ලාංකේය සංක්‍රමණික ප්‍රජාව දෙස ලාංකිකයින් බලන ආකාරය යෝග්‍ය ද?

~ පවිත්‍රා ජයවර්ධන, කොළඹ විශ්වවිද්‍යාලය

ශ්‍රී ලංකාවේ කෝවිඩ් වෛරස් තත්ත්වය බරපතල වෙමින් පවතී. වෛරස ව්‍යාප්තියේ වේගය හේතුවෙන් ආසාදිතයන්ට අවශ්‍ය තරම් සෞඛ්‍ය පහසුකම් සපයා දීම අභියෝගත්මක වී තිබේ. රටක් ලෙස ඉතා අසීරු සමයක් පසු කරද්දී, මෙකී තත්ත්වය සමනය කර ගැනීම සඳහා රජය ගන්නා ක්‍රියාමාර්ග දෙස රටවැසියන් ඉතා උනන්දුවෙන් බලා සිටී. එසේම, තනි තනිව හෝ ස්වේච්ඡා කණ්ඩායම් වශයෙන් හෝ නොයෙකුත් පුද්ගලයින් කෝවිඩ් මර්දනයට සහයෝගය දීම ද හැකි පමණ සිදු කරයි. රජයටත් රට තුළ රැඳී සිටින ශ්‍රී ලාංකික රටවැසි අපටත් අමතරව, තවත් අපට සබැඳි ජන ප්‍රජාවක්, ලෝකයේ කෝවිඩ් ව්‍යාප්තිය පිළබඳ පොදුවේත්, ලංකාවේ කෝවිඩ් ව්‍යාප්තිය පිළබඳ නිශ්චිතවත් බලා සිටී. ඒ ශ්‍රීලොව නොයෙක් තැන්වල ජීවත්වෙන ශ්‍රී ලාංකික සංක්‍රමණික ප්‍රජාවයි.

තමන් ද කෝවිඩ් අවධානමක සිටින අතරේ දී පවා තමන්ට හැකි පමණින් ලංකාවේ වෙසෙන සිය සහෝදර රටවැසියන් වෙත සෞඛ්‍යාධාර ලබා දීමට ඇතැම් සංක්‍රමණිකයින් උනන්දු වෙන බවක් පෙනේ. රටින් බැහැරව වෙනත් රටක ජීවත් වුවත්, සිය මව් රාජ්‍ය වන ශ්‍රී ලංකාවේ ක්‍රියාකාරීත්වය පිළිබඳ ඔවුන් වැඩි අවධානයකින් පසුවන බවත්, ඒ උනන්දුව ඔස්සේ සිය මැදිහත්වීම් සිදු කිරීමට පෙළඹෙන බවත් අපට නිතරම දැකිය හැකි ය. ඒ අතර, රට තුළ සිටින බහුතර රටවැසියන්, රටින් එතෙර ජීවත්වන අපගේ සහෝදර රටවැසියන් පිළිබඳ දක්වා ඇත්තේ ඊට වෙනස් හා ප්‍රතිවිරෝධී ප්‍රවේශයකි. කෝවිඩ් සමයේ අත්දැකීම් මුල් කර ගනිමින් මෙම කෙටි ලිපියෙන් අවධානය යොමු වන්නේ, රට තුළ ජීවත් වන අප විසින් රටෙන් ඔබ්බෙහි ජීවත්වෙන සංක්‍රමණික ඔවුන් පිලිබඳ දක්වන ප්‍රවේශයේත්, ඔවුන් අප කෙරෙහි දක්වන ප්‍රවේශයේත් ඇති වෙනස්කම් සහ ඒවාට බලපා ඇති හේතු පිලිබඳ නිරීක්ෂණ කිහිපයක් කෙරෙහි අවධානය යොමුකිරීමට ය.

අපෙන් ඔවුන්ට

කෝවිඩ් පළමු රැල්ලේ දී, ඉතාලියේ සහ දකුණු කොරියාවේ රැකියාවල නිරත ව සිට කෝවිඩ් හේතුවෙන් අසරණ භාවයට පත්ව, ආරක්ෂාව උදෙසා සිය රටට පැමිණීමට තමන්ට ඇති නීතිමය අයිතිය භාවිත කළ පිරිස් පිළිබඳ ඇතැම් රටවැසියන් සහ මාධ්‍ය දැක්වූයේ ප්‍රබල ප්‍රතිවිරෝධයකි. එම අදාළ පිරිස් ශ්‍රී ලංකාවෙන් සංක්‍රමණය වූයේම සිය මව් රටට ඇති අනාදරය සහ  අතෘප්තිය හේතුවෙන් ය යන්න ඔවුන්ගේ එක් අදහසක් විය. මේ නිසා, අදාළ සංක්‍රමණිකයින් ශ්‍රී ලංකාවට දක්වන පක්ෂපාතීත්වය ප්‍රශ්ණ කළ ඔවුහූ, ඒ වන විට කෝවිඩ් බහුලව ව්‍යප්තව තිබූ රටවල සිට ලංකාවට  ඒමට තැත් දැරුවේ, එකී මාරාන්තික වෛරසය මෙරට තුළ ද ව්‍යාප්ත කිරීමේ කුහක අරමුණෙන් බව ද ප්‍රකාශ කළහ. මෙම ආඛ්‍යානය තුළ, සංක්‍රමණික රටවැසියන්ට ඇති අයිතීන් වන අවශ්‍ය ඕනෑම මොහොතක සිය මව් රට පැමිණීමට තිබෙන නීතිමය අයිතිය සහ අසරණ භාවයට පත්ව ඇති මොහොතක සිය මව් රටේ රජය වෙතින් පිහිට පැතීමට ඇති අයිතිය යනාදිය සඳහා කිසිසේත් ඉඩක් ලැබුණේ නැත.

මව් රට අතහැර වෙනත් රටක් බලා යන සංක්‍රමණිකයන් දෙස එම මව් රටේ රටවැසියන් නිෂේධනාත්මක ඇසකින් බැලීම ලංකාවට පමණක් පොදු කරුණක් නොවේ. මෑත ඉතිහාසය තුළ ලොව පුරාම තත්ත්වය එසේ විය. රටවැසියන් ලෙස රටකට ඇති පක්ෂපාතීත්වය හා ආදරය ආදියේ අවංකත්වය තීරණය කිරීම සඳහා අදාළ භූමිය තුළ භෞතිකව ජීවත් වීම යන භෞමික සාධකය වැදගත් විය. මෙයට හේතු වූයේ, අතීතයේ සංක්‍රමණික ජීවිත පිළිබඳව තිබූ අඩු අවබෝධයත්, රටින් පිටව යන පිරිස් සමග අඛණ්ඩ සබඳතා පවත්වා ගැනීමේ හැකියාවක් නොතිබීමත් ය. මීට දශක ගණනාවකට පෙර පුද්ගලයෙක් මව් රටින් සංක්‍රමණය වූයේ නම්, ලිපි මගින් හැර මව් රට සමග ගනුදෙනු කිරීමට වෙනත් පහසු මගක් නොතිබිණි. ඒ නිසා ශාරීරිකව රට හැර යාම, සමාජීයව, දේශපාලනිකව, නීත්‍යානුකූලව සහ චිත්තවේගීව ද රට හැර යාමක් ලෙස පෙනුණි.

කෙසේ වුවත්, වර්තමාන ලෝකය තුළ ගමනාගමන  සහ සන්නිවේදන ක්ෂේත්‍රවල දියුණුවත් සමගම, ශාරීරික වශයෙන් මව් රටේ ජීවත් නොවූව ද, ඉහළ තීව්‍රතාවයකින් මව් රට සමග සමාජ සබඳතා පැවැත්වීමට හැකිය. නිදසුනක් ලෙස, ඔබේ සමාජ මාධ්‍ය තුළ සිටින වෙනත් රටවල වෙසෙන ශ්‍රී ලාංකික සංක්‍රමණිකයින්ගෙන් ඇතැම් පුද්ගලයින් කොතරම් සක්‍රීයව මව් රටේ තොරතුරු පිළබඳව උනන්දු වෙනවා ද, ඒ සම්බන්ධයෙන් මැදිහත් වීම් සිදු කරනවා ද  සහ  අදහස් පළ කරනවා ද යන්න පිළබඳ  සිතා බලන්න. මෙහිදී භෞමික සාධකය නොමැති වුවත්, සමාජීයව, දේශපාලනිකව සහ චිත්තවේගීයව මව් රට සමග අඛණ්ඩ බැඳීමක් පවත්වාගෙන යාමට  තත්කාලීන සංක්‍රමණිකයින්ට හැකියාව තිබේ. ලොව පුරා ද්විත්ව පුරවැසිකම යන්න ප්‍රචලිත වීමත් සමග, එම සබඳතාව නීතිමය ලෙස පවත්වා ගැනීමට ද හැකි විය. එම නිසා, තව දුරටත් මව් රට තුළ ශාරීරිකව රැඳී නොසිටින සංක්‍රමණික පිරිස් මව් රටෙන් සපුරා වියුක්ත වූ අපක්ෂපාතී පිරිස් යැයි සිතීමට සංක්‍රමණ විෂයේ විද්වතුන් දිරි ගන්වන්නේ නැත.

ඔවුන්ගෙන් අපට

ඔවුන් අප දෙස බල ආකාරය පිළබඳ නිදසුනක් ගෙන බලමු. ශ්‍රී ලංකාවෙන් එපිට ජීවත්වන සිංහල සංක්‍රමණික ප්‍රජාව අතරින් සංඛ්‍යාත්මකව වැඩිම ජන සංකේන්ද්‍රණයක් සහ තීව්‍රතාවයකින් වැඩි සංක්‍රාන්ති-ජාතිකත්ව (transnational) ක්‍රියාකාරීත්වයක් දැකිය හැක්කේ ඔස්ට්‍රේලියාවේ ජීවත්වන සංක්‍රමණික ප්‍රජාවෙනි. එහිද, මෙල්බන්, සිඩ්නි, ඇඩිලේඩ් වැනි නගර ප්‍රධාන වේ. 2016 ඔස්ට්‍රේලියානු සංගණනයට අනුව, ශ්‍රී ලංකාවේ උපන්, ඔස්ට්‍රේලියාවේ වාසය කරන ජනගහණය 109, 853 කි. මෙකී ජනගහනයෙන් සියයකට හැටක ප්‍රමාණයක් ඔස්ට්‍රේලියානු රටවැසිබව ලබා ඇති අතර, සියයට පනහකට වැඩි පිරිසක් ජීවත් වන්නේ, මෙල්බන් නගරය තිබෙන වික්ටෝරියා ප්‍රාන්තයේයි. ලංකාව තුළ තුන්වන කෝවිඩ් රැල්ල ඇති වීමත් සමගම ඔස්ට්‍රේලියාවේ සිටින ශ්‍රී ලාංකිකයෝ  පිරිසක් එක්ව මෙරටට එවීම සඳහා අරමුදල් රැස් කිරීමක් සිදු කළහ. මේ සඳහා මෙල්බන් ඇතුලු නගර ගණනාවක තිබෙන විවිධාකාරයේ ශ්‍රී ලාංකික සංවිධාන එකට එක් ව තිබේ.  ‘හුස්මට හයියක්’ යන තේමාව සහිතව ආරම්භ වූ මෙම අරමුදලට දින කිහිපයක් තුළ ඔස්ට්‍රේලියානු ඩොලර් 125, 000 ක මුදලක් එකතු වී තිබේ. මේ සඳහා 2000කට වැඩි ශ්‍රී ලාංකික සංක්‍රමණිකයින් පිරිසක් දායක වී තිබේ. ‘මව්බිමින් දුර රටක සිටියද, හිතින් හිත අප සැවොම එක්වෙමු’, ‘උපන් බිමට වෙමු සවියක් හොඳ දූ පුතෙකු  වෙලා’ ආදී ප්‍රකාශ තේමා පාඨ බවට පත් වී තිබුණි. මේ සියල්ලෙන් ම පෙනෙන්නේ, මෙකී සද්ක්‍රියාව සඳහා සක්‍රීයව සම්බන්ධ වන්නන්, ඒ සඳහා පෙරට එන මූලික හේතුවත් සිය මව් භූමිය සහ එහි සිටින සිය සහෝදර රටවැසියන් කෙරෙහි ඔවුන් තුළ  සංවේදනය බවයි.

මෙම අසීරු අවස්ථාවේ ශ්‍රී ලාංකික දෙමළ ජනයා සඳහා ද සෞඛ්‍යාධාර ලබා දීමට දෙමළ සංක්‍රමණිකයින් ඉදිරිපත් වී ඇති බවත්, රජයේ අවසරය ඇති නම් එකී ආධාර ලබා ගැනීමට හැකියාව ඇති බවත් සී.වී. විග්නේෂ්වරන් මහතා ප්‍රකාශ කර තිබුණි. දෙමළ සංක්‍රමණිකයින් පිලිබඳ ඇති දේශීය ප්‍රතිවිරෝධී අර්ථයෙන් — නිදසුනක් ලෙස දෙමළ ඩයස්පෝරාව පිලිබඳ ඇති එරෙහි වීම — විග්නේශ්වරන් මහතාගේ ප්‍රකාශය දේශපාලනික වශයෙන් සංවේදී එකක් විය හැක. එය පසෙකින් තැබුව හොත්, මෙම නිදසුන් දෙකෙන්ම ප්‍රකාශ වන පොදු කාරණයක් තිබේ. එනම්, රටින් එපිට සිටියත්, ලංකාවේ සිටින සහෝදර ශ්‍රී ලාංකික වැසියන් පිලිබඳ සිංහල – දෙමළ සංක්‍රමණික ප්‍රජාවන්ට යම් පැහැදිලි සංවේදනයක් තිබෙන බවයි. මීට පෙර ද මෙවැනි නිදසුන් ඕනෑ තරම් දැකගත හැකිව තිබුණි. විශේෂයෙන්ම, සිවිල් යුද්ධයෙන් පසු උතුරු-නැගෙනහිර ප්‍රදේශ සංවර්ධනය සඳහා දෙමළ සංක්‍රමණිකයින් විශාල වශයෙන් මැදිහත් වී තිබේ. එම සියළු නිදසුන් ගැඹුරින් නිරීක්ෂනය කිරීමේදී ඒවායේ සාධනීය සහ නිෂේධනීය පැතිකඩ තිබෙන බව අනිවාර්ය සත්‍යයකි. කෙසේ නමුත්, එකී මැදිහත්වීම් හරහා පෙනෙන පොදු කරුණක් වන්නේ, මව් රාජ්‍යයේ කටයුතු පිලිබඳ සංක්‍රමණිකයින්ගේ සංවේදනයත් ඒවා සඳහා මැදිහත් වීමට ඔවුන්ට ඇති අභිරුචියත්ය.

සංක්‍රමණික අනන්‍යතාවය සකස් වීම කෙරෙහි මව් රාජ්‍යයේ භූමිකාව

ශ්‍රී ලාංකික සංක්‍රමණික ප්‍රජාව වාර්ගික අනන්‍යතාව මත විභේදනය වී තිබෙන ප්‍රජාවකි. ඔවුන්ව අධ්‍යනය කිරීමේදී පෙනී යන්නේ, මෙසේ සිංහල, දෙමළ ආදී ලෙස සිය වාර්ගිකත්වය මත පදනම් අනන්‍යතාවක් ගොඩ නගා ගැනීම ඔවුන්ගේ පැවැත්මේ මූලික ස්වභාවයක් බවයි. සංක්‍රමණය පිළිබඳ අධ්‍යයන සාහිත්‍යය අපට කියා දෙන්නේ, සංක්‍රමණික ප්‍රජාවන් ස්වභාවයෙන්ම සිය අනන්‍යතාව ගොඩනගා ගැනීම පිළිබඳ අර්බුධයක සිටිනා පිරිසක් බවයි. මෙය ශ්‍රී ලාංකික සංක්‍රමණික ප්‍රජාවට පමණක් අදාළ නොවේ. තමන්ට හුරු පුරුදු මව් භූමියෙන් එපිට වෙනත් රාජ්‍යයකට ස්වීකරණය (assimilation) වීමේ ක්‍රියාවලිය තුළ සිය මව් භූමියෙන් තමන්ට ලැබුණු අනන්‍යතාව පවත්වා ගැනීමේ අවශ්‍යතාවයත්, එසේම ආගන්තුක රාජ්‍යයේ අනන්‍යතාවයට අනුවර්තනය වීමට ගන්නා උත්සාහයත් එකවර සිදු කිරීම ඉතා වෙහෙසකර කටයුත්තකි.

මෙකී වෙහෙසකර කටයුත්ත සඳහා මුහුණ දීමේදී, බොහෝ සංක්‍රමණිකයින් තෝරා ගන්නා ක්‍රමයක් වන්නේ, ආගන්තුක රාජ්‍යයේ වාසය කරන, තමන් අයත් බවක් දැනෙන (sense of belonging) සහ මව් භූමියේ තම හැසිරීම් සහ පුරුදු යනාදිය යළි ප්‍රතිනිෂ්පාදනය කළ හැකි (reproduce) පුද්ගලයින් සමග කණ්ඩායම්ගත වීමයි. ශ්‍රී ලාංකික සංක්‍රමණිකයින් සම්බන්ධයෙන් බැලූ බැල්මට මෙම බෙදුම් රේඛාව මගින් පෙන්නුම් කරන්නේ, වාර්ගික බෙදීමකි. එනම් සිංහල, දෙමළ ආදී ලෙසය. පී. රීව්ස් ට අනුව ශ්‍රී ලාංකික සංක්‍රමණ ප්‍රජාව යනුවෙන් එක් සමජාතීය ප්‍රජාවක් නැත. ඒ වෙනුවට ඇත්තේ සිංහල සහ ශ්‍රී ලාංකික දෙමළ සංක්‍රමණිකයින් යනුවෙන් වෙන වෙනම ක්‍රියාත්මක වෙන ප්‍රජාවන් දෙකකි. නමුත් තවත් සමීපව බැලුවහොත්, එකී වාර්ගික බෙදීම් තුළත්, අනු බෙදීම් ගණනාවක් තිබේ. නිදසුන් ලෙස, සිංහල සංක්‍රමණ ප්‍රජාව තුළ තමන් අයත් පන්තිය, පැලැන්තිය, වෘත්තිය, මව් රටේ ගිය පාසල් අනුව සහ දේශපාලනික අදහස් ආදී ලෙසත්, දෙමළ ප්‍රජාව තුළ කුලය, ආගන්තුක රාජ්‍ය වෙත ආගමනය වූයේ සරණාගතයෙක් ලෙස ද වෘත්තීය සංක්‍රමණිකයෙක් ලෙස ද යන කාරණා ද, දේශපාලනික දෘශ්ටිවාදය වැනි වර්ගීකරණයන් වශයෙන් ද සංක්‍රමණික කණ්ඩායම් බෙදී සිටිනු දක්නට ලැබේ. මෙවැනි බෙදීම් කිසි ලෙසකින් හෝ ශ්‍රී ලාංකික සංක්‍රමණිකයින් අතර පමණක් පවතින ඒවා නොවේ. නිදසුනක් ලෙස, ඉන්දීය සංක්‍රමණිකයින් සිය භාශාව, තමන් අයත් ඉන්දියාවේ නගරය හෝ ගම ආදී හේතු මත කණ්ඩායම් ගත වී තිබේ.

එනම්, ආගන්තුක රාජ්‍ය තුළ සංක්‍රමණික ප්‍රජාවන්ගේ පැවැත්ම උදෙසා මව් රාජ්‍යයේ අනන්‍යතාව ප්‍රතිනිෂ්පාදනය කිරීමට ඇති හැකියාව තීරණාත්මක වේ. මෙම අර්ථයෙන්, ශාරීරිකව තව දුරටත් සංක්‍රමණිකයින් සිය මව් භූමියේ ජීවත් වන්නේ නැති වුව ද, ඉතා ප්‍රබල ලෙස මව් භූමිය පිළිබඳ ඇති සිය බැඳීම, මතකයන් සහ අභිරුචිය, ඔවුන්ගේ මානසික සහ සමාජීය ලෝකය තුළ ජීවමාන වේ. නීනා ජී. ස්කිලර් ට අනුව, මෑත කාලීනව ඇතිවූ ප්‍රවාහන සහ සන්නිවේදන ක්ශේත්‍රයේ දියුණුවත් සමග, තමන්ගේ මෙම සංක්‍රාන්ති-ජාතිකත්වය (transnationalism) වැඩි තීව්‍රතාවයකින් ප්‍රතිනිෂ්පාදනය කිරීමට ද සංක්‍රමණික ප්‍රජාවන්ට හැකි වී තිබේ.

අවසන් වශයෙන් කිව යුත්තේ, රට තුළ ජීවත් වන අප, රටින් බැහැරව ගිය සංක්‍රමණිකයින් සහ ඔවුන්ගේ හැසිරීම් පිළිබඳ වඩා විවෘත ඇසකින් බැලීමට කාලය එළඹ තිබෙන බවයි. කෙනෙක් ශාරීරිකව සිය මව් රාජ්‍යයෙන් නික්මී යාම, එකී මව් රටට කළ අපහාසයක් හෝ පාවා දීමක් හෝ ලෙස සලකමින්, ඔවුන් මව් භූමියේ ක්‍රියාකාරීත්වය සඳහා දක්වන අභිරුචිය හුදෙක් වංචාකාරී එකක් යැයි පොදුවේ සැලකීම නොකළ යුත්තක් වේ. ගෝලීයකරණය ආදී ව්‍යුහාත්මක වෙනස්කම් රැසක් සිදුව ඇති ලෝකය තුළ, සංක්‍රමණය යනු බෙහෙවින් සංකීර්ණ ප්‍රපංචයකි. රයිනර් බාබක්ගේ අනුමානයන්ට අනුව, ඉදිරියේදී සංක්‍රමණයේ තීව්‍රතාවය තව තවත් වැඩි වී, රාජ්‍යයන්ට නිශ්චිත ජනගහණයක් (රට තුළ ස්ථීරව ජීවත් වන) නොමැති වී, සංක්‍රමණ ජනගහණයක් සමග ගනුදෙනු කිරීමට පවා සිදු විය හැකිය. එම නිසා, ඔවුන් දෙස පොදුවේ සැකයෙන් බලනු වෙනුවට විවෘතව බලමින්, ඔවුන්ගෙන් ලැබෙන ආර්ථික වරප්‍රසාද මෙන්ම ඔවුන් තුළ සිය මව් රට පිළබඳව තිබෙන පක්ෂපාතීත්වය හා සංවේදනය ද පිළිගනිමින්, වඩා ප්‍රගතිගාමීව රට සමග සම්මුඛ කරගැනීමට කාලය එළඹ තිබේ.

මූලාශ්‍ර

Bauböck, Rainer. 2018. ‘Knowledge for Change # 6: Professor Rainer Bauböck, European University Institute in Florence.’ Video/YouTube: https://www.youtube.com/watch?v=0jtgcocjYqY&t=4833s

Bauböck, Rainer. 2003. ‘Reinventing Urban Citizenship’. In, Citizenship Studies, 7(2), 139-160.

Bauböck, Rainer. 2010. ‘Studying Citizenship Constellations.’ In, Journal of Ethnic and Migration Studies, 36 (5), 847-859.

Reeves, P, Ed., 2013. The Encyclopaedia of the Sri Lankan Diaspora. Singapore: Editions Didier Millet.

Schiller, N. G., L. Basch and C. Blanc-szanton. 1992. ‘Transnationalism: A New Analytic Framework for Understanding Migration.’ In, Annals of the New York Academy of Sciences, 645(1), 1–24.

(ආචාර්ය පවිත්‍රා ජයවර්ධන කොළඹ විශ්වවිද්‍යාලයේ ජාත්‍යන්තර සබඳතා අධ්‍යනාංශයේ  ජ්‍යෙෂ්ඨ කථිකාචාර්යවරියකි. නවසීලන්තයේ වෙලිංටන්හි වික්ටෝරියා විශ්වවිද්‍යාලයෙන් සිය ආචාර්ය උපාධිය ලැබූ ඇය ශාස්ත්‍රවේදී සහ ශාස්ත්‍රපති උපාධි ලැබූයේ කොළඹ විශ්වවිද්‍යාලයෙනි. ඇයගේ විශේෂ පර්යේෂණ උනන්දුව ඇත්තේ පුරවැසිභාවය, සංක්‍රමණය, ලාංකේය සංක්‍රමණික ප්‍රජාවන් වැනි තේමා කෙරෙහිය)    

Total
0
Shares
Leave a Reply

Your email address will not be published. Required fields are marked *

You May Also Like
වැඩි විස්තර පරිශීලනයට

ලාංකේය නර්තනය තුළ ගොඩ නැගෙන ස්ත්‍රිය පිළිබද දෘශ්ටිවාදී පසුබිම සහ චන්න විජෙවර්ධනගේ නර්තන භාවිතය

~  පියුමි   වාසනා, සිරිසීවලී මහා විද්‍යායලය, පානදුර (චායාරූප චන්න උපුලී නර්තනායතනයේ අනුග්‍රහයෙනි) අද්‍යතන ශ්‍රී ලංකාව තුළ  ස්ථාපිතව ඇති පුරැශ-මූලික දෘශ්ටිවාදය සහ ධනවාදයේ  අවශ්‍යතාවයනට අනුව “ස්ත්‍රිය” සකස් කොට තිබේ. ස්ත්‍රී ශරීරය, ස්ත්‍රී පැවතුම්, ස්ත්‍රී ආකෘතිය, ස්ත්‍රිය කියවීම, ස්ත්‍රී සමාජ භාවය යන සියල්ල, පුරැෂ-මූලික දෘශ්ටිය සහ ධනවාදයේ යෙදවීම් මත තීරණය වී තිබේ. ලංකාව තුළ පැවත එන ස්ත්‍රී සමාජ භූමිකාව කර්මකාරකයක් (object) බවට පත් කිරිමට එයට හැකිවි තිබේ. ධනවාදී පාරිභෝජන ක්‍රමය තුළ ස්ත්‍රිය හා ස්ත්‍රී ශරීරය ශෲංගාර-පූර්ණ…
වැඩි විස්තර පරිශීලනයට
වැඩි විස්තර පරිශීලනයට

සමාජ-දේශපාලනික අභියෝග හමුවේ විශ්වවිද්‍යාලවල සමාජ වගකීමේ ස්වභාවය [1]

~ සසංක පෙරේරා (මෙම ලිපිය 2014 වසරේ ඉදිරිපත් කළ දේශනයක සිංහල පිටපත වේ. මුල් දේශනයේ සිට අද වන විට බොහෝ කලක් ඉක්ම ගොස් තිබුනද, එහි ඉදරිපත් කර තිබු අදහස්වල තත්කාලීන වලංගුතාවය සලකා, විශ්වවිද්‍යාල පිලිබඳ අපගේ කෙටි ලිපි මාලාවේ කොටසක් වශයෙන් නැවත පලකරන්නට සංස්කාරක මණ්ඩලය තීරණය කර ඇත) (ඉහල චායාරූපය: පේරාදෙණිය විශ්වවිද්‍යාලය; සුනන්දා ප්‍රේමසිරි, සිංහල අංශය, පේරාදෙණිය විශ්වවිද්‍යාලය) උපකුලපතිතුමනි, පීඨාධිපතිතුමනි, මිත්‍රවරුනි; ඔබ සැමට සුභ උදෑසනක් වේවා. මීට කලකට ඉහතදී කොළඹ විශ්වවිද්‍යාලයේ ශාස්ත්‍ර පීඨයේ පීඨාධිපතිතුමා මා වෙත…
වැඩි විස්තර පරිශීලනයට
වැඩි විස්තර පරිශීලනයට

ලංකාව තුළ චීන සමාගම් වල මැදිහත් වීම සුළු කොට තැකිය හැකිද?

පවිත්‍රා ජයවර්ධන,කොළඹ විශ්වවිද්‍යාලය – අප  ජීවත් වන්නේ ලෝක පර්යාය (world order) යම්කිසි ආකාරයක සංක්‍රාන්තියක තිබෙන මොහොතකයි. සෝවියට් සමූහාණ්ඩුව  බිඳවැටීමෙන් පසුව ලිබරල් ප්‍රජාතන්ත්‍රවාදී පර්යායක් ලෝකයේ ඇති කිරීම්ට ඇමරිකාව ප්‍රමුඛ බටහිර කඳවුර දැඩි ව්‍යායාමයක නිරත විය.  කෙසේ නමුත් අද වන විට ලිබරල් ප්‍රජාතන්ත්‍රවාදී කදවුර දැඩි අර්බුදයක සිටින බව පැහැදිළිය.  ඇමරිකාව වැනි රාජ්‍යයකම ට්‍රම්ප්  වැනි අන්ත දක්ෂිණාංශික නායකයෙක් පත්වීම, මහත් බලාපොරොත්තු ඇතිව සකස් වූ යුරෝපා හවුලෙන් බ්‍රිතාන්‍ය  ඉවත් විය යුතු බව බ්‍රිතාන්‍ය ජනයාම තීරණය කිරීම වැනි සරල නිදර්ශන…
වැඩි විස්තර පරිශීලනයට
වැඩි විස්තර පරිශීලනයට

තාක්ෂණික දියුණුව සමග ගබ්සාවේ දිශානතිය සහ එහි සමාජයීය පැතිකඩ  

~ පූර්ණිමා ගමගේ,  ආර්ථික විද්‍යාව පිලිබද ශාස්ත්‍රවේදී උපාධි අපේක්ෂිකා, රුහුණ විශ්වවිද්‍යාලය (කාටූනය: ගිහාන් ඩි චිකේරා) වර්තමානය වන විට තාක්ෂණය ලෝකයේ සියලුම අවකාශ අතික්‍රමණය කරමින්, සිය ආධිපත්‍යය පතුරවමින් සිටී. වයස් භේදයකින් තොරව තාක්ෂණික ව්‍යාප්තිය සිදුවත්ම, තාරුණ්‍යය සීග්‍ර වේගයකින් එයට නතු වෙමින් පවතින යුගයක, සමාජය කෙරෙහි ඉන් ඇතිවන ප්‍රතිවිපාක කෙලෙසින් වේ දැයි පූර්ව නිගමනයකට, පූර්ව කථනයකට එළැඹීම ඉතා දුෂ්කර කාර්යයකි. තාරුණ්‍යයට තාක්ෂණය සමීපවීමත් සමග දෛනික කටයුතුවලින් වැඩි ප්‍රමාණයක් තාක්ෂණය උපයෝගී කරගනිමින්  සිදුකර ගැනීමට වත්මන් මානවයා උත්සාහ කරයි.…
වැඩි විස්තර පරිශීලනයට
වැඩි විස්තර පරිශීලනයට

ශ්‍රී ලංකාවේ සමාජ විද්‍යා සම්ප්‍රදාය තුළ රචනය හා ප්‍රකාශනය

~ සසංක පෙරේරා, දකුණු ආසියානු විශ්වවිද්‍යාලය (මේ රචනය ‘සෝසියෝ ටෝක්ස්’ යූ ටියුබ් නාලිකාව සඳහා කළ අදහස් දැක්වීමේ ලිඛිත පිටපතයි. එහි ශ්‍රව්‍ය පඨිතයට මෙතැනින් පිවිසිය හැක) ආයුබෝවන්. මට මේ වෙලාවේ අවශ්‍ය ශ්‍රී ලංකාවේ දැනට පවතින සමාජ විද්‍යා සම්ප්‍රදාය තුළ රචනය හා ප්‍රකාශනය කියන ක්‍රියාවලීන් පවතින අකාකාරය ගැන යමක් කියන්නයි. ඒ, මීට පෙර මම කරපු අදහස් දැක්වීමේදී මතුවෙච්ච ‘රචනය’ කියන කාරණය පිළිබඳව වැඩි දුර සාකච්චා කිරීමේ අදහසින්. ඒත් රචනය හා ප්‍රකාශනය සම්බන්ධයෙන් කතා කරන කොට, සමාජ හා…
වැඩි විස්තර පරිශීලනයට
වැඩි විස්තර පරිශීලනයට

විධිමත් ඓතිහාසික මූලාශ්‍ර, ජාත්‍යන්තර සබදතා පිළිබද ශාස්ත්‍රීය රචනාකරණය සහ නිර්මාණ සාහිත්‍යයේ අනාගතය

~ සසංක පෙරේරා, දකුණු ආසියානු විශ්වවිද්‍යාලය තත්කාලින ශ්‍රී ලංකාවේ සිට ඉන්දියාවේ හා නේපාලයේ බෞද්ධ සිද්ධස්ථාන වෙත වන්දනාවේ යන පිරිස් පිළබද පර්යේෂණයක් මා 2017 දී පමණ සැලසුම් කර, 2018 අග භාගයේ පමණ සිට ක්‍රියාත්මක කලෙමි.  මාගේ උනන්දුව වූයේ එම චාරිකා මගින් ජාත්‍යන්තර දේශ සීමා සහ දකුණු ආසියාව පිළිබද තත්කාලීන භූ-දේශපාලනික තේරුම්ගැනීම යම් ලෙසකින් වෙනස් ආකාරවලින් අර්ථ දැක්වීමට හැකිද යන්න සොයා බැලීමය. මාගේ ගවේෂණය තත්කාලීන වන්දනා ගතිකත්වයන් වෙත යොමු වී තිබුනද, යටත් විජිත යුගය දක්වාද පර්යේෂණය යොමු…
වැඩි විස්තර පරිශීලනයට
වැඩි විස්තර පරිශීලනයට

රාජ්‍ය විශ්වවිද්‍යාලවලට පහරදීම: ඉන්දියාවේ අනාගතය උකසට නොතබන්න

දීපක් නයියර් – ආර්ථිකවිද්‍යාව පිලිබඳ සේවාසම්මානිත මහාචාර්යජවහර්ලාල් විශ්වවිද්‍යාලය පරිවර්තනය:අනුෂ්කා කහඳගමගේදකුණු ආසියානු විශ්වවිද්‍යාලය (තත්කාලීනව විශ්වවිද්‍යාල තුළ, විශේෂයෙන් රාජ්‍ය අනුග්‍රහය සහිතව සිදුවන ප්‍රචණ්ඩත්වය, ඉන්දියාවේ ප්‍රභල දේශපාලනික වාදවිෂයක් බවට පත්ව තිබේ. මේ ප්‍රචණ්ඩත්වයේ එක් අරමුණක් වී ඇත්තේ එකී ආයතන තුළ සාම්ප්‍රදායිකව සිදු වූ විචාරශීලි කතිකාව හා දේශපාලනික විවේචනය පාලනය කිරීමය. එනමුත් මේ තත්වය සමස්ථ දකුණු ආසියාතික කළාපයටම පොදු තත්වයක් වන අතර, යම් මට්ටම්වලින් ඉන් බැහැර ප්‍රදේශවලද දැකගත හැක. දැනට ඉන්දියාවේ සරසවි තුළ සිදුවන ශිෂ්‍ය මර්දනය පෙන්වා දෙන මෙම…
වැඩි විස්තර පරිශීලනයට
වැඩි විස්තර පරිශීලනයට

සාහිත්‍ය සම්මාන, ඇගැයීමේ වතාවත් හා ශ්‍රීලාංකේය ඉංග්‍රීසි නිර්මාණාත්මක රචනාකරණය

සසංක පෙරේරා, දකුණු ආසියානු විශ්ව විද්‍යාලය, නව දිල්ලිය – (සටහන: මේ ලේඛණය 2016 ග්‍රේශන් සම්මාන පිළිගැන්වීමේ උත්සවයේදී 2017 මැය 27 දා කොළඹ බණ්ඩාරනායක සම්මන්ත්‍රණ ශාලාවේදී කළ කතාවේ වඩාත් දීර්ඝ සංස්කරණයේ සිංහල පරිවර්තනයයි. ) විනිශ්චයකරුවන් මුහුනපෑ ගැටලුවසර 2016 සදහා පිරිනමණ ග්‍රේෂන් සම්මාණයේ විනිශ්චයකරුවන් වශයෙන් සම්මාන සඳහා ඉදිරිපත් කර තිබූ රචනා පිළිබඳ තීරණ ගැනීමේදී මුහුණ පෑ ගැටළු පිළිබඳ කතා කිරීමේදී මා මේ අදහස් ඉදිරිපත් කරන්නේ මා සමග කටයුතු කළ අන් විනිසුරුවන් දෙදෙනා වන චන්දන දිසානායක හා රුහානි…
වැඩි විස්තර පරිශීලනයට
වැඩි විස්තර පරිශීලනයට

වීර අලකේශ්වරගේ ශෝකාන්තය: අතීතයෙන් ලැබෙන සංඥා

~ සසංක පෙරේරා, සමාජ විද්‍යා අංශය, දකුණු ආසියානු විශ්වවිද්‍යාලය මා උසස් පෙළ පංතිවල ඉගෙනගන්නා කාලයේ, මට සිංහල බස ඉගැන්වූ  ගුරුතුමා කෝට්ටේ යුගයේ දී චීන නාවික අද්මිරාල්වරයෙයෙකු විසින් ලාංකේය පාලකයෙකු පැහැරගෙන යෑම පිළිබඳ කථාවක් අපට විස්තර කළ ආකාරය මට තවමත් මතකය. එනමුත් එය ඔහුගේ පන්තියේ විෂය කරුණුවල කොටසක් නොවීය. එනමුදු, හොඳින් පොතපත කියවූ පුද්ගලයෙකු වූ නිසා ඔහු මේ කතාව මැනවින් දැන සිටි අතර, එමගින් ඔහුට අවශ්‍ය වූයේ බලය හා දේශපාලන ඇඟිලිගැසීම් පිළිබඳ අපට කරුණු දැක්වීමටය.  මේ…
වැඩි විස්තර පරිශීලනයට
වැඩි විස්තර පරිශීලනයට 1

භාෂණයේ අයිතිය සහ නිරාගමිකත්වයේ දේශපාලනය

~ |ගුරුගොඩ සිරිවිමල  හිමි ඉන්දික රත්නායක නැමැත්තකුට එරෙහිව බෞද්ධ තොරතුරු කේන්ද්‍රය මගින් නීතිමය පියවර ගන්නා ලෙස ඉල්ලමින් අපරාධ පරික්ෂණ දෙපාර්තමේන්තුවේ අධ්‍යක්ෂක තුමන්ගෙන් ඉල්ලා සිටින අවුල් සහගත ලිඛිත ඉල්ලා සිටීමක් මෑතකදී දක්නට ලැබුනි. ඉන්දික රත්නායකට මේ චෝදනාව එල්ල කිරීම සඳහා ඔවුන් ඉදිරිපත් කරන ලිපියේ දැක්වෙන පරිදි, ඔහු “බුදු දහම ජෛන දහමක් යැයි මිත්‍යා මතයක් සමාජගත කිරීමට යත්න දරා ඇති බව” පවසයි. මෙකී අදහස පිළිබඳව මා තුළ විශේෂ අදහසක් හෝ ආකර්ශනයක් නැත. කෙසේ වෙතත්, එම විවාදාපන්න කරුණ ගැන සාකච්ඡාවකට…
වැඩි විස්තර පරිශීලනයට