මතවාදී පරිණාමය, පඨිත කියවීම, ස්ථානගතකිරීම සහ ස්ථානගත වීම: ධර්මපාල සහ ඔබේසේකර

~ අනුෂ්කා කහඳගමගේ, දකුණු ආසියානු විශ්වවිද්‍යාලය

මෙම කෙටි ලිපිය ලිවීමට හේතු වූයේ, මෑතකාලීනව සමාජ මාධ්‍ය තුළ විවාදයට ළක්ව ඇති අනගාරික ධර්මපාල තු​මා සොයා යාමේ කතිකාවයි. සිංහල ජාතිකවාදී කඳවුර විසින් අනගාරික ධර්මපාල තු​මා ඊනියා ‘සම ලිංගිකත්වයෙන්’ මුදවා ගැනීමේ විශාල පරිශ්‍රමයක් දරමින් සිටින බව පෙනීයන අතර, එහිදී මහාචාර්ය ගණනාථ ඔබේසේකරගේ එක් රචනය​ක් මේ කරුණ සමඟ සම්බන්ධ කරමින් විවේචනයට ළක්කරනු දැකිය හැකි විය. අනිත් කඳවුර විසින්, එනම් නිර්-ජාතිකවාදී ලිබරල් කඳවුර විසින් නිරන්තරවම උත්සාහ කරනු ලබන්නේ අනගාරික ධර්මපාල තු​මා ජාතිකවාදී කඳවුර වෙත ලඝු කිරීමටය. මේ කාර්ය දෙකම මා නම් දකින්නේ, සමාජ මානව විද්‍යා දැනුම නිෂ්පාදනය කරන්නන් හා භාවිත කරන්නන් විසින් ඉතාම පරිස්සමෙන් කළයුතු කාර්යක් බවයි. අවාසනාවන්ත ලෙස, අපට කෙසේ හෝ ගනුදෙණු කිරීමට සිදුව තිබෙන්නේ මෙම බුද්ධිමය කණ්ඩායම් දෙක සමඟය. අනගාරික ධර්මපාල තු​මා ජාතිකවාදීද, එසේ නොවන්නේද, ඔහු සමලිංගිකයෙක්ද යන කරුණු මෙම ලිපිය තුළ මා විසින් සාකච්ඡා නොකරන බව කිව යුතුය. එසේ සාකච්ඡා නොකරන්නේ, එවැනි නිගමනවලට එළඹීම සඳහා ජීවිත කාලයක පර්යේෂණ අවශ්‍ය බව මා විශ්වාස කරන බැවිනි. ඒ වෙනුවට, මා විසින් මේ කෙටි ලිපිය තුළ අවධානය යොමු කරන්නේ චින්තනයේ පවතින ඛණ්ඩනය පිළිබඳවය.

අනගාරික ධර්මපාල තු​මා

එකම පුද්ගලයාගේ බුද්ධි ලෝකය, විවිධ සමාජ, ආර්ථික සහ දේශපාලන සන්දර්භවලින් ව්‍යුක්ත යමක් නොවන අතර, එය පරිණා​මීය මොහොතක් ලෙස විශ්ලේෂණය කිරීමෙන් වඩාත් සියුම් කියවීමකට යා හැකි බව මාගේ අදහසයි. ධර්මපාල තු​මා ජාතිවාදියෙක් හෝ ජාතිකවාදියෙක් නොවේ යන රලු සහ ඉතාම ජනප්‍රිය ආකාරයේ විශ්ලේෂණයට ඒමට වඩා ඔබ්බට ගිය, වඩාත් සියුම් ආකාරයට ධර්මපාල තු​මාගේ ලෝකය කියවීම වටී. එසේ කියවීමේදී ධර්මපාල අදාළ දේශපාලන-ආර්ථික ව්‍යුහ තුළ, එනම් පරිණාමයට ළක්වන සමාජ-ආර්ථික-දේශපාලන ව්‍යුහ තුළ ස්ථානගත කිරීම වටින්නේය. ස්ටීවන් කෙම්පර් විසින් රචිත Rescued from the Nation: Anagarika Dharmapala and the Buddhist World කෘතිය තුළ, ඔහු විසින් මූලිකවම කිරීමට බලාපොරොත්තු වන්නේ, ධර්මපාල තු​මා, ‘ජාතිය’ යන පටු විශ්ලේෂණයෙන් ඔබ්බට ගෙන ගොස්, වඩාත් ගෝලීය ආස්ථානයක පිහිටුවා කියවීමයි.

තවත් ශාස්ත්‍රඥයින් කිහිප දෙනෙක් අතර, ඔබේසේකර විසින් ධර්මපාල තු​මා කියවීම කෙම්පර් විසින් විවේචනය  කරන්නේ සරල ජාතිකවාදී විශ්ලේෂණයකින් ධර්මපාල තු​මා මුදවාගත යුතු බව දක්වමිනි. නමුත් කොළඹදී කෙම්පර්ට සවන් දීමෙන් පසු මා අවබෝධකරගත්තේ, කෙම්පර්ට එසේ කිරීමේ අයිතිය ලැබෙන්නේ මුළු ​ජීවිත කාලයක් ධර්මපාල තු​මා පිලිබ​ද ලිවී​ම සහ ඔහු​ගේ ජීවිතය අධ්‍යනය කිරීමෙන් පසුව බවයි. එමෙන්ම ධර්මපාල දිනපොත්, සිංහල බෞද්ධයා මෙන්ම ඔහු අතින් ඉංග්‍රීසි බසින් සංස්කරණය කරනලදThe Mahabodi and the United Buddhist World යන මුලාශ්‍ර පරිශීලනය කිරීමේදී, ඔහුගේ මතවාදය කාලානුරූපීව මෙන්ම තමා විසින් ආමන්ත්‍රණය කරන්නාවූ ජනතාව අනුවද වෙනස් වී ඇති බව පෙනීයයි. එමෙන්ම, ධර්මපාල තු​මා පිළිබඳ අදහස් දක්වා ඇති මහාචාර්ය ඔබේසේකර සමාජ වියමනක් කියවන ආකාරය පිළිබඳවත්, ඔහුගේ මුල්කාලීන ලිවීම්වලින් වෙනස් වන්නාවූ මෑත කාලින ලිවීම් තුළින්, ඔහුගේ මතවාදයේ සිදුවූ වෙනස්කම් පිළිබඳවත් අවබෝධකර ගැනීම වටින්නේය.  ඔබේසේකර විසින් 1976 දී ලියනලද, ‘Personal Identity and Cultural Crisis: The Buddhist reforms of Anagarika Dharmapala’  යන කෙ​ටි ලිපිය ආශ්‍රය කරගෙන ඔහුගේ අදහස් විවේචනය කිරීමට වඩා, ඉන් පසුව ඔහු විසින් තම ආස්ථානය වෙනස්කරගෙන ඇත්ද සහ එසේ වෙනස්කරගෙන ඇත්නම් ඒ කෙසේද යන්න වටහාගත යුතුවෙයි. මේ සියල්ල එසේ තිබියදී පවා මහාචාර්ය ඔබේසේකරයන්ගේ ආස්ථානය ප්‍රශ්න කරන්නේ නම්, එය කළයුත්තේ ඔ​හු​ට පරිභව කිරීමෙන් නොව,ඔ​හු ව​සි​න් ගෙනහැර දක්වනලද කරුණු විවාදාපන්න බව පෙන්වා දීම සඳහා අවශ්‍ය ප්‍රමාණික අධ්‍යයන කිරීමෙන් පසුවය. ඒ සදහා ගෝරනාඩු කිරීමෙන් පලක් නැත. පැහැදිලිවම, ඔබේසේකර ධර්මපාල තු​මා පිලිබද විශේෂඥක් නොවේ. ඔහු මේ ලිපිය සදහා යොදාගෙනෙ ඇති යටත්විජිත පොලිස් වාර්තා, ඒ වර්තාවල ස්වභාවය නිසාම ගැටලුකාරී වන නිසා, ඒවා පරිස්සමින් පාඨනය කළ යුතු බව පැහැදිලිය. එමෙන්ම, ධර්මපාල තු​මා සමලිංගිකද යන ප්‍රශ්නය පවා ඔහුගේ ඉතිහාසමය භූමිකාව තේරුම්ගැනීමේදී ප්‍රයෝජනාවත් නොවේ. තවද, මෙය ඔබේසේකරගේ රචනයේ ඇති කෙටි සදහනක් පමණි. මේ නිසා ඔබේසේකර විවේචනය කි​රීමේ පදනම විය යුත්තේ ඔහුගේ මූලාශ්‍ර හා ඒ මත පදනම් වූ අර්තකතන ව්‍යුහවිභාගනය කිරීම මිස ඒ පිලිබදව පදනමක් නැතිව තැන තැන කෑගැසීමෙන් නොවේ.

මහාචාර්ය ගණනාථ ඔබේසේකර

කෙසේ වෙත​ත්, ඔබේසේකර තමා විසින් ලියා ඇති දේ පදනම් වී ඇත්තේ කුමන ලේඛන මතද යන්න දක්වා තිබීමෙන්, ශාස්ත්‍රඥයෙකු සතුවිය යුතු අවංක සහ විවිනිද භාවය එම ලිවීම තුළ පවත්වාගෙන ඇත. මේ සියල්ල සළකා බැලීමෙන් පසු,  යමෙකු ඔබේසේකර කියවිය යුත්තේත්, ධර්මපාල කියවිය යුත්තේත්, පරිණාමයවන මතවාද ලෙස මිසක, පැතලි, රලු සහ නීරස ‘දෙනලද’ මතවාදයක් ලෙස නොවන බව මාගේ අදහසයි. එමෙන්ම එසේ කියවීමේදී, කියවන්නා වන තමුන්ද ආර්ථික-දේශපාලන සහ සමාජ සන්දර්භයක් තුළ ස්ථානගතවන බවත්, එයද නිරන්තරවම වෙනස්වීම්වලට ළක්වන බවත් තේරුම් ගැනීම වටී.

මහාචාර්ය ඔබේසේකර  විසින් යොදා ගන්නා ක්‍රම වේද වඩාත් බර වන්නේ සමාජ මනෝ විශ්ලේෂණවාදයටයි. කියවන්නා විසින් ඔබේසේකර නියමාකාරයෙන් ස්ථානගත නොකිරීමෙන් ඇතිවිය හැකි අගතීන් බොහෝය. මෙහිදී ‘නියමාකාරයෙන්’ යන්න සාපේක්ෂ බව මම දනිමි. නමුත් කර්තෘ නිර්ධය ලෙස ඝාතනය කිරීමට පෙර, කර්තෘ හැඳිනගැනීමේ උත්​සාහයක් හෝ දැරීම කියවන්නාගේ යුතුකමකි. එමෙන්ම,  ‘බටහිර ගැති’ යයි මහාචාර්ය ඔබේසේකර වෙත නඟන චෝදනාව අර්ථ විරහිත එකකි. 2012 වර්ෂයේදී ප්‍රකාශිත, ඔහුගේ The Awakened Ones: Phenomenology of Visionary Experience කෘතිය කියවීමේදී මට හැඟී ගියේ, බටහිර විසින් දෙනලද පඨිත කියවීමේ ක්‍රමවේදය ඔබේසේකර විසින් සම්පුර්ණයෙන්ම ප්‍රතික්ෂේප කරනවා පමණක් නොව, ඒ වෙනුවට පෙරදිග චින්තන ක්‍රම පර්යේෂණ ක්‍රමවේදයක් ලෙස ගෝලීය සමාජ මානව ක්ෂේත්‍රයට එක් කිරීමේ පර්යේෂණාත්මක වෑයමද ඔහු විසින් දරන බවයි.   නමුත් මේ පොත මෙරට බොහෝ දෙ​නා කියවා ඇතැයි මා සිතන්නේ නැත.

ක්‍ෂුද්‍ර ඉතිහාස විශේෂඥයෙකු වන කාර්ලෝ ගින්ස්බර්ග්  වරක් ප්‍රකාශකළ පරිදි, ඉතිහාසඥයෙකුගේ කාර්ය වන්නේ අපට මෙතෙක් කල් කියා දී ඇති දෙයෙහි ප්‍රතිපක්ෂය සමග ගනුදෙනු කිරීමයි. ඉතිහාසයේ මිනිසුන් වෙත අපට ඇති සමීපත්වය ව්‍යාජ එකක් වන අතර, එසේ වන්නේ ඔවුන් අපේ ලෝකයට වඩා හාත්පසින්ම වෙනස් ලෝකයක සිට පැමිණෙන බැවිනි. ඔබ ඔවුන්ගේ ලෝකය වඩ වඩාත් අධ්‍යයනය කරනවිට, ඔවුන් ඔබගේ ලෝකයෙන් කෙතරම් දුරස්ථද යන්න ඔබට වැටහෙනු ඇති බව ගින්ස්බර්ග් ප්‍රකාශ කරයි.

අවසාන වශයෙන්,  පඨිතයක් කියවිය යුත්තේ කෙසේද යන්න පිළිබඳ වඩාත් සියුම්ව සිතා බැලිය යුතුය යන්න මගේ හැඟීමයි.  එය පුද්ගලයෙකු විසින් දරනලද මතයකට ලඝු කිරීමෙන් සිදුවන්නේ, ලෝකයේ සමාජ මානව විෂය විසින් අත්කරගන්නාලද ජයග්‍රහණ සියල්ල පසෙක දමා, පුද්ගලයා,  පඨිත හෝ ප්‍රපංච යනු අහසින් ප්‍රාදුර්භූත වූ ඒවා මෙන්ම ස්ථිතික ඒවාය   වඩාත් ජනප්‍රිය ආකාර සහ පටු කියවීමකට එළඹීම පමණි.

ReplyForward
Total
5
Shares
Leave a Reply

Your email address will not be published. Required fields are marked *

You May Also Like
වැඩි විස්තර පරිශීලනයට

ලාංකේය නර්තනය තුළ ගොඩ නැගෙන ස්ත්‍රිය පිළිබද දෘශ්ටිවාදී පසුබිම සහ චන්න විජෙවර්ධනගේ නර්තන භාවිතය

~  පියුමි   වාසනා, සිරිසීවලී මහා විද්‍යායලය, පානදුර (චායාරූප චන්න උපුලී නර්තනායතනයේ අනුග්‍රහයෙනි) අද්‍යතන ශ්‍රී ලංකාව තුළ  ස්ථාපිතව ඇති පුරැශ-මූලික දෘශ්ටිවාදය සහ ධනවාදයේ  අවශ්‍යතාවයනට අනුව “ස්ත්‍රිය” සකස් කොට තිබේ. ස්ත්‍රී ශරීරය, ස්ත්‍රී පැවතුම්, ස්ත්‍රී ආකෘතිය, ස්ත්‍රිය කියවීම, ස්ත්‍රී සමාජ භාවය යන සියල්ල, පුරැෂ-මූලික දෘශ්ටිය සහ ධනවාදයේ යෙදවීම් මත තීරණය වී තිබේ. ලංකාව තුළ පැවත එන ස්ත්‍රී සමාජ භූමිකාව කර්මකාරකයක් (object) බවට පත් කිරිමට එයට හැකිවි තිබේ. ධනවාදී පාරිභෝජන ක්‍රමය තුළ ස්ත්‍රිය හා ස්ත්‍රී ශරීරය ශෲංගාර-පූර්ණ…
වැඩි විස්තර පරිශීලනයට
වැඩි විස්තර පරිශීලනයට

සමාජ-දේශපාලනික අභියෝග හමුවේ විශ්වවිද්‍යාලවල සමාජ වගකීමේ ස්වභාවය [1]

~ සසංක පෙරේරා (මෙම ලිපිය 2014 වසරේ ඉදිරිපත් කළ දේශනයක සිංහල පිටපත වේ. මුල් දේශනයේ සිට අද වන විට බොහෝ කලක් ඉක්ම ගොස් තිබුනද, එහි ඉදරිපත් කර තිබු අදහස්වල තත්කාලීන වලංගුතාවය සලකා, විශ්වවිද්‍යාල පිලිබඳ අපගේ කෙටි ලිපි මාලාවේ කොටසක් වශයෙන් නැවත පලකරන්නට සංස්කාරක මණ්ඩලය තීරණය කර ඇත) (ඉහල චායාරූපය: පේරාදෙණිය විශ්වවිද්‍යාලය; සුනන්දා ප්‍රේමසිරි, සිංහල අංශය, පේරාදෙණිය විශ්වවිද්‍යාලය) උපකුලපතිතුමනි, පීඨාධිපතිතුමනි, මිත්‍රවරුනි; ඔබ සැමට සුභ උදෑසනක් වේවා. මීට කලකට ඉහතදී කොළඹ විශ්වවිද්‍යාලයේ ශාස්ත්‍ර පීඨයේ පීඨාධිපතිතුමා මා වෙත…
වැඩි විස්තර පරිශීලනයට
වැඩි විස්තර පරිශීලනයට

ලංකාව තුළ චීන සමාගම් වල මැදිහත් වීම සුළු කොට තැකිය හැකිද?

පවිත්‍රා ජයවර්ධන,කොළඹ විශ්වවිද්‍යාලය – අප  ජීවත් වන්නේ ලෝක පර්යාය (world order) යම්කිසි ආකාරයක සංක්‍රාන්තියක තිබෙන මොහොතකයි. සෝවියට් සමූහාණ්ඩුව  බිඳවැටීමෙන් පසුව ලිබරල් ප්‍රජාතන්ත්‍රවාදී පර්යායක් ලෝකයේ ඇති කිරීම්ට ඇමරිකාව ප්‍රමුඛ බටහිර කඳවුර දැඩි ව්‍යායාමයක නිරත විය.  කෙසේ නමුත් අද වන විට ලිබරල් ප්‍රජාතන්ත්‍රවාදී කදවුර දැඩි අර්බුදයක සිටින බව පැහැදිළිය.  ඇමරිකාව වැනි රාජ්‍යයකම ට්‍රම්ප්  වැනි අන්ත දක්ෂිණාංශික නායකයෙක් පත්වීම, මහත් බලාපොරොත්තු ඇතිව සකස් වූ යුරෝපා හවුලෙන් බ්‍රිතාන්‍ය  ඉවත් විය යුතු බව බ්‍රිතාන්‍ය ජනයාම තීරණය කිරීම වැනි සරල නිදර්ශන…
වැඩි විස්තර පරිශීලනයට
වැඩි විස්තර පරිශීලනයට

ශ්‍රී ලංකාවේ සමාජ විද්‍යා සම්ප්‍රදාය තුළ රචනය හා ප්‍රකාශනය

~ සසංක පෙරේරා, දකුණු ආසියානු විශ්වවිද්‍යාලය (මේ රචනය ‘සෝසියෝ ටෝක්ස්’ යූ ටියුබ් නාලිකාව සඳහා කළ අදහස් දැක්වීමේ ලිඛිත පිටපතයි. එහි ශ්‍රව්‍ය පඨිතයට මෙතැනින් පිවිසිය හැක) ආයුබෝවන්. මට මේ වෙලාවේ අවශ්‍ය ශ්‍රී ලංකාවේ දැනට පවතින සමාජ විද්‍යා සම්ප්‍රදාය තුළ රචනය හා ප්‍රකාශනය කියන ක්‍රියාවලීන් පවතින අකාකාරය ගැන යමක් කියන්නයි. ඒ, මීට පෙර මම කරපු අදහස් දැක්වීමේදී මතුවෙච්ච ‘රචනය’ කියන කාරණය පිළිබඳව වැඩි දුර සාකච්චා කිරීමේ අදහසින්. ඒත් රචනය හා ප්‍රකාශනය සම්බන්ධයෙන් කතා කරන කොට, සමාජ හා…
වැඩි විස්තර පරිශීලනයට
වැඩි විස්තර පරිශීලනයට

තාක්ෂණික දියුණුව සමග ගබ්සාවේ දිශානතිය සහ එහි සමාජයීය පැතිකඩ  

~ පූර්ණිමා ගමගේ,  ආර්ථික විද්‍යාව පිලිබද ශාස්ත්‍රවේදී උපාධි අපේක්ෂිකා, රුහුණ විශ්වවිද්‍යාලය (කාටූනය: ගිහාන් ඩි චිකේරා) වර්තමානය වන විට තාක්ෂණය ලෝකයේ සියලුම අවකාශ අතික්‍රමණය කරමින්, සිය ආධිපත්‍යය පතුරවමින් සිටී. වයස් භේදයකින් තොරව තාක්ෂණික ව්‍යාප්තිය සිදුවත්ම, තාරුණ්‍යය සීග්‍ර වේගයකින් එයට නතු වෙමින් පවතින යුගයක, සමාජය කෙරෙහි ඉන් ඇතිවන ප්‍රතිවිපාක කෙලෙසින් වේ දැයි පූර්ව නිගමනයකට, පූර්ව කථනයකට එළැඹීම ඉතා දුෂ්කර කාර්යයකි. තාරුණ්‍යයට තාක්ෂණය සමීපවීමත් සමග දෛනික කටයුතුවලින් වැඩි ප්‍රමාණයක් තාක්ෂණය උපයෝගී කරගනිමින්  සිදුකර ගැනීමට වත්මන් මානවයා උත්සාහ කරයි.…
වැඩි විස්තර පරිශීලනයට
වැඩි විස්තර පරිශීලනයට

විධිමත් ඓතිහාසික මූලාශ්‍ර, ජාත්‍යන්තර සබදතා පිළිබද ශාස්ත්‍රීය රචනාකරණය සහ නිර්මාණ සාහිත්‍යයේ අනාගතය

~ සසංක පෙරේරා, දකුණු ආසියානු විශ්වවිද්‍යාලය තත්කාලින ශ්‍රී ලංකාවේ සිට ඉන්දියාවේ හා නේපාලයේ බෞද්ධ සිද්ධස්ථාන වෙත වන්දනාවේ යන පිරිස් පිළබද පර්යේෂණයක් මා 2017 දී පමණ සැලසුම් කර, 2018 අග භාගයේ පමණ සිට ක්‍රියාත්මක කලෙමි.  මාගේ උනන්දුව වූයේ එම චාරිකා මගින් ජාත්‍යන්තර දේශ සීමා සහ දකුණු ආසියාව පිළිබද තත්කාලීන භූ-දේශපාලනික තේරුම්ගැනීම යම් ලෙසකින් වෙනස් ආකාරවලින් අර්ථ දැක්වීමට හැකිද යන්න සොයා බැලීමය. මාගේ ගවේෂණය තත්කාලීන වන්දනා ගතිකත්වයන් වෙත යොමු වී තිබුනද, යටත් විජිත යුගය දක්වාද පර්යේෂණය යොමු…
වැඩි විස්තර පරිශීලනයට
වැඩි විස්තර පරිශීලනයට

වීර අලකේශ්වරගේ ශෝකාන්තය: අතීතයෙන් ලැබෙන සංඥා

~ සසංක පෙරේරා, සමාජ විද්‍යා අංශය, දකුණු ආසියානු විශ්වවිද්‍යාලය මා උසස් පෙළ පංතිවල ඉගෙනගන්නා කාලයේ, මට සිංහල බස ඉගැන්වූ  ගුරුතුමා කෝට්ටේ යුගයේ දී චීන නාවික අද්මිරාල්වරයෙයෙකු විසින් ලාංකේය පාලකයෙකු පැහැරගෙන යෑම පිළිබඳ කථාවක් අපට විස්තර කළ ආකාරය මට තවමත් මතකය. එනමුත් එය ඔහුගේ පන්තියේ විෂය කරුණුවල කොටසක් නොවීය. එනමුදු, හොඳින් පොතපත කියවූ පුද්ගලයෙකු වූ නිසා ඔහු මේ කතාව මැනවින් දැන සිටි අතර, එමගින් ඔහුට අවශ්‍ය වූයේ බලය හා දේශපාලන ඇඟිලිගැසීම් පිළිබඳ අපට කරුණු දැක්වීමටය.  මේ…
වැඩි විස්තර පරිශීලනයට
වැඩි විස්තර පරිශීලනයට

සාහිත්‍ය සම්මාන, ඇගැයීමේ වතාවත් හා ශ්‍රීලාංකේය ඉංග්‍රීසි නිර්මාණාත්මක රචනාකරණය

සසංක පෙරේරා, දකුණු ආසියානු විශ්ව විද්‍යාලය, නව දිල්ලිය – (සටහන: මේ ලේඛණය 2016 ග්‍රේශන් සම්මාන පිළිගැන්වීමේ උත්සවයේදී 2017 මැය 27 දා කොළඹ බණ්ඩාරනායක සම්මන්ත්‍රණ ශාලාවේදී කළ කතාවේ වඩාත් දීර්ඝ සංස්කරණයේ සිංහල පරිවර්තනයයි. ) විනිශ්චයකරුවන් මුහුනපෑ ගැටලුවසර 2016 සදහා පිරිනමණ ග්‍රේෂන් සම්මාණයේ විනිශ්චයකරුවන් වශයෙන් සම්මාන සඳහා ඉදිරිපත් කර තිබූ රචනා පිළිබඳ තීරණ ගැනීමේදී මුහුණ පෑ ගැටළු පිළිබඳ කතා කිරීමේදී මා මේ අදහස් ඉදිරිපත් කරන්නේ මා සමග කටයුතු කළ අන් විනිසුරුවන් දෙදෙනා වන චන්දන දිසානායක හා රුහානි…
වැඩි විස්තර පරිශීලනයට
වැඩි විස්තර පරිශීලනයට

රාජ්‍ය විශ්වවිද්‍යාලවලට පහරදීම: ඉන්දියාවේ අනාගතය උකසට නොතබන්න

දීපක් නයියර් – ආර්ථිකවිද්‍යාව පිලිබඳ සේවාසම්මානිත මහාචාර්යජවහර්ලාල් විශ්වවිද්‍යාලය පරිවර්තනය:අනුෂ්කා කහඳගමගේදකුණු ආසියානු විශ්වවිද්‍යාලය (තත්කාලීනව විශ්වවිද්‍යාල තුළ, විශේෂයෙන් රාජ්‍ය අනුග්‍රහය සහිතව සිදුවන ප්‍රචණ්ඩත්වය, ඉන්දියාවේ ප්‍රභල දේශපාලනික වාදවිෂයක් බවට පත්ව තිබේ. මේ ප්‍රචණ්ඩත්වයේ එක් අරමුණක් වී ඇත්තේ එකී ආයතන තුළ සාම්ප්‍රදායිකව සිදු වූ විචාරශීලි කතිකාව හා දේශපාලනික විවේචනය පාලනය කිරීමය. එනමුත් මේ තත්වය සමස්ථ දකුණු ආසියාතික කළාපයටම පොදු තත්වයක් වන අතර, යම් මට්ටම්වලින් ඉන් බැහැර ප්‍රදේශවලද දැකගත හැක. දැනට ඉන්දියාවේ සරසවි තුළ සිදුවන ශිෂ්‍ය මර්දනය පෙන්වා දෙන මෙම…
වැඩි විස්තර පරිශීලනයට
වැඩි විස්තර පරිශීලනයට 1

භාෂණයේ අයිතිය සහ නිරාගමිකත්වයේ දේශපාලනය

~ |ගුරුගොඩ සිරිවිමල  හිමි ඉන්දික රත්නායක නැමැත්තකුට එරෙහිව බෞද්ධ තොරතුරු කේන්ද්‍රය මගින් නීතිමය පියවර ගන්නා ලෙස ඉල්ලමින් අපරාධ පරික්ෂණ දෙපාර්තමේන්තුවේ අධ්‍යක්ෂක තුමන්ගෙන් ඉල්ලා සිටින අවුල් සහගත ලිඛිත ඉල්ලා සිටීමක් මෑතකදී දක්නට ලැබුනි. ඉන්දික රත්නායකට මේ චෝදනාව එල්ල කිරීම සඳහා ඔවුන් ඉදිරිපත් කරන ලිපියේ දැක්වෙන පරිදි, ඔහු “බුදු දහම ජෛන දහමක් යැයි මිත්‍යා මතයක් සමාජගත කිරීමට යත්න දරා ඇති බව” පවසයි. මෙකී අදහස පිළිබඳව මා තුළ විශේෂ අදහසක් හෝ ආකර්ශනයක් නැත. කෙසේ වෙතත්, එම විවාදාපන්න කරුණ ගැන සාකච්ඡාවකට…
වැඩි විස්තර පරිශීලනයට