ශ්‍රී ලාංකාවේ අවකාශීය දේශපාලනය හා සිවිල් යුද්ධය පිළිබඳ නව කියවීමක්

Sovereignty, Space and Civil War in Sri Lanka: Porous Nation (ශ්‍රී ලංකාවේ ස්වාධිපත්‍යය, අවකාශය හා සිවිල් යුද්ධය: සුනැමි ජාතිය). අනෝමා පීරිස්. ලන්ඞ්න් හා නිව් යෝර්ක්: රව්ට්ලෙජ්, 2019. පිටු: 236. ISBN 978-0-8153-7161-8. මිල: ඉන්දියානු රුපියල් 795.00 (මෘදු කවරය සහිතව, දකුණු ආසියානු සංස්කරණය).

___________

විමර්ශනය: සසංක පෙරේරා

අනෝමා පීරිස්ගේ නව කෘතිය, Sovereignty, Space and Civil War in Sri Lanka: Porous Nation (2019) ඇය විසින් කාලාන්තරයක් මුළුල්ලේ ගවේශණයේ නිරතවී සිටි පර්යේශණ ක්‍ෂේත්‍ර කිහිපයක් වන අවකාශීය දේශපාලනය, වාස්තුවේදය (architecture) සහ නගර සැලසුම්කරණය යන ක්‍ෂේත්‍ර එක්තැන් කරමින්, ඒ ක්‍ෂේත්‍ර ඔස්සේ ශ්‍රී ලංකාවේ සිවිල් යුද්ධය කියවීමට ගත් වෑයමකි. මේ කෘතියේ අන්තර්ගතය හා ප්‍රවේශය ඇය පසුගිය වසර පහක පමණ කාලයක් මුලුල්ලේ ලියා ඇති පඨිතවලින් ඉදිරිපත් වූ අදහස් සමුදායේ වඩාත් දියුණු ඉදිරි පියවරක් ලෙස අපට තේරුම් ගත හැකිය. මා සිතන්නේ 2016 දී ජොනතන් ශපීරෝ හා කොලින් මැක්ෆාලන් විසින් සංස්කරණය කළ Urban Navigations: Politics, Space and the City in South Asia යන කෘතිය සඳහා ඇය සම්පාදනය කළ ‘Sri Lanka: Terror, Anxiety and the Unstable nation – A Physical Biography of Violence’ යන ලිපිය හා 2014 දී Architectural Theory Review සාර-සංග්‍රහයට ඇය සැපයූ ‘Encampments: Spatial Taxonomies of Sri Lanka’s Civil War’ යන ලිපිය ආදී බුද්ධිමය මැදිහත්වීම් වර්තමාන කෘතියේ ගමන්මග සනිටුහන් කළ පූර්ව ව්‍යායාමයන්ය. Sovereignty, Space and Civil War in Sri Lanka: Porous Nation කෘතිය මූලික වශයෙන් ශ්‍රී ලංකාව කේන්ද්‍ර කරගෙන භූගෝලීය, වාස්තුවේදීය හා නගර අධ්‍යයන ප්‍රවේශ කොතෙක් දුරට යුද්ධය වැනි දේශපාලන ප්‍රචණ්ඩත්වයේ ආදිනව අධ්‍යයනය කිරීම සඳහා යොදා ගත හැකි දැයි ගවේෂණය කිරීම සඳහා දැරූ උත්සායකි. කෙසේ වුවද කෘතිය කියවූ විට වැටහෙන්නේ, මේ විෂය ක්‍ෂේත්‍රයන්ගේ පර්යේෂණ එළඹුම්වලට අමතරව මානවවංශකරණයට වඩාත් සමීප පර්යේෂණ ශිල්ප ක්‍රම ද ඇය භාවිතයට ගෙන ඇති බවයි. කෘතිය ඇතැම් විට මානවවංශ ලේඛනයක් සේ ගලා යන්නේ මේ නිසාය යන්න මගේ විශ්වාසයයි.

සමස්ත කෘතියම ව්‍යුහාත්මකව ප්‍රධාන තේමා තුනක් යටතේ සංවිධානය කර ඇත. මේ තේමා නම්, ප්‍රතිමාණක අවකාශ (normative spaces), මානව චල්‍යතා (human mobilities) හා පිටුවහල් තත්ත්ව (exilic states) යන ඒවායි. ‘මායිම’ (borders) වශයෙන් නම් කර ඇති කෘතියේ හැඳින්වීමට අමතරව, ඉහත සඳහන් සෑම තේමාවක් යටතේම සුවිශේෂ පරිච්ඡේද තුනක් සමගින් කෘතිය පරිච්ඡේද නවයකින් සමන්විත වේ. මේ අනුව, ප්‍රතිමාණක අවකාශ යන තේමාව යටතේ පීරිස් විසින් ජාතිය (nation), නිවස (home) හා නගරය (city) යන විස්තරාත්මක පරිච්ඡේද තුන ඉදිරිපත් කරන්නීය. මෙලෙසින්ම, මානව චල්‍යතා යන තේමාව යටතේ ඇය ඉදිරිපත්කරන පරිච්ඡේද තුන පදනම්ව ඇත්තේ මාර්ගය (route), කඳවුර (camp) හා ස්ථානය (site) යන අදහස් තුන මතය. ඇයගේ අවසාන ප්‍රධාන තේමාව වන පිටුවහල් තත්ත්වයන් යන්න යටතේ පරිච්ඡේද වෙන්වී ඇත්තේ නටබුන් (ruin), පිටුවහල් වීම (exile) හා නැවත පදිංචිය (settlement) යන අදහස් පුළුල් ලෙස ගවේශණය කිරීමටය.

මා සිතනාකාරයට පීරිස්ගේ කෘතිය විශේෂයෙන් වැදගත් වන්නේ මේ තේමා හා පරිච්ඡේද වෙන්කිරී මගින්ම පැහැදිලිවන, එහි ඇති විධික්‍රමික ප්‍රවේශය නිසාය. ඇයගේ අධ්‍යයනයට පදනම් වන්නේ ශ්‍රී ලංකාවේ සිවිල් යුද්ධයයි. මේ යුද්ධය පිළිබඳ බොහෝ අධ්‍යයන මේ වන විට ලංකාවේ මෙන්ම ලොව අන් ස්ථානවල ද පළවී තිබුනද ඒවා සියල්ලම පාහේ පදනම් ව ඇත්තේ, මේ යුද්ධය ජනවාර්ගික-ජාතිකවාදී අරගලයක් ලෙස තේරුම් ගැනීම මත සහ එය ජාතික රාජ්‍යය ගොඩනැංවීමේ ව්‍යාපෘතියේ දී මතුවූ අසාර්ථකත්වයේ ප්‍රතිපලයක් ලෙසත්ය. මීට අමතරව, අතීතය පිළිබඳ දේශපාලනය, යටත්විජිත පාලනයේ දේශපාලනික ආදිනව හා පශ්චාත්-නිදහස් දේශපාලනයේ වාර්ගික හා ආගමික පදනම යන කරුණු ද ශ්‍රී ලංකාවේ වාර්ගික අර්බුදයන්ට හා පසුව සිවිල් යුද්ධයට ද පැහැදිලි ලෙස බලපෑම් කළ බව ඇප සැම දන්නා කරුණුය.

පීරිස් විසින් මේ කරුණු අවතක්සේරු නොකළ ද, ඇය සිය කෘතියෙන් උත්සාහගෙන ඇත්තේ, ශ්‍රී ලංකාවේ සිවිල් යුද්ධය ඉහත දැක්වූ කරුණුවලට පරිභාහිර සාධක ඔස්සේ ගවේෂණය කිරීමටය. මේ කර්තව්‍යය සාක්ෂාත් කරගැනීම සඳහා ඇයගේ උත්සාහය වී ඇත්තේ භූමිය පාලනය කිරීම සඳහා දියත් කරන අරගලය තේරුම් ගැනීමට ජනවාර්ගිකත්වය යන අදහස පෙරදැරි කර නොගත් ප්‍රවේශයක් යොදාගනිමින්, දේශපාලනමය ස්වාධිපත්‍යය යන අදහස භූමිය හා අනුභූතිය තුළ විකසිත වී ඇති ආකාරය පැහැදිලි කිරීමය. වෙනත් ලෙසකින් පවසන්නේ නම්, ඇයගේ සෑම පරිඡ්චේදයකින්ම උත්සාහ කරනුයේ භූමිය මත සනිටුහන් වී ඇති පැහැදිලි යථාවන් වන ජාතිය, නිවස, නගරය, මාර්ගය, කඳවුර, නටබුන් හා පිටුවහල්වීම වැනි අවකාශීය අනුභූති ශ්‍රී ලාකාවේ සිවිල් යුද්ධය පාඨනය කිරීමේදී ඉදිරියට ගෙනඒමය. නමුත් එසේ කිරීමේදී සිය කෘතියේ ඇතැයි ඇයම පවසන එක් සීමාවක් උනන්දුසහගතය. කෘතියේ හැඳින්විමෙන් ඇය පවසන්නේ එහි එක් අරමුණක් වන්නේ උග්‍ර සංස්කෘතික භක්තිවාදයකින් (cultural chauvinism) පෙළෙන්නේ නැති හා අන්තර්-වාර්ගික සංහිඳියාවකට කැමැත්ත දක්වන කණ්ඩායමක් තුළ යුද්ධය පිළිබඳ ඇති අදහස් ගෙනහැර දැක්වීම බවයි (2019: 3). නමුත් විධික්‍රමිකව බලන්නේ නම්, මෙමගින් සලකනු කරන්නේ සීමාවකට වඩා ඇය භාවිත කළ අර්ථවිවරණීය හා පර්යේෂණ ප්‍රවේශය පිළිබඳ තාර්කික නිර්වචනයකි.

මා දන්නා පරිදි ශ්‍රී ලංකාවේ සිවිල් යුද්ධය සම්බන්ධයෙන් මෙවන් ප්‍රවේශයකින් යුතු අධ්‍යයනයක් මීට පෙර සිදුකර නොමැත. නැතිනම්, මා එවන්නක් මෙතෙක් කියවා නැත. පැහැදිලිවම, මෙවන් ප්‍රවේශයක් සාමාන්‍ය වශයෙන් වාස්තුවේදය හෝ නගර සැලසුම්කරණය පිළිබඳ පුහුණුව ලැබූ ශ්‍රී ලාංකේය ශාස්ත්‍රාලයීය පද්ධතියේ සිටින ශාස්ත්‍රඥයෙකුගෙන් බොහෝ විට බලාපොරොත්තු විය නොහැක. මක් නිසාද යත්, ශ්‍රී ලංකාවේ වාස්තුවේදය, අවකාශ අධ්‍යයන හා නගර සැළසුම්කරණය යන පුළුල් ක්‍ෂේත්‍ර දෙස බැලූ විට පෙනී යන්නනේ, ඒවා සැළසුම්කරණය හා සම්බන්ධ තාක්‍ෂණික පැතිකඩ උදෙසා සහ අදාල විස්තර ඉදිරිපත් කිරීම සඳහා දැඩි වෘත්තීයමය උනන්දුවක් දැක්වුවද ඒ හා සමාන උනන්දුවක් මේ ක්‍ෂේත්‍රවල න්‍යායික, සංකල්පීය හා දාර්ශනික සූත්‍රගතකිරීම් සඳහා හෝ අදාල ව්‍යාපෘති සමාජීය හා දේශපාලනික මාන ඔස්සේ පාඨනය කිරීමට හෝ උත්සාහ කර නොතිබීමය. එවන් නැඹුරුවක් නොමැති බුද්ධිමය සන්දර්භයක පීරිස් ගෙන ඇති උත්සාහය හා සමාන උත්සාහයක් දැක ගැනීම අප බලාපොරොත්තු නොවිය යුතු කරුණකි. මෙනිසා සිදුවී ඇත්තේ තාක්‍ෂණික, සැළසුම්කරණ හා සෞන්දර්යාත්මක අංශවලින් කෙතරම් දියුණු බවක් හා නිර්මාණනීය බවක් දැක්වුවද, මේ පුළුල් විෂය ක්‍ෂේත්‍රය හා සම්බන්ධව ශ්‍රී ලංකාවේ දැනට පවතින සම්භාෂණය න්‍යායික හා දාර්ශනික සූත්‍රගතකිරීම් සම්බද්ධයෙන් බෙහෙවින් දරිද්‍ර තත්තවයකට වැටී තිබීමය.

පීරිස්ගේ කෘතිය මැදිහත්වීමක් සිදුකරනුයේ මේ ගැටළුකාරී බුද්ධිමය වාතාවරණය තුළටය. ඒ බුද්ධිමය අවකාශයේ ප්‍රවර්ධනය කළ යුතු අංග එතුළින් තේරුම් ගත හැකි බව මාගේ වැටහීමය. එනමුත් එසේ කළහැකි වන්නේ, ඒ ගැටළුව තේරුම් ගැනීමට කැමැත්තක් ඇත්තේනම් හා ඇයගේ කෘතිය දේශීය විශ්වවිද්‍යාල පාඨමාලාවලට ඇතුලත් කර, එහි ඇති අදහස් සමග විචාර-පූර්වකව ගණුදෙනු කිරීමකට කැමැත්තක් ඇත්නම් පමණි.

(චායාරුපය: සසංක පෙරේරා, ශ්‍රී ජයවර්ධනපුර කෝට්ටේ, 2019)

Total
11
Shares
Leave a Reply

Your email address will not be published. Required fields are marked *

You May Also Like
වැඩි විස්තර පරිශීලනයට

තත්කාලින ශ්‍රී ලාංකේය කලා භාවිත ඔස්සේ ජෝර්ජ් කීට් කියවීම

Buddha to Krishna: Life and Times of George Keyt (බුදුන්ගේ සිට ක්‍රිශ්නා දෙවිදුන් කරා: ජෝර්ජ් කීට්ගේ ජීවිතය සහ යුගය). යශෝධරා දල්මියා. නව දිල්ලිය: රව්ට්ලෙජ්, 2017. පිටු: 216. ISBN 978-1-138-03814-1. මිල: ඉන්දියානු රුපියල් 795.00 (ඝන කවරය සහිතව). ___________ විමර්ශනය: අනෝලි පෙරේරා අතිශයන් වැදගත් 20 වන සියවසේ චිත්‍ර ශිල්පියෙකු වන ජෝරජ් කීට් පිලිබඳ යශෝධරා දල්මියාගේ කෘතිය ඓතිහාසික වශයෙන් ඉතාමත් වැදගත් වන්නේ එවැනි පුළුල් බුද්ධිමය උත්සාහයක් ඔහු ජීවත් වූ ශ්‍රී ලංකාවේද බෙහෙවින් විරල බව සැලකිල්ලට ගත් විටය. මා…
වැඩි විස්තර පරිශීලනයට
වැඩි විස්තර පරිශීලනයට

ශ්‍රී ලංකාවේ පෘතුගීසි යුගය පිලිබඳ කියවීමක්

(Dis)connected Empires: Imperial Portugal, Sri Lankan Diplomacy, and the Making of a Habsburg Conquest in Asia. ((වි)සම්බන්ධිත අධිරාජ්‍යය: අධිරාජ්‍යවාදී පෘතුගාලය, ශ්‍රී ලංකා රාජ්‍ය තාන්ත්‍රිකත්වය හා ආසියාවේ හැබ්ස්බර්ග් ආක්‍රමණයක නිර්මාණය). සොල්ටාන් බීඩර්මන්. ඔක්ස්ෆර්ඞ්: ඔක්ස්ෆර්ඞ් විශ්වවිද්‍යාල මුද්‍රණාලය, 2018. පිටු: 255. ISBN: 9780198823391, doi: 10.1017/S002191181900233X (රෙදි කවරය සහිතව).  ___________ විමර්ශනය: නිරා වික්‍රමසිංහ, ලයිඩන් විශ්වවිද්‍යාලයපරිවර්තනය: ප්‍රවීන් තිලකරත්න (Dis)connected Empires: Imperial Portugal, Sri Lankan Diplomacy, and the Making of a Habsburg Conquest in Asia කෘතිය මගින් සොල්ටාන් බීඩර්මන් ගවේෂණය කරන්නේ…
වැඩි විස්තර පරිශීලනයට
වැඩි විස්තර පරිශීලනයට

කොන්ටෙන් මෙයසූ සිංහලෙන් කියවීමේ උත්සාහයක්

පරිමිතත්වයෙන් පසු: අහඹුබවේ අනිවාර්යතාවය පිළිබඳ රචනයක්. කොන්ටෙන් මෙයසූ (Quentin Meillassoux විසින් රචිත After Finitude: An Essay on the Necessity of Contingency කෘතියේ සිංහල පරිවර්තනය. පරිවර්තක: වංගීස සුමනසේකර). කොළඹ: තීර්ථ ප්‍රකාශන, 2019. පිටු 360. මිල: රුපියල් 700.00. ISBN 978-955-4940-03-1. ———- විමර්ශනය: රංග මනුප්‍රිය දාර්ශනික කෘතියක් සිංහල භාෂාවට පරිවර්තනය කිරීම බොහෝ විට පරිවර්තකයාට, ප්‍රබන්ධ රචනාවක් පරිවර්තනය කරන තරම් පහසු කටයුත්තක් නොවීමට ඇති ඉඩ වැඩිය. අනෙක් අතට, මෙරට දාර්ශනික සාහිත්‍ය පිළිබඳ සුවිශේෂී උනන්දුවක් දක්වන සීමිත පාඨක පිරිසක් හඳුනා…
වැඩි විස්තර පරිශීලනයට
වැඩි විස්තර පරිශීලනයට

සිංහල ගීතයේ හා කාව්‍යයේ දේශපාලනය

Modernizing Composition: Sinhala Song, Poetry, and Politics in Twentieth-Century Sri Lanka (ගීත නිර්මාණය නවීකරණය කිරීම: විසිවන සියවසේ ශ්‍රී ලංකාව තුළ සිංහල ගීතය, කාව්‍යය හා දේශපාලනය). ගැරට් ෆීල්ඩ්. ඕක්ලන්ඩ්: කැලිෆෝර්නියා විශ්වවිද්‍යාලයීය මුද්‍රණාලය, 2017. පිටු: 213. ISBN: 9780520294714 (මෘදු කවරය සහිතව). ඇමරිකානු ඩොලර් $34.95. doi: 10.1525/luminous.27   විමර්ශනය: ප්‍රවීන් තිලකරත්න, ඉංග්‍රීසි අධ්‍යයනාංශය, කොළඹ විශ්වවිද්‍යාලය සිංහල ජනප්‍රිය ගීයේ රසිකයන්ට මෙන්ම එහි ඉතිහාසය, රසාස්වාදය හා විචාර කලාව හදාරන්නන්ට ගීයක පදවල ඇති වැදගත්කම මෙන්ම ගී පද හා කාව්‍යය අතර ඇති සමීප…
වැඩි විස්තර පරිශීලනයට
වැඩි විස්තර පරිශීලනයට

අතීතය පිලිබඳ දේශපාලනය

දේවසිරි, නිර්මාල් රංජිත්. ලංකාවේ ඉතිහාසය: දෘශ්ටිවාදී විචාරයක්. දෙහිවල: විදර්ශන. 2019. ISBN -978-624-5084-17-4, පිටු: 269. මිල රුපියල් 950.00 (ඝන කවරය සහිතව). ___________ විමර්ශනය: සමල් විමුක්ති හේමචන්ද්‍ර ශ්‍රී ලංකා ඉතිහාසය පිළිබඳව දෙස්විදෙස් ශාස්ත්‍රඥයන් විසින් 90 දශකයෙන් මෙපිටට ලියා ඇති ශාස්ත්‍රීය ලේඛන පිළිබඳව අපගේ අවධානය යොමු කිරීමේදී අපට මඟ නොහැර යා නොහැකි යථාර්තය වන්නේ ඉංග්‍රීසී භාෂාවෙන් ලියැවී ඇති ලේඛනවල ඇති සාපේක්‍ෂ ගුණාත්මකභාවය සහ සිංහල භාෂාවෙන් ඇති ලේඛනවල සාපේක්‍ෂ දරිද්‍රතාවයයි. විශේෂයෙන්ම අන්තර්ජාතික දැනුම් පද්ධතිය තුළ වර්ධනය වූ ව්‍යුහවාදය, පශ්චාත්ව්‍යුහවාදය,…
වැඩි විස්තර පරිශීලනයට
වැඩි විස්තර පරිශීලනයට

උඩරට රාජධානියේ සමාජ-සංස්කෘතික අතීතය පිළිබඳ කියවීමක්

Obeyesekere, Gananath. Many Faces Of The Kandyan Kingdom 1591-1765: Lessons for Our Time (උඩරට රාජධානියේ අනේකවිද පැතිකඩ 1591-1765: අපගේ යුගය සඳහා ගතහැකි පාඩම්). කොළඹ: සේල් ෆිශ් ප්‍රකාශන සමාගම, 2020. පිටු: 195. ISBN 978-955-7743-060-6. මිල: ශ්‍රී ලාංකේය රුපියල් 1, 200.00 (මෘදු කවරය සහිතව). ~ විමර්ශනය: සසංක පෙරේරා, දකුණු ආසියානු විශ්වවිද්‍යාලය, නව දිල්ලිය ගනණාත් ඔබේසේකර විසින් මෑත කාලීනව ශ්‍රී ලංකාවේ පළකරන ලද කෘති දෙකෙන් නවතම කෘතිය වන්නේ Many Faces Of The Kandyan Kingdom 1591-1765: Lessons for Our…
වැඩි විස්තර පරිශීලනයට
වැඩි විස්තර පරිශීලනයට

අනගාරික ධර්මපාල තුමා පිළිබඳ  පුලුල් කියවීමක් 

Rescued from the Nation: Anagarika Dharmapala and the Buddhist World (ජාතියෙන් ගලවා ගත් පසු:  අනගාරික ධර්මපාල සහ බෞද්ධ ලෝකය). ස්ටීවන් කෙම්පර්. චිකාගෝ: චිකාගෝ විශ්වවිද්‍යාලයීය මුද්‍රණාලය, 2015.  පිටු: 368. මිල; අමෙරිකානු ඩොලර් $69.95 (ඝන කවරය සහිතව). ISBN 9780226199078 ___________ විමර්ශනය: සසංක පෙරේරා, දකුණු ආසියානු විශ්වවිද්‍යාලය  ශ්‍රී ලංකාවේ සිංහල හා බෞද්ධ පසුබිමක හැදී වැඩුන අයෙකුට අනගාරික ධර්මපාල තුමා ( 1864-1933) කිසිවිටෙකත් මගහැරිය හැකි චරිතයක් නොවේ.  අප සියලු දෙනාම දෛනික සමාජානුයෝජනය තුළින් මැනවින් ඉගෙනගෙන ඇති පරිදි, එතුමා ශ්‍රී…
වැඩි විස්තර පරිශීලනයට
වැඩි විස්තර පරිශීලනයට

නිර්ව්‍යාජත්වයේ කාව්‍යාත්මකභාවය සහ දේශපාලනය: සිංහල ජාතිකවාදය පිලිබඳ සංස්කෘතික වංශාවලියක්

The Politics and Poetics of Authenticity: A Cultural Genealogy of Sinhala Nationalism (නිර්ව්‍යාජත්වයේ කාව්‍යාත්මකභාවය සහ දේශපාලනය: සිංහල ජාතිකවාදය පිලිබඳ සංස්කෘතික වංශාවලියක්). හර්ෂන රඹුක්වැල්ල. යුනිවර්සිටි කොලේජ් ලන්ඩන් මුද්‍රණාලය, 2018. පිටු: 178. ISBN: 978-1-78735-128-8. මිල: පවුම් 35.00 (ඝන කවරය සහිතව); පවුම් 15.00 (මෘදු කවරය සහිතව). කෘතියේ පී.ඩී.එෆ් පිටපතක් මේ පිවිසුම ඔස්සේ නොමිලේ ලබාගත හැක. ___________ විමර්ශනය: අනුෂ්කා කහඳගමගේ, දකුණු ආසියානු විශ්වවිද්‍යාලය, චානක්‍යපූරි, නව දිල්ලිය ජාතිකත්වය, ජාතිකවාදය, සිංහල බෞද්ධ ජාතිකවාදය වැනි සංකල්ප ශ්‍රී ලාංකේය අධ්‍යයනික ප්‍රජාවට ආගන්තුක සංකල්ප…
වැඩි විස්තර පරිශීලනයට
වැඩි විස්තර පරිශීලනයට

18 වන සියවසේ ඕලන්​ද යටත්ත්විජිත ජීවිතය පිළිබඳ විචාර පූර්වක කියවීමක්

van der Velde, Paul (Transalted by Lisbeth Bennik. Life Under the Palms: The Sublime World of the Anti-colonialist Jacob Haafner (පෝල් වැන්ඩර් වෙල්ඩ් [පරිවර්තනය: ලිස්බෙත් බෙනික්], පොල් සෙවණේ ජීවිතය: යටත් විජිත විරෝධී ජාකොබ් හාෆ්නර් ගේ උත්කෘෂ්ට ලෝකය). සිංගප්පූරුව: සිංගප්පූරු ජාතික විශ්වවිද්‍යාලයීය මුද්‍රණාලය. 2020. පිටු 200. මිල: සිංගප්පූරු ඩොලර් 24.00. ISBN: 978-981-3250-82-6 විමර්ශනය: අනුශ්කා කහදගම, දකුණු ආසියානු විශ්වවිද්‍යාලය, නව දිල්ලිය Life Under the Palms යන මෙම කෘතිය  ජාකොබ් හාෆ්නර් නම් ජර්මානු සම්භවයක් සහිත ඕලන්ද ජාතික සංචාරකයාගේ…
වැඩි විස්තර පරිශීලනයට
වැඩි විස්තර පරිශීලනයට

ශ්‍රී ලංකාවේ සිවිල් යුද්ධය සහ උතුරුකරයේ ‘ගෙදර’ පිලිබඳ හැඟීම

In My Mother’s House: Civil War in Sri Lanka (මගේ මවගේ නිවසේ: ශ්‍රී ලංකාවේ සිවිල් යුද්ධය). ශාරිකා තිරාණගම. ෆිලඩෙල්ෆියාව: පෙන්සිල්වේනියා විශ්වවිද්‍යාල මුද්‍රණාලය, 2011. පිටු 296. ISBN: 9780812222845. මිල: අමෙරිකානු ඩොලර් 29.95 (මෘදු කවරය සහිතව). විමර්ශනය: දියෝතිමා චත්තෝරාජ්, රුඅර් විශ්වවිද්‍යාලය, ජර්මනියපරිවර්තනය: හිරණ්‍යදා දේවසිරි ___________ උතුරේ ශ්‍රී ලාංකික දෙමළ සහ මුස්ලිම් ජනයා අතර ‘ගෙදර’ (home) යන්නට ලැබෙන ප්‍රතිවිරුද්ධ අර්ථ සමග මෙම කෘතිය සවිස්තරාත්මකව ගනුදෙනු කරයි. තිරාණගම මෙහිදී නිරූපණය කරන්නේ, යමෙකුගේ ගෙදර (ur,18 පිටුව) පිළිබඳව දැනගත හැකි දෑ…
වැඩි විස්තර පරිශීලනයට