්දික රත්නායකගේ අදහස් පිලිබඳ මගේ ස්ථාවරය නොවන අතර, එසේ නොවන්නේද නොවන බව කියවන ඔබ දැනගත යුතුය. එනමුත්, ඔහුට ලිවීමටත් කීමටත් ඇති අයිතිය වෙනුවෙන් සමාජයක් විදියට අප පෙනී සිටිය යුතුය. පහත දැක්වෙන්නේ මේ උක්ත කරුණ ගැන සිතමින් සිටයදී මගේ සිතට නැගුන අදහස් කිහිපයකි.

නිරාගමික ප්‍රශ්නය

නිරාගමිකත්වය ලෝකය පුරා ව්‍යාප්තවීමට ප්‍රධාන බැලපෑමක් වන්නේ නිදහස් චින්තනයයි. නමුත් මා එය කියවා ගන්නේ බටහිර වහල්බාවයේ ලක්ෂණයක් ලෙසිනි. ලෝකය පුරා නිරාගමික හෙවත් ආගමක් පිළිනොගන්නා අයගේ ප්‍රවණතාවක් අතීතයේ සිටම පැවතිනි. ලංකාවේ ද එසේමය. එය බටහිරට අනුව ෆැෂන් එකකි. ඒ ෆැෂන් එක සේම නිරාගමික යන්නට ගෝලීය වශයෙන් එක්රකරගත් වටිනාකම් ද රාශියකි. නිදහස් චින්තනය, දේවල්වල පැවැත්ම පිළිබඳ සංවාදය, ශාස්ත්‍රීය මැදිහත් වීම් වැනි ඒවා එහි වටිනාකම්ය. ලංකාවේ ද එය එසේමය. නමුත් යම් යම් විද්‍යාත්මක කියැවීම්වලදී ඔවුන්ගේ බටහිර වහල් බව මොනවට පැහැදිලි වේ. The Monk and the Philosopher (පූජකවරයා සහ දාර්ශනිකයා) ලියූ ජෝන් ෆ්රන්ශුවා රෙවෙල් (Jean Francois Revel) වැනි නිරාගමිකයන්ගේ එලඹීම හා සමපාත නොවන ලංකේය නිරාගමික රැල්ල එක් අතකින් බොහෝ විට අශිෂ්ට වූත් පහත් වූත් දෙයකි. එනම්, නිරාගමික බව යනු ආගම සමග ඇති පුද්ගලික ගැටලු පිළබඳව කෑගසාගන්නා වේදිකාවක් නොවිය යුතුය. ලංකාවේ නිරාගමික බව ෆැෂන් එකක් වෙන්නේ ෆේස්බුක්වලට පමණි. ෆේස්බුක් ලෝකයෙන් මිදුනු විට, මේ ඇතැම් පුද්ගලයින් පද්ධතියෙන්ම දුවන ආගමිකයන්ටත් වඩා ආගමික වූත් සාම්ප්‍රදායික වූත් අය බව අප නොයෙක් විට දැක ඇත. මෙහිදී නිරාගමික අදහස හුදෙක්ම ප්‍රශ්නයක් වී ඇත. එය සිංහල බෞද්ධ අන්තවාදය, ජාතිවාදය, ආගම්වාදය, ඉස්ලාමීයකරණය, ක්‍රිස්තියානිකරණය තරම්ම අවුලක් බව මාගේ අදහසයි. එනම්, ලංකාවේ පවතින තත්ත්වයන් වෙනස් කිරීම සඳහා නිරාගමික සංවාදය උදව්වට ගත නොහැකි තරමටම පිළුණු ස්වභාවයක් ගත්තක් බවට පත් වී ඇත. ලෝකයේ සිටින සෑම බෞද්ධයෙක්ම චතුරාර්ය සත්‍ය අවබෝධ ⁣කරගනිමින්, අටලෝ දහම ඉදිරියේ කම්පා නොවන, ආර්ය‍ අෂ්ටාංගික මාර්ගයේ පැය විසිමතරම එ⁣හා මෙහා දුවන්නන් නොවන බවත්, ලෝකයේ සිටින සියළු කිතුණුවන් දසපනත රකිමින් සිය ජීවන චර්යාව යේසුස් වහන්සේ පවසා ඇති ලෙස හැඩ ගස්වාගත් අය නොවන බවත්, ඉස්ලාමිකයන් අල්ලාහ් දෙවියන්ට හෝ නබිනායක තුමන්ට අවැසි පරිදිම ජීවත්වන්නවුන් නොවන බවත් නිරාගමික ලෝකයා පසක් කරගත යුතුව ඇත.තමන් හරිය, තමන් යහපත්ය, අනෙකා අයහපත්ය, අනෙකා වැරදිය කියන්නට දත පූට්ටු කරගනිමින් සිටින ආගමික ලෝක⁣යක අප ජීවත්වන බව නිරාගමිකයන් තවදුරටත් ඉගෙන ගත යුතුව ඇත. එමෙන්ම, ඒ සමාජය වෙත තම අදහස් ඒත්තු ගන්වන්නට සුදුසුම සන්නිවේදන ක්‍රමය කුමක්ද යන්න ද ඔවුන් අවබෝධ කරගත යුතුය. අඩුම තරමින් ලංකාවේ නිරාගමිකයන් කලෝ ෆොන්සේකාව වත් අනුගමනය කළ යුතු බව මාගේ අදහසයි.

ලංකාවේ බොහෝ නිරාගමිකයන් යනු බොහෝ විට දර්ශනය පිලිබඳ අල්පමාත්‍රයකවත් දැනුමැත්තන් නොවේ. ඔවුන් ආගම ගැන, දර්ශනය ගැන, ඉතිහාසය ගැන සහ අන් දේවල් ගැන තියා අඩුම තරමින් තමන් නිරාගමික යැයි කියන්නේ කිනම් පදනමකින්වත් දැයි නොදන්න බව කැට තබා කිව හැකිය. අඩුම තරමින්, නිරාගමිකයෙක් තුළ දැකිය යුතු අවම හික්මීමවත් ඔවුන් තුළ බොහෝ විට නැත. ආගමිකයන් වෙත තම විචාරාත්මක විවේචනය ගෙන දෙනවා වෙනුවට දිවා රෑ අපහාස කරමින් පුද්ගල මතවාදවලට එරෙයිව ස්ක්‍රීන්⁣ශොට් ගසා, ඒවායේ තවදුරත් ඉරි ගසමින් හයිලයිට් කොට දක්වා තමන්ගේ නිරාගමික බව විහිළුවක් කරගන්නා අයුරු පෙන්වා දීම සඳහා මට ෆේස්බුක් අත්දැකීම් එමට ඇත.

ලියද්දී හා කියද්දී අනෙකා හිංසනයට ලක්වීමේ හැකියාව සියදහස් ගුණයක් වැඩි බව නිරාගමිකයන් දැනගත යුතුය. වේදනාවට පත්වන්නේ ගස් ගල් නොවේ. මිනිසුන්ය. ආගමික ප්‍රශ්නය සම්බන්ධයෙන් බලන කල, ලංකාවේත් කොයි රටෙත් ආගම් අදහන්නන් අනවශ්‍ය බියකින් පෙලෙති. පූජකයාත්, පූජ්‍යාත්, අනුගාමිකයාත් නිතර විශ්වාස කරන්නේ තමන්ට එරෙහිව නිතරම සතුරු බලවේගයක් ක්‍රියාත්මක වන බවය. ලංකාවේ මේ තත්ත්වයට සාදනීය හේතු ඇත. ඉතිහාසයේ බොහෝ අතීතයේ පටන්ම ලංකාවේ යුධමය ආක්‍රමණ සහ චින්තන ආක්‍රමණවලදී ආක්‍රමණිකයා විසින් බුදුසමය ඇතුළුව ආගම් සිය අතකොලුවක් බවට පත් කරගෙන ඇති බව සාක්ෂි සහිතය. නමුත් ආගමිකයා තේරුම් ගත යුතු ආගමික වීම හරහා සමාජය ඥානනය කිරීමේ අවශ්‍යතාවය අත්හැර, ඇසට ආලෝකය වෙනුවට, ඇසට ඇස ඉල්ලමින් ඔවුන් මොකද්දෝ නොතේරෙන උන්මාදාමය තත්වයක පටැලවී ඇත. මේ නිසා, නිතරම ගැටුම්කාරී තත්ත්වයන් උද්ගත වීමට ඉඩහසර වෙන්වී ඇත. අද දින, බුදු දහම පදනම් කරගත් බුදු සමය තුළ බුදුදහම හැර අන් සියළු මිත්‍යාවන් තිබීමට ප්‍රධාන හේතුව අවබෝධ කර නොගැනීමත්, අවබෝධ කරගත් අය එය වෙනත් දේශපාලනික සහ ආර්ථික අවශ්‍යතා වෙනුවෙන් භාවිත කිරීමත් සැබවින්ම කනගාටුවට කරුණකි. ආගම දේශපාලකයා විසින් සිය අමන අවශ්‍යතාවන් වෙනුවෙන් භාවිත කිරීම නිසා, අද දින බොහෝ තැන්වල පවතින ආගමික-ජාතික දේශපාලනයෙන් විමුක්තියක් ලබාගැනීමට නොහැකි බව කවුරුත් තේරුම් ගත යුතු සත්‍යකි. සංවිධාන වැනි දේවල්වල ඇති දේශපාලන ස්වභාවයන් නිරාගමික අය සඳහාද ආගමික අය සඳහාද එකසේ වලංගු වන්නකි. ඇත්තෙන්ම, අප රට තුළ අද දින පවතින නිරාගමිකත්වය යන ව්‍යාජ පැවැත්ම නිසා ශිෂ්ටසම්පන්න නිරාගමිකත්වය අවභාවිතයට පත්ව ඇත.

අදහස් ප්‍රකාශ කිරීම

අදහස් ප්‍රකාශ කිරීමේ මිනිස් අයිතිය මූලික ප්‍රජාතන්ත්‍රවාදී ලක්ෂනයකි. භාෂණයේත් ලේඛණයේත් අවශ්‍යතාව අප වැනි තුන්වන පන්තියේ රටවලට අවශ්‍යම අද වැනි මොහොතක මේ කරුණ අපට නම් අනිවාර්යය. ආගමික වූ දෙයකුත් නිරාගමික වූ දෙයකුත් විවේචනය කිරීමේ දී සදාචාරාත්මක බව හා මිනිසුන්ගේ සංවේදීතාවන් හඳුනාගනිමින් සන්නිවේදනය කිරීම ඉතාමත් වැදගත් කරුණකි. එහි සීමානිර්ණ තම තමන්ට අනුව සිතාමතා යහපත්ව කරගත යුතුය. අනෙකාගේ අදහස්වලට ගරු කිරීමටත්, ඒවා ගැන ශිෂ්ටසම්පන්න ලෙස සංවාද කරගැනීමටත් පාඨකයන් සහ රසිකයන් උගත යුතුය.

එසේම, මෙයද නොලියාම බැරිනිසා ලියා තබන්නේ දැනුම, සංවාද, බුද්ධිය වැනි දේවල් සමාජය තුළ අවලංගු කාසි බවට පත්ව ඇති බැවිනි. ලංකාවේ සිටින කෝටි දෙකහමාරකට ආසන්න සියළු මිනිස් වර්ගයාම ලියන්නට හෝ කියන්නට අවශ්‍යය යැයි මම නොසිතමි. අපට අවශ්‍යව ඇත්තේ මැනැවින් සවන් දෙන්නන් පිරිසකි. අවම වශයෙන්, තම ආගමික ස්ථානය තුළ හෝ ⁣නිවස තුළ සිටින හාමුදුරුවන්ට, පූජකයාට, බිරිඳට, දරුවන්ට, සැමියාටවත් නිසි ලෙස සවන් දීමට අප උගත යුතුව ඇත.

(රූප සටහන: මීඩියම් ඩොට් කොම් වෙතිනි)

Total
41
Shares
Leave a Reply

Your email address will not be published. Required fields are marked *

You May Also Like
වැඩි විස්තර පරිශීලනයට

ලාංකේය නර්තනය තුළ ගොඩ නැගෙන ස්ත්‍රිය පිළිබද දෘශ්ටිවාදී පසුබිම සහ චන්න විජෙවර්ධනගේ නර්තන භාවිතය

~  පියුමි   වාසනා, සිරිසීවලී මහා විද්‍යායලය, පානදුර (චායාරූප චන්න උපුලී නර්තනායතනයේ අනුග්‍රහයෙනි) අද්‍යතන ශ්‍රී ලංකාව තුළ  ස්ථාපිතව ඇති පුරැශ-මූලික දෘශ්ටිවාදය සහ ධනවාදයේ  අවශ්‍යතාවයනට අනුව “ස්ත්‍රිය” සකස් කොට තිබේ. ස්ත්‍රී ශරීරය, ස්ත්‍රී පැවතුම්, ස්ත්‍රී ආකෘතිය, ස්ත්‍රිය කියවීම, ස්ත්‍රී සමාජ භාවය යන සියල්ල, පුරැෂ-මූලික දෘශ්ටිය සහ ධනවාදයේ යෙදවීම් මත තීරණය වී තිබේ. ලංකාව තුළ පැවත එන ස්ත්‍රී සමාජ භූමිකාව කර්මකාරකයක් (object) බවට පත් කිරිමට එයට හැකිවි තිබේ. ධනවාදී පාරිභෝජන ක්‍රමය තුළ ස්ත්‍රිය හා ස්ත්‍රී ශරීරය ශෲංගාර-පූර්ණ…
වැඩි විස්තර පරිශීලනයට
වැඩි විස්තර පරිශීලනයට

සමාජ-දේශපාලනික අභියෝග හමුවේ විශ්වවිද්‍යාලවල සමාජ වගකීමේ ස්වභාවය [1]

~ සසංක පෙරේරා (මෙම ලිපිය 2014 වසරේ ඉදිරිපත් කළ දේශනයක සිංහල පිටපත වේ. මුල් දේශනයේ සිට අද වන විට බොහෝ කලක් ඉක්ම ගොස් තිබුනද, එහි ඉදරිපත් කර තිබු අදහස්වල තත්කාලීන වලංගුතාවය සලකා, විශ්වවිද්‍යාල පිලිබඳ අපගේ කෙටි ලිපි මාලාවේ කොටසක් වශයෙන් නැවත පලකරන්නට සංස්කාරක මණ්ඩලය තීරණය කර ඇත) (ඉහල චායාරූපය: පේරාදෙණිය විශ්වවිද්‍යාලය; සුනන්දා ප්‍රේමසිරි, සිංහල අංශය, පේරාදෙණිය විශ්වවිද්‍යාලය) උපකුලපතිතුමනි, පීඨාධිපතිතුමනි, මිත්‍රවරුනි; ඔබ සැමට සුභ උදෑසනක් වේවා. මීට කලකට ඉහතදී කොළඹ විශ්වවිද්‍යාලයේ ශාස්ත්‍ර පීඨයේ පීඨාධිපතිතුමා මා වෙත…
වැඩි විස්තර පරිශීලනයට
වැඩි විස්තර පරිශීලනයට

ලංකාව තුළ චීන සමාගම් වල මැදිහත් වීම සුළු කොට තැකිය හැකිද?

පවිත්‍රා ජයවර්ධන,කොළඹ විශ්වවිද්‍යාලය – අප  ජීවත් වන්නේ ලෝක පර්යාය (world order) යම්කිසි ආකාරයක සංක්‍රාන්තියක තිබෙන මොහොතකයි. සෝවියට් සමූහාණ්ඩුව  බිඳවැටීමෙන් පසුව ලිබරල් ප්‍රජාතන්ත්‍රවාදී පර්යායක් ලෝකයේ ඇති කිරීම්ට ඇමරිකාව ප්‍රමුඛ බටහිර කඳවුර දැඩි ව්‍යායාමයක නිරත විය.  කෙසේ නමුත් අද වන විට ලිබරල් ප්‍රජාතන්ත්‍රවාදී කදවුර දැඩි අර්බුදයක සිටින බව පැහැදිළිය.  ඇමරිකාව වැනි රාජ්‍යයකම ට්‍රම්ප්  වැනි අන්ත දක්ෂිණාංශික නායකයෙක් පත්වීම, මහත් බලාපොරොත්තු ඇතිව සකස් වූ යුරෝපා හවුලෙන් බ්‍රිතාන්‍ය  ඉවත් විය යුතු බව බ්‍රිතාන්‍ය ජනයාම තීරණය කිරීම වැනි සරල නිදර්ශන…
වැඩි විස්තර පරිශීලනයට
වැඩි විස්තර පරිශීලනයට

ශ්‍රී ලංකාවේ සමාජ විද්‍යා සම්ප්‍රදාය තුළ රචනය හා ප්‍රකාශනය

~ සසංක පෙරේරා, දකුණු ආසියානු විශ්වවිද්‍යාලය (මේ රචනය ‘සෝසියෝ ටෝක්ස්’ යූ ටියුබ් නාලිකාව සඳහා කළ අදහස් දැක්වීමේ ලිඛිත පිටපතයි. එහි ශ්‍රව්‍ය පඨිතයට මෙතැනින් පිවිසිය හැක) ආයුබෝවන්. මට මේ වෙලාවේ අවශ්‍ය ශ්‍රී ලංකාවේ දැනට පවතින සමාජ විද්‍යා සම්ප්‍රදාය තුළ රචනය හා ප්‍රකාශනය කියන ක්‍රියාවලීන් පවතින අකාකාරය ගැන යමක් කියන්නයි. ඒ, මීට පෙර මම කරපු අදහස් දැක්වීමේදී මතුවෙච්ච ‘රචනය’ කියන කාරණය පිළිබඳව වැඩි දුර සාකච්චා කිරීමේ අදහසින්. ඒත් රචනය හා ප්‍රකාශනය සම්බන්ධයෙන් කතා කරන කොට, සමාජ හා…
වැඩි විස්තර පරිශීලනයට
වැඩි විස්තර පරිශීලනයට

තාක්ෂණික දියුණුව සමග ගබ්සාවේ දිශානතිය සහ එහි සමාජයීය පැතිකඩ  

~ පූර්ණිමා ගමගේ,  ආර්ථික විද්‍යාව පිලිබද ශාස්ත්‍රවේදී උපාධි අපේක්ෂිකා, රුහුණ විශ්වවිද්‍යාලය (කාටූනය: ගිහාන් ඩි චිකේරා) වර්තමානය වන විට තාක්ෂණය ලෝකයේ සියලුම අවකාශ අතික්‍රමණය කරමින්, සිය ආධිපත්‍යය පතුරවමින් සිටී. වයස් භේදයකින් තොරව තාක්ෂණික ව්‍යාප්තිය සිදුවත්ම, තාරුණ්‍යය සීග්‍ර වේගයකින් එයට නතු වෙමින් පවතින යුගයක, සමාජය කෙරෙහි ඉන් ඇතිවන ප්‍රතිවිපාක කෙලෙසින් වේ දැයි පූර්ව නිගමනයකට, පූර්ව කථනයකට එළැඹීම ඉතා දුෂ්කර කාර්යයකි. තාරුණ්‍යයට තාක්ෂණය සමීපවීමත් සමග දෛනික කටයුතුවලින් වැඩි ප්‍රමාණයක් තාක්ෂණය උපයෝගී කරගනිමින්  සිදුකර ගැනීමට වත්මන් මානවයා උත්සාහ කරයි.…
වැඩි විස්තර පරිශීලනයට
වැඩි විස්තර පරිශීලනයට

විධිමත් ඓතිහාසික මූලාශ්‍ර, ජාත්‍යන්තර සබදතා පිළිබද ශාස්ත්‍රීය රචනාකරණය සහ නිර්මාණ සාහිත්‍යයේ අනාගතය

~ සසංක පෙරේරා, දකුණු ආසියානු විශ්වවිද්‍යාලය තත්කාලින ශ්‍රී ලංකාවේ සිට ඉන්දියාවේ හා නේපාලයේ බෞද්ධ සිද්ධස්ථාන වෙත වන්දනාවේ යන පිරිස් පිළබද පර්යේෂණයක් මා 2017 දී පමණ සැලසුම් කර, 2018 අග භාගයේ පමණ සිට ක්‍රියාත්මක කලෙමි.  මාගේ උනන්දුව වූයේ එම චාරිකා මගින් ජාත්‍යන්තර දේශ සීමා සහ දකුණු ආසියාව පිළිබද තත්කාලීන භූ-දේශපාලනික තේරුම්ගැනීම යම් ලෙසකින් වෙනස් ආකාරවලින් අර්ථ දැක්වීමට හැකිද යන්න සොයා බැලීමය. මාගේ ගවේෂණය තත්කාලීන වන්දනා ගතිකත්වයන් වෙත යොමු වී තිබුනද, යටත් විජිත යුගය දක්වාද පර්යේෂණය යොමු…
වැඩි විස්තර පරිශීලනයට
වැඩි විස්තර පරිශීලනයට

වීර අලකේශ්වරගේ ශෝකාන්තය: අතීතයෙන් ලැබෙන සංඥා

~ සසංක පෙරේරා, සමාජ විද්‍යා අංශය, දකුණු ආසියානු විශ්වවිද්‍යාලය මා උසස් පෙළ පංතිවල ඉගෙනගන්නා කාලයේ, මට සිංහල බස ඉගැන්වූ  ගුරුතුමා කෝට්ටේ යුගයේ දී චීන නාවික අද්මිරාල්වරයෙයෙකු විසින් ලාංකේය පාලකයෙකු පැහැරගෙන යෑම පිළිබඳ කථාවක් අපට විස්තර කළ ආකාරය මට තවමත් මතකය. එනමුත් එය ඔහුගේ පන්තියේ විෂය කරුණුවල කොටසක් නොවීය. එනමුදු, හොඳින් පොතපත කියවූ පුද්ගලයෙකු වූ නිසා ඔහු මේ කතාව මැනවින් දැන සිටි අතර, එමගින් ඔහුට අවශ්‍ය වූයේ බලය හා දේශපාලන ඇඟිලිගැසීම් පිළිබඳ අපට කරුණු දැක්වීමටය.  මේ…
වැඩි විස්තර පරිශීලනයට
වැඩි විස්තර පරිශීලනයට

සාහිත්‍ය සම්මාන, ඇගැයීමේ වතාවත් හා ශ්‍රීලාංකේය ඉංග්‍රීසි නිර්මාණාත්මක රචනාකරණය

සසංක පෙරේරා, දකුණු ආසියානු විශ්ව විද්‍යාලය, නව දිල්ලිය – (සටහන: මේ ලේඛණය 2016 ග්‍රේශන් සම්මාන පිළිගැන්වීමේ උත්සවයේදී 2017 මැය 27 දා කොළඹ බණ්ඩාරනායක සම්මන්ත්‍රණ ශාලාවේදී කළ කතාවේ වඩාත් දීර්ඝ සංස්කරණයේ සිංහල පරිවර්තනයයි. ) විනිශ්චයකරුවන් මුහුනපෑ ගැටලුවසර 2016 සදහා පිරිනමණ ග්‍රේෂන් සම්මාණයේ විනිශ්චයකරුවන් වශයෙන් සම්මාන සඳහා ඉදිරිපත් කර තිබූ රචනා පිළිබඳ තීරණ ගැනීමේදී මුහුණ පෑ ගැටළු පිළිබඳ කතා කිරීමේදී මා මේ අදහස් ඉදිරිපත් කරන්නේ මා සමග කටයුතු කළ අන් විනිසුරුවන් දෙදෙනා වන චන්දන දිසානායක හා රුහානි…
වැඩි විස්තර පරිශීලනයට
වැඩි විස්තර පරිශීලනයට

රාජ්‍ය විශ්වවිද්‍යාලවලට පහරදීම: ඉන්දියාවේ අනාගතය උකසට නොතබන්න

දීපක් නයියර් – ආර්ථිකවිද්‍යාව පිලිබඳ සේවාසම්මානිත මහාචාර්යජවහර්ලාල් විශ්වවිද්‍යාලය පරිවර්තනය:අනුෂ්කා කහඳගමගේදකුණු ආසියානු විශ්වවිද්‍යාලය (තත්කාලීනව විශ්වවිද්‍යාල තුළ, විශේෂයෙන් රාජ්‍ය අනුග්‍රහය සහිතව සිදුවන ප්‍රචණ්ඩත්වය, ඉන්දියාවේ ප්‍රභල දේශපාලනික වාදවිෂයක් බවට පත්ව තිබේ. මේ ප්‍රචණ්ඩත්වයේ එක් අරමුණක් වී ඇත්තේ එකී ආයතන තුළ සාම්ප්‍රදායිකව සිදු වූ විචාරශීලි කතිකාව හා දේශපාලනික විවේචනය පාලනය කිරීමය. එනමුත් මේ තත්වය සමස්ථ දකුණු ආසියාතික කළාපයටම පොදු තත්වයක් වන අතර, යම් මට්ටම්වලින් ඉන් බැහැර ප්‍රදේශවලද දැකගත හැක. දැනට ඉන්දියාවේ සරසවි තුළ සිදුවන ශිෂ්‍ය මර්දනය පෙන්වා දෙන මෙම…
වැඩි විස්තර පරිශීලනයට
වැඩි විස්තර පරිශීලනයට

කෝවිඩ් 19 මර්ධනය ඩිජිටල් ආඥාදායකත්වයක් කරා ගමන් නොකරන්නට නම් ….

~ පවිත්‍රා  ජයවර්ධන, ජාත්‍යන්තර සබදතා අංශය, කොළඹ විශ්වවිද්‍යාලය ~ ක්‍රිෂාන් සිරිවර්ධන කෝවිඩ් වසංගතය මර්ධනය කිරීම සඳහා ලොව සෑම රාජ්‍යයක්ම  පාහේ තමන්ට හැකි ආකාරයෙන් විවිධ ක්‍රියාමාර්ග ගැනීමට පෙළඹී තිබේ. මේ අතර ප්‍රමුඛ ස්ථානයක් ගන්නේ ජනයාගේ සබඳතා අන්වේක්ෂණය (surveillance)  පහසු කරවන “ලුහුබැඳීම් උපායමාර්ගයි” (tracking strategies). මේ වන පෙනීයන්නේ, ආසාධිත පුද්ගලයන්ගේ ස්පර්ශකයන් සොයා ගොස් හදුනාගෙන, ඔවුන් වේගයෙන් නිරෝධායනය වෙත යොමුකළ රාජ්‍යයන් කෝවිඩ් මර්ධන ක්‍රියාවලියේ ඉදිරියෙන් සිටින බවයි. එලෙස ලුහුබැඳ ගොස් හදුනාගැනීම කුඩා රාජ්‍යයන්ට පහසු වුවත්, ජනගහණය අධික විශාල…
වැඩි විස්තර පරිශීලනයට