‘වික්‍රමසිංහ ආකෘතිය’ සහ ශ්‍රී ලංකාවේ නව දේශපාලනික විකෘතිතා

~ සචිනි ගීතාංජලී, දේශපාලන විද්‍යා හා රාජ්‍ය ප්‍රතිපත්ති අධ්‍යයනාංශය, කොළඹ විශ්වවිද්‍යාලය

මේ මොහොතේ ශ්‍රී ලංකාවේ ඇති වී තිබෙන්නේ දේශපාලන විපරිවර්තනයක් හෝ නව අවස්ථාවක් යනුවෙන් දේශපාලනික විග්‍රහයක යෙදෙන්නේ නම්, එය මෑත දශකයේ වඩාත් ජනප්‍රියම හාස්‍යයෝත්පාදන විශ්ලේෂණය ලෙස හැදින්වීම තර්කානුකූලය. මන්ද යත්, පසුගිය දින කිහිපයේ සිට ශ්‍රී ලංකාවේ දේශපාලනික ජවනිකාව වෙනස් මුහුණුවරකින් සමාජය හමුවේ තිරගත වෙමින් පැවතිය ද එය දේශපාලනික වෙනසක් හෝ විපරිවර්තනයක් වෙනුවෙන් ගොඩ නැගෙන්නක් නොව, දේශපාලනික විකෘතිතා (political distortions) පිළිඹිඹු වන අවස්ථාවක් වශයෙන් අරුත් ගැන්වීම යුක්ති යුක්ත නිසාය. මෙම ලිපිය ලිවීමෙහි මූලික අරමුණ වන්නේ ද වික්‍රමසිංහ ආකෘතිය සහ මින් ඉදිරියට ශ්‍රී ලංකාවේ බිහිවෙන දේශපාලනික අවකාශය හා වෙනස්වීම් විශ්ලේෂණය කිරීම වෙනුවෙන්ය. ඒ සදහා රනිල් වික්‍රමසිංහ නව ජනාධිපතිවරයාගේ පත්වීම ආකෘතියක් (model) වශයෙන් හඳුන්වාදීම වඩාත් උචිත වන්නේ, 1977 සිට මේ දක්වා ශ්‍රී ලංකාවේ දේශපාලන පද්ධතිය තුළ කැබිනට් මණ්ඩලය නියෝජනය කරමින් හා සය වතාවක් අගමැති ධූරය දරමින් ද ඔහු දේශපාලනයේ රැඳී සිට ඇති නිසාවෙනි. ඒ අනුව, ජනාධිපතිවරයා ගොඩ නගන්නට බලාපොරොත්තුවන ප්‍රතිපත්ති හෝ නව ශ්‍රී ලංකාව වික්‍රමසිංහ ආකෘතියක් තුළින් පැහැදිලි කිරීම වඩාත් තර්කානුකූලය.

දේශපාලනික විශ්ලේෂණ හා පැහැදිලිකිරීම් තුළ දේශපාලනික විකෘතිතා යනු නව තත්ත්වයක් නොවේ. එය ලෝකයේ විවිධ රාජ්‍ය තුළ අඩු වැඩි වශයෙන් ක්‍රියාත්මක වන, එහෙත්, පැහැදිලිව විකෘතිතා වශයෙන් විස්තර කිරීමට අපහසු වෙනස්වීම් හා අංගලක්ෂණ සමුදායකින් සමන්විත තත්ත්වයකි. මේ මොහොතේ මහ පොළොවේ ගොඩ නැගුණු යථාර්ථය නම්, වික්‍රමසිංහ ආකෘතියට අවශ්‍ය නීත්‍යානුකූල වපසරිය ද කෙසේ හෝ හිමි කර ගෙන හෝ, කෙසේ හෝ හිමි වී ඇති බවයි. මේ බව ජනතාවට සූක්ෂමව  ඇඟවීමට ද ජනාධිපතිවරයාට හැකියාව ලැබිණි. ඒ ප්‍රජාතන්ත්‍රවාදය නමැති දේශපාලන හා නීත්‍යානුකූල ආවරණය යොදා ගනිමින්ය. දේශපාලන විකෘතිතා ගොඩ නැගෙන්නනේ ද ප්‍රජාතන්ත්‍රවාදී භාවිත තුළින් ම බව තේරැම් ගැනීමට ඔහුට අපහසු වූයේ මන් ද හෝ එලෙස අසමත් වූයේ ඇයි ද යන්න වෙනම විමසා බැලිය යුතු ගැටලුවකි. නමුත් ආර්ථික වශයෙන් සුඛිත මුදිත රාජ්‍යයක් ගොඩ නැංවීමට හැකි යැයි හෝ එයට අවශ්‍ය වන්නේ සියල්ල විවේචනය නොකර, යථාර්වාදී දෘෂ්ඨීයකින් බැලීම යැයි කෙනෙකුගේ තර්කය නම්, මෙය හුදෙක් ආර්ථිකය පිළිබද පුරෝකථනය කිරීමක් හෝ තාර්කික විශ්ලේෂණයක් හෝ නොව, දේශපාලනික තත්ත්වය සම්බන්ධයෙන් සමාජයට ඇඟවීමක් හා යථාර්ථය පැහැදිලි කිරීමට දරන සීමිත හා බොහෝ දුරට් පටු උත්සාහයක් බව සඳහන් කළ යුතුය.

දේශපාලනික විකෘතිතා ගොඩ නැගීමට බලපාන ප්‍රධාන බලපෑම්සහගත අවස්ථාවක් වන්නේ ආර්ථිකයයි. ආර්ථිකය හා දේශපාලනය එකිනෙකින් වියුක්තව සාකච්ජා කරන්නට යාම මුග්ධ ක්‍රියාවක් වන්නේ ආර්ථිකය හා දේශපාලනය ගසට පොත්ත මෙන් එකිනෙකට බැඳී පවතින බැවිනි. ශ්‍රී ලංකාවේ හැටනවලක්ෂයක ජන වරම සෝදාපාළුවට ලක් වීමේ මූලික අවස්ථාව ගොඩනැගෙන්නේ ද දේශපාලනඥයන් ආර්ථිකය හා දේශපාලනය එකනෙකින් වෙන් කරන්නට දැරූ උත්සාහයේ පුපුරා යෑම තුළින් බව තර්ක කිරීම වඩාත් සාධාරණය. ශ්‍රී ලංකාවේ ආර්ථික අර්බුදය ආරම්භ වූ අවස්ථාවේ සිට මේ දක්වාම, හැටනවලක්ෂය සමඟ ඔවුන්ට පමණක් ප්‍රජාතන්තවාදී යැයි හැඟෙන, රාජපක්ෂ රෙජීමය සහ අනෙකුත් පිරිස ගොඩනැගූ ආකෘතියක් තුළින් ආමන්ත්‍රණය කරමින් ප්‍රතිපත්ති සම්පාදන ක්‍රියාවලියේ නියුක්ත විය. නමුත්, සමාජ සුභසාධනවාදී දෘෂ්ටිකෝණයක් ඒ තුළින් පිළිඹිඹු වූයේ නැත. දේශපාලනික විකෘතිතා ගොඩ නැගෙන්නට බලපෑම් කරන ලද හේතූ සාධක වන්නේ ද මේවාය. ආර්ථික අර්බුද ඔස්සේ ගොඩනැගෙන සමාජ කැළඹීම් සහ නොසන්සුන්තාවයන් පාලනය කරන්නට කිසිදු පුද්ගල දේශපාලන බලවේගයකට  හැකියාව නොලැබී ගියේ, ආර්ථික අර්බුදය අන් සියල්ල අභිබවමින් සිටි නිසාය.

වත්මන් ජනාධිපතිවරයා වැඩබලන ජනාධිපතිධූරයට පත් වූ අවස්ථාවේ සිට ප්‍රකාශ කරන ලද්දේ තමන් ව්‍යවස්ථාව ආරක්ෂා කරමින් ප්‍රජාතන්තවාදය වෙනුවෙන් පෙනී සිටින බවයි. එය සිදු කරන්නට යාමෙන් මතුවන දේශපාලනික විකෘතිතා පිළිබදව පුරෝකථනය කරන්නට ජනාධිපතිවරයා අසමත් විය. එසේ වුවත්, දේශපාලනික බංකොලොත්භාවයකට පත්ව සිටින පිරිසකගේ රැකවරණය සහ පැවැත්ම වෙනුවෙන් පෙනී සිටින්නට යාම තුළින් අභියෝග ගණනාවකට මුහුණ දෙන්නට සිදු වන බව ඔහු තේරුම් ගෙන තිබෙන බව ද පාර්ලිමේන්තුවේ කළ ප්‍රකාශය තුළින් පැහැදිලි වේ. නමුත්, ඒ සියල්ල වෙනුවෙන් ඔහු විසඳුම් සොයන්නේ ද උපක්‍රම ආදේශ කරන්නේ ද ඔහුගේ ආකෘතියට අනුගතව බව ශ්‍රී ලාංකික සමාජය අවබෝධ කර ගැනීම ඉතාමත් වැදගත්ය. දේශපාලනික විකෘතිතා ගොඩ නැගුණු සමාජයක් ඉදිරියට ගමන් කිරීම සම්බන්ධයෙන් උපකල්පන ඉදිරිපත් කිරීම ඉතාමත් අවිනිශ්චිත වන්නේ, එහි හැඩය හෝ පැවැත්ම තීරණය වන්නේ ද අවිනිශ්චිත තත්ත්ව යටතේ වන බැවිනි.

මෙවැනි දේශපාලනික විකෘතිතා ගොඩ නැගුණු සමාජයක අනාගතය සම්බන්ධයෙන් පුරෝකථන කිහිපයක් ඉදිරිපත් කළ හැකිය. එවැනි තත්ත්වයකදී පාලකයා මෙන්ම ජනතාව ද සටන්කාමී අවකාශයකට නිරාවරණය වීම ස්වභාවයෙන්ම සිදු වේ. එය වඩාත් අභියෝගාත්මක වන්නේ, පාලකයා ඉතා දැඩි ලෙස ඒකාධිපතිවාදී ක්‍රමවේද යොදා ගනිමින් ජනතාව පාලනය කරන්නට උත්සාහ දැරීම තුළිනි. වික්‍රමසිංහ ආකෘතිය බලගැන්වීමේ මහා මෙහෙයුම සාර්ථක කරගැනීමේ හැකියාව හිමි වූයේ, හැට නව ලක්ෂයක ආශිර්වාදයකින් වීම තවත් බරපතළ අර්බුදයකි. නමුත්, මෙයින් ඇති වන ගැටලුව වන්නේ, බිම් මට්ටමේ පාක්ෂිකයන් පිළිබදව කිසිදු තැකීමකින් තොරව, තම අපේක්ෂාවන් වෙනුවෙන් පමණක්ම පොදුජන පෙරමුණ ක්‍රියාත්මක වීමයි. එහි අනෙක් ප්‍රතිවිරෝධතාවය වන්නේ, එක්සත් ජාතික පක්ෂයෙන් කැඩී වෙන් වූ සමගි ජන බලවේගයේ පාක්ෂිකයන් ද දේශපාලනික වශයෙන් අපේක්ෂාභංගත්වයට පත්වීමයි. මන්ද යත්, නැවතත් එක්සත් ජාතික පක්ෂය සංවිධානය කිරීමේ ක්‍රම කෙසේ හෝ නැවතත් ආරම්භ කරන බැවිනි. එබැවින් මේවා හුදෙක් දේශපාලනික පරිවර්තන හෝ විපරිවර්තන නොව, දේශපාලනික විකෘතිතාය.

එමෙන්ම, විධායක ජනාධිපති ධූරය අවසන් කිරීමේ භාරදූර වගකීම හිමි වූයේ ද විකුමසිංහ ආකෘතියට වීම ද එක් පසෙකින් බරපතළ අභියෝගයක් වන්නේ, බලයට දැඩි ආශාවකින් පසු වන පුද්ගලයෙකුටම එහි වගකීම පැවරීම සම්බන්ධයෙන් ප්‍රබල ප්‍රශ්නාර්ථයක් පවතින බැවිනි. දේශපාලනික විකෘතියක් ලෙසින්ම සිදු වූ මෙම ජනාධිපතිවරයා තෝරා පත් කර ගැනීමේ ජන්ද විමසීම තුළින් ද ශ්‍රී ලංකාවේ දේශපාලනයේ අන්ත දරිද්‍රතාවය නිරූපණය වූයේ සංඛ්‍යාත්මකව පමණක් නොව, සංකේතාත්මකව ද පෙනී ගිය ඇඟවීම් රාශියක් තුළිනි. එනම්, දේශපාලනය යනු ඉදිරියටත් ‘system change’ කිරීමක් නොව, වයෝවෘද්ධවූවන්ට රැකවරණය සපයන රැකියාවක් බව ද සනාථ කරමින්ය. මෙවැනි අවස්ථා වඩාත් තර්කානුකූලව පැහැදිලි කළ හැක්කේ, හුදෙක් දේශපාලනික විකෘති අවස්ථා වශයෙනි. එම විකෘතිභාවය දේශපාලඥයන්ට වඩාත් දැඩි හා වැඩි දේශපාලනික රැකවරණයක් සපයන අතරම, දේශපාලනය දැඩි ලෙස අස්ථාවර තත්ත්වයකට මෙන්ම රාජ්‍යය ද අර්බුදකාරී තත්ත්වයන්ට නිරාවරණය වන බව පැවසිය යුතු වන්නේ මින් පෙර නොවූ ආකාරයට මෙම විකෘති තත්ත්වවලට ජනතාව ප්‍රතිචාර දැක්වීමට උත්සුක වී ඇති බැවිනි.

මේ සියල්ල තුළින් පැහැදිලි වන්නේ, දේශපාලනික විකෘති සහිත රාජ්‍යයක පාර්ලිමේන්තුවක ජනාධිපති ධූරය හෝ ව්‍යවස්ථාව පවා ප්‍රජාතන්තවාදී ආකෘතියක් තුළට කේන්ද්‍රගත කරන්නේ කෙසේ ද යන්නයි. අනෙක් පසකින් එවැනි විකෘතිතා ඒකාධිපතිවාදය සමග සෘජුවම සම්බන්ධ වන අතර, වික්‍රමසිංහ ආකෘතියට පවත්නා අත්දැකීම් තුළින් සමාජය එවැනි තත්ත්වයක් තුළින් පාලනය කරන්නට ප්‍රයත්න දැරීමක් සිදු වුවහොත් දැඩි අර්බුදකාරී හා අස්ථාවර තත්ත්වයකට ශ්‍රී ලංකාව ඇද දමන බව පැහැදිලිය. එමෙන්ම, වැල් පාලමෙන් එගොඩ වන්නට තෝරා ගත් ගමන් මාර්ගයත් ඒ වෙනුවෙන් අනුගමනය කළ හා ඉදිරියට අනුගමනය කරන ක්‍රමවේදත් මේ මොහොතේ නිර්මාණය වෙමින් පවත්නා දේශපාලනික විකෘතිතා සමග සෘජුවම සම්බන්ධ බවත්, එම තත්ත්වයට මුහුණ දීමට සිදු වන්නේ ජනතා අවකාශයක් තුළින් බවත් බලය ලබා ගත් වික්‍රමසිංහ ආකෘතිය පමණක් නොව එහි අනෙකුත් සියලු පාර්ශ්වකරුවන් ද සිතේ තබාගත යුතුය.

එමෙන්ම, ජනතා විමුක්ති පෙරමුණට මහජන අවකාශය තුළින් නව ගමනාන්තයකට අවකාශ සැලසෙන්නේයැයි විශ්ලේෂණය කිරීමට අපහසු වන්නේ මෙවැනි දේශපාලනික විකෘතිතා ආර්ථිකය සමග සම්බන්ධව ඇති බැවින්, ජනතාවගේ දෛනික අවශ්‍යතා හා පරිභෝජනවාදී ක්‍රමය ඔස්සේ ලංසු තබමින් දේශපාලන ගණුදෙනු කිරීමේ වාසිය නැවත වරක් ලබා ගැනීමට හැකි වූ බැවිනි. එබැවින්, ඉදිරි කාල වකවානුව දේශපාලනික විකෘතිතා හා ආර්ථික අර්බුදය පමණක් නොව, වික්‍රමසිංහ ආකෘතිය හා ජනතා අවකාශය සමග සිදුවන වෙනස්වීම්, විරෝධතා මෙන්ම ප්‍රතිවිරෝධතාවලට ද මුහුණ දීමට සිදුවන හා විසදුම් සොයන්නට සිදුවන අවිනිශ්චිත කාලයක් බව අවසාන වශයෙන් සදහන් කළ හැකිය.

Total
3
Shares
Leave a Reply

Your email address will not be published.

You May Also Like
වැඩි විස්තර පරිශීලනයට

ලාංකේය නර්තනය තුළ ගොඩ නැගෙන ස්ත්‍රිය පිළිබද දෘශ්ටිවාදී පසුබිම සහ චන්න විජෙවර්ධනගේ නර්තන භාවිතය

~  පියුමි   වාසනා, සිරිසීවලී මහා විද්‍යායලය, පානදුර (චායාරූප චන්න උපුලී නර්තනායතනයේ අනුග්‍රහයෙනි) අද්‍යතන ශ්‍රී ලංකාව තුළ  ස්ථාපිතව ඇති පුරැශ-මූලික දෘශ්ටිවාදය සහ ධනවාදයේ  අවශ්‍යතාවයනට අනුව “ස්ත්‍රිය” සකස් කොට තිබේ. ස්ත්‍රී ශරීරය, ස්ත්‍රී පැවතුම්, ස්ත්‍රී ආකෘතිය, ස්ත්‍රිය කියවීම, ස්ත්‍රී සමාජ භාවය යන සියල්ල, පුරැෂ-මූලික දෘශ්ටිය සහ ධනවාදයේ යෙදවීම් මත තීරණය වී තිබේ. ලංකාව තුළ පැවත එන ස්ත්‍රී සමාජ භූමිකාව කර්මකාරකයක් (object) බවට පත් කිරිමට එයට හැකිවි තිබේ. ධනවාදී පාරිභෝජන ක්‍රමය තුළ ස්ත්‍රිය හා ස්ත්‍රී ශරීරය ශෲංගාර-පූර්ණ…
වැඩි විස්තර පරිශීලනයට
වැඩි විස්තර පරිශීලනයට

ලංකාව තුළ චීන සමාගම් වල මැදිහත් වීම සුළු කොට තැකිය හැකිද?

පවිත්‍රා ජයවර්ධන,කොළඹ විශ්වවිද්‍යාලය – අප  ජීවත් වන්නේ ලෝක පර්යාය (world order) යම්කිසි ආකාරයක සංක්‍රාන්තියක තිබෙන මොහොතකයි. සෝවියට් සමූහාණ්ඩුව  බිඳවැටීමෙන් පසුව ලිබරල් ප්‍රජාතන්ත්‍රවාදී පර්යායක් ලෝකයේ ඇති කිරීම්ට ඇමරිකාව ප්‍රමුඛ බටහිර කඳවුර දැඩි ව්‍යායාමයක නිරත විය.  කෙසේ නමුත් අද වන විට ලිබරල් ප්‍රජාතන්ත්‍රවාදී කදවුර දැඩි අර්බුදයක සිටින බව පැහැදිළිය.  ඇමරිකාව වැනි රාජ්‍යයකම ට්‍රම්ප්  වැනි අන්ත දක්ෂිණාංශික නායකයෙක් පත්වීම, මහත් බලාපොරොත්තු ඇතිව සකස් වූ යුරෝපා හවුලෙන් බ්‍රිතාන්‍ය  ඉවත් විය යුතු බව බ්‍රිතාන්‍ය ජනයාම තීරණය කිරීම වැනි සරල නිදර්ශන…
වැඩි විස්තර පරිශීලනයට
වැඩි විස්තර පරිශීලනයට

සමාජ-දේශපාලනික අභියෝග හමුවේ විශ්වවිද්‍යාලවල සමාජ වගකීමේ ස්වභාවය [1]

~ සසංක පෙරේරා (මෙම ලිපිය 2014 වසරේ ඉදිරිපත් කළ දේශනයක සිංහල පිටපත වේ. මුල් දේශනයේ සිට අද වන විට බොහෝ කලක් ඉක්ම ගොස් තිබුනද, එහි ඉදරිපත් කර තිබු අදහස්වල තත්කාලීන වලංගුතාවය සලකා, විශ්වවිද්‍යාල පිලිබඳ අපගේ කෙටි ලිපි මාලාවේ කොටසක් වශයෙන් නැවත පලකරන්නට සංස්කාරක මණ්ඩලය තීරණය කර ඇත) (ඉහල චායාරූපය: පේරාදෙණිය විශ්වවිද්‍යාලය; සුනන්දා ප්‍රේමසිරි, සිංහල අංශය, පේරාදෙණිය විශ්වවිද්‍යාලය) උපකුලපතිතුමනි, පීඨාධිපතිතුමනි, මිත්‍රවරුනි; ඔබ සැමට සුභ උදෑසනක් වේවා. මීට කලකට ඉහතදී කොළඹ විශ්වවිද්‍යාලයේ ශාස්ත්‍ර පීඨයේ පීඨාධිපතිතුමා මා වෙත…
වැඩි විස්තර පරිශීලනයට
වැඩි විස්තර පරිශීලනයට

ශ්‍රී ලංකාවේ සමාජ විද්‍යා සම්ප්‍රදාය තුළ රචනය හා ප්‍රකාශනය

~ සසංක පෙරේරා, දකුණු ආසියානු විශ්වවිද්‍යාලය (මේ රචනය ‘සෝසියෝ ටෝක්ස්’ යූ ටියුබ් නාලිකාව සඳහා කළ අදහස් දැක්වීමේ ලිඛිත පිටපතයි. එහි ශ්‍රව්‍ය පඨිතයට මෙතැනින් පිවිසිය හැක) ආයුබෝවන්. මට මේ වෙලාවේ අවශ්‍ය ශ්‍රී ලංකාවේ දැනට පවතින සමාජ විද්‍යා සම්ප්‍රදාය තුළ රචනය හා ප්‍රකාශනය කියන ක්‍රියාවලීන් පවතින අකාකාරය ගැන යමක් කියන්නයි. ඒ, මීට පෙර මම කරපු අදහස් දැක්වීමේදී මතුවෙච්ච ‘රචනය’ කියන කාරණය පිළිබඳව වැඩි දුර සාකච්චා කිරීමේ අදහසින්. ඒත් රචනය හා ප්‍රකාශනය සම්බන්ධයෙන් කතා කරන කොට, සමාජ හා…
වැඩි විස්තර පරිශීලනයට
වැඩි විස්තර පරිශීලනයට

තාක්ෂණික දියුණුව සමග ගබ්සාවේ දිශානතිය සහ එහි සමාජයීය පැතිකඩ  

~ පූර්ණිමා ගමගේ,  ආර්ථික විද්‍යාව පිලිබද ශාස්ත්‍රවේදී උපාධි අපේක්ෂිකා, රුහුණ විශ්වවිද්‍යාලය (කාටූනය: ගිහාන් ඩි චිකේරා) වර්තමානය වන විට තාක්ෂණය ලෝකයේ සියලුම අවකාශ අතික්‍රමණය කරමින්, සිය ආධිපත්‍යය පතුරවමින් සිටී. වයස් භේදයකින් තොරව තාක්ෂණික ව්‍යාප්තිය සිදුවත්ම, තාරුණ්‍යය සීග්‍ර වේගයකින් එයට නතු වෙමින් පවතින යුගයක, සමාජය කෙරෙහි ඉන් ඇතිවන ප්‍රතිවිපාක කෙලෙසින් වේ දැයි පූර්ව නිගමනයකට, පූර්ව කථනයකට එළැඹීම ඉතා දුෂ්කර කාර්යයකි. තාරුණ්‍යයට තාක්ෂණය සමීපවීමත් සමග දෛනික කටයුතුවලින් වැඩි ප්‍රමාණයක් තාක්ෂණය උපයෝගී කරගනිමින්  සිදුකර ගැනීමට වත්මන් මානවයා උත්සාහ කරයි.…
වැඩි විස්තර පරිශීලනයට
වැඩි විස්තර පරිශීලනයට

නන්දන වීරසිංහගේ කවිය සහ ශ්‍රී ලාංකේය විචාර පර්ශද

~ දර්ශන අශෝක කුමාර මා අතිශයින් ගරු කරන යුග කාරක කවියෙකු වන නන්දන වීරසිංහයන්ගේ කවි පිළිබඳ කථා බහ කෙරෙන මාර්ගගත සංවාදයකට පසුගිය දා මා සහභාගී වූයේ කරුණු කිහිපයක් පිළිබඳ අවධානය යොමු කරමිනි. එකක් නම්, නන්දන වීරසිංහයන්ගේ කවි තවත් පිරිසක් හඬ ගා කියනු ඇසීමෙන් ලැබෙන තෘප්තිය විඳීමටය. දෙවැන්න නම්, ලංකාවේ කවිය සම්බන්ධයෙන් පවතින විචාරාත්මක තලය කුමක්දැයි යන්න පිළිබඳ විමසීමක් කර බැලීමටය.   ලංකාවේ විචාරාත්මක කියැවීම් සම්බන්ධයෙන් මට නැවත වරක් ඇති වූයේ අපේක්ෂා භංග වූ හැඟීමකි. මෙම…
වැඩි විස්තර පරිශීලනයට
වැඩි විස්තර පරිශීලනයට

විධිමත් ඓතිහාසික මූලාශ්‍ර, ජාත්‍යන්තර සබදතා පිළිබද ශාස්ත්‍රීය රචනාකරණය සහ නිර්මාණ සාහිත්‍යයේ අනාගතය

~ සසංක පෙරේරා, දකුණු ආසියානු විශ්වවිද්‍යාලය තත්කාලින ශ්‍රී ලංකාවේ සිට ඉන්දියාවේ හා නේපාලයේ බෞද්ධ සිද්ධස්ථාන වෙත වන්දනාවේ යන පිරිස් පිළබද පර්යේෂණයක් මා 2017 දී පමණ සැලසුම් කර, 2018 අග භාගයේ පමණ සිට ක්‍රියාත්මක කලෙමි.  මාගේ උනන්දුව වූයේ එම චාරිකා මගින් ජාත්‍යන්තර දේශ සීමා සහ දකුණු ආසියාව පිළිබද තත්කාලීන භූ-දේශපාලනික තේරුම්ගැනීම යම් ලෙසකින් වෙනස් ආකාරවලින් අර්ථ දැක්වීමට හැකිද යන්න සොයා බැලීමය. මාගේ ගවේෂණය තත්කාලීන වන්දනා ගතිකත්වයන් වෙත යොමු වී තිබුනද, යටත් විජිත යුගය දක්වාද පර්යේෂණය යොමු…
වැඩි විස්තර පරිශීලනයට
වැඩි විස්තර පරිශීලනයට

සාහිත්‍ය සම්මාන, ඇගැයීමේ වතාවත් හා ශ්‍රීලාංකේය ඉංග්‍රීසි නිර්මාණාත්මක රචනාකරණය

සසංක පෙරේරා, දකුණු ආසියානු විශ්ව විද්‍යාලය, නව දිල්ලිය – (සටහන: මේ ලේඛණය 2016 ග්‍රේශන් සම්මාන පිළිගැන්වීමේ උත්සවයේදී 2017 මැය 27 දා කොළඹ බණ්ඩාරනායක සම්මන්ත්‍රණ ශාලාවේදී කළ කතාවේ වඩාත් දීර්ඝ සංස්කරණයේ සිංහල පරිවර්තනයයි. ) විනිශ්චයකරුවන් මුහුනපෑ ගැටලුවසර 2016 සදහා පිරිනමණ ග්‍රේෂන් සම්මාණයේ විනිශ්චයකරුවන් වශයෙන් සම්මාන සඳහා ඉදිරිපත් කර තිබූ රචනා පිළිබඳ තීරණ ගැනීමේදී මුහුණ පෑ ගැටළු පිළිබඳ කතා කිරීමේදී මා මේ අදහස් ඉදිරිපත් කරන්නේ මා සමග කටයුතු කළ අන් විනිසුරුවන් දෙදෙනා වන චන්දන දිසානායක හා රුහානි…
වැඩි විස්තර පරිශීලනයට
වැඩි විස්තර පරිශීලනයට

වීර අලකේශ්වරගේ ශෝකාන්තය: අතීතයෙන් ලැබෙන සංඥා

~ සසංක පෙරේරා, සමාජ විද්‍යා අංශය, දකුණු ආසියානු විශ්වවිද්‍යාලය මා උසස් පෙළ පංතිවල ඉගෙනගන්නා කාලයේ, මට සිංහල බස ඉගැන්වූ  ගුරුතුමා කෝට්ටේ යුගයේ දී චීන නාවික අද්මිරාල්වරයෙයෙකු විසින් ලාංකේය පාලකයෙකු පැහැරගෙන යෑම පිළිබඳ කථාවක් අපට විස්තර කළ ආකාරය මට තවමත් මතකය. එනමුත් එය ඔහුගේ පන්තියේ විෂය කරුණුවල කොටසක් නොවීය. එනමුදු, හොඳින් පොතපත කියවූ පුද්ගලයෙකු වූ නිසා ඔහු මේ කතාව මැනවින් දැන සිටි අතර, එමගින් ඔහුට අවශ්‍ය වූයේ බලය හා දේශපාලන ඇඟිලිගැසීම් පිළිබඳ අපට කරුණු දැක්වීමටය.  මේ…
වැඩි විස්තර පරිශීලනයට
වැඩි විස්තර පරිශීලනයට

ඉතිහාසයේ හා ඓතිහාසික ප්‍රබන්ධකරණයේ දේශපාලනය

~ සසංක පෙරේරා, දකුණු ආසියානු විශ්වවිද්‍යාලය (මේ ලේඛනය 2008 සැප්තැම්බර් 16 වැනිදා තිලක් ජයරත්නගේ තිර රචනා පහක් සමාජගතකිරීමේ උත්සවයේදී ශ්‍රී ලංකා පදනම් ආයතන ශ්‍රවණාගාරයේදී පැවැත්වූ දේශනයේ පිටපත වේ. එය වසර 12 ට පසුව යලිත් පලකරන්නේ එහිදී මතුකළ මූලික ප්‍රවේශ තව දුරටත් අදාල වේය යන විශ්වාශය මතය) අද දින මේ දිග හැරෙන බුද්ධිමය හා සාහිත්‍යමය යාතුකර්මයේ කට්ටඩියෙකු වන ලෙස තිලක් ජයරත්න සහෝදරයා මට ආරාධනය කළ විට, මා ඒ ඇරයුම භාර ගැනීමට ප්‍රධාන හේතුවක් වූයේ ඉතිහාසකරණය, නිර්මාණ…
වැඩි විස්තර පරිශීලනයට