The Awakened Ones: Phenomenology of Visionary Experience (ප්‍රබුද්ධ ඇත්තෝ: දෘෂ්ටික අනුභූතිය පිළිබඳ ප්‍රපංචවේදය). ගණනාත් ඔබේසේකර. නිව් යෝර්ක්: කොලොම්බියා විශ්වවිද්‍යාලයීය මුද්‍රණාලය, 2012. පිටු: 662. ISBN 978-0-231-15362-1 මිල: අමෙරිකානු ඩොලර් 50.00 (ඝණ කවරය සහිතව).

විමර්ශනය: රොමා චැටර්ජී, දිල්ලි විශ්වවිද්‍යාලය
පරිවර්තනය: සසංක පෙරේරා, දකුණු ආසියානු විශ්වවිද්‍යාලය

මනෝ විශ්ලේෂණය, මානව විද්‍යාව, සමාජ විද්‍යාව, ඉතිහාසය, සාහිත්‍යය, ඉන්දුවේදය (Indology), දර්ශනය ආදී නොයෙකුත් ශික්‍ෂණ සිසාරා යමින් සන්සන්දනාත්මක විධික්‍රමය භාවිත කිරීම සම්භන්ධයෙන් තත්කාලීන මානව විද්‍යාඥයින් අතර ගණනාත් ඔබේසේකරට සුවිශේසී තැනක් හිමි වේ. දෘෂ්ටික අනුභූතියේ ප්‍රපංචවේදය පිළිබඳ රචනා කර ඇති මේ කෘතිය මගින් ඊට පෙර ඔබේසේකර විසින් ලියා ඇති Medusa’s Hair (1984) වැනි කෘතිවලින් මතු කර තිබූ තේමා වඩාත් ඉදිරියට ගෙන ගොස් ඇත. මෙහිදී කතුවරයා අවධාරණය කරනුයේ පෞද්ගලික සංකේත සහ සංස්කෘතිය අතර ඇති සබඳතාවයයි.

බෙහෙවින් උනන්දුසහගත ප්‍රත්‍යයෙකක අධ්‍යයන ගණනාවක් ඔස්සේ ඔබේසේකර උත්සාහ කරනුයේ රූපාන්තරණීය දෘෂ්ටික අනුභූතිය (transformative visionary experience) ගවේශණය කිරීමටය. මේ ප්‍රත්‍යයෙක අධ්‍යයන අතර ආගමික ශාස්තෘවරයෙකු වූ ගෞතම බුදුන් වහන්සේ, මධ්‍යකාලීන යුරෝපීය මුනිවරුන් වූ ජුලියන් නෝවිච් හා අවිලාහි තෙරේසා, නූතන දෘෂ්ටිකයෙක් වූ (visionary) විලියම් බ්ලේක්, පරමවිඥානාර්ථවාදීන් වූ හෙලේනා බ්ලවට්ස්කි, හෙන්රි ඔල්කොට් හා දමෝදර් මවලන්කාර් සහ මනෝචිකිත්සකයින් වූ සිග්මන්ඞ් ෆ්රොයිඞ් හා කාල් යුන්ග් ආදීන් පිළිබඳව ගොනු කළ ප්‍රත්‍යයෙක අධ්‍යයන ඇතුලත් වේ. ඔබේසේකර මේ රූපාන්තරණීය දෘෂ්ටික අනුභූතිය හඳුන්වා දී ඇත්තේ ‘ආත්මයේ අන්ධකාර රාත්‍රිය’ (the dark night of the soul) වශයෙනි (11). මේ කෘතිය ඔස්සේ ඔබේසේකර උත්සාහ ගෙන ඇත්තේ තර්කය මගින් සම්පාදිත ඥානයේ ඇතැයි සැලකෙන නිශ්චිත භාවය (certitude) අභියෝගයට ලක්කිරීමය. සැබැවින්ම, යුරෝපීය පුනරුදය (Enlightenment) මගින් කොජිටෝව (Cogito), එනම් යමෙකුට පැවැත්මක් ඇත යන දැනුම තර්කනයේ හැකියාව මත පමණක් පදනම් වන්නේය යන ප්‍රවේශය සහ විචාරපූර්වක ස්වීයත්වය (reflective self) යන අදහස් දෙකම උත්කර්ශවත් කිරීම පිළිබඳ බොහෝ විවේඡන මේ වන විට ද දකුණු ආසියානු මානව විවිද්‍යාව තුළ ශුද්‍ර සම්ප්‍රදායක් වශයෙන් ගොඩනැගී ඇත. මේ අනුව, අශීශ් නන්දි හා ජේ.පී.එස්. උබෙරෝයි වැනි ශාස්ත්‍රඥයින් ප්‍රත්‍යයෙක අධ්‍යයන ඔස්සේ විකල්ප දැනුම් සම්ප්‍රදායන් අධ්‍යයනය කිරීමට දායක වී ඇත. නන්දිගේ දායකත්වය ඉන්දීය චින්තකයින් පිළිබඳව ඉතාමත් සූක්‍ෂමව ගොනුකර ඇති මනෝ-චරිතාපදානයන් (psycho-biographies) වන අතර, උබෙරෝයිගේ දායකත්වය වන්නේ යුරෝපයේ පූර්ව-පුනරුද ඥාන සම්ප්‍රදායන් ගවේශණය කිරීමය.

කෙසේ වුවද, ඔබේසේකරගේ කෘතිය දෙස බැලීමේදී, ඉන් ඉදිරිපත් කරන අතිශයින් විවිධ වූ දෘෂ්ටික අනුභූති තේරුම් ගැනීමට සුදුසු ආරම්භයක් වන්නේ මැක්ස් වේබර් ඉදිරිපත් කළ ලෞකික මුලාවන්ගෙන් මිදීම (worldly disenchantment) හා තර්කවාදයේ (rationalism) ක්‍රමික ප්‍රවර්ධනය අතර ඇති සම්බන්ධතාවයි. ඔබේසේකර දිකින ආකාරයට, තර්කනය බලවත් වීම බොහෝ දුරට අපගේ පුද්ගලික මනස්ඍෂටිමය ජීවිතවල (private fantasy lives) ධනාරෝපනය සමග බැඳී පවතී. මේ ප්‍රවර්ධනය ඔහු එතරම් කල්පනාකාරී නොවන ලෙසින් විස්තර කරනුයේ ‘අභ්‍යන්තරීය ලොව පිළිබඳ වසඟය’ (inner worldly enchantment) වශයෙනි (360). මෙය වේබර්ගේ ප්‍රසිද්ධ යෙදුමක නව්‍යකරණයකි. ආනුභවික අනුභූති මත පදනම් වූ තර්කණයේ ප්‍රභල බලපෑම නිසා දෘෂ්ටික ඥානයේ වලංගුතාව පිළිබඳ සිතා බලන්නට අපගේ මනස්වලට නොහැකි වීය. එනමුත් තර්කණයේ ආනිසංස නිසාම ජනිත වූ අතැම් ඥාන සම්ප්‍රදායන් මගින් මෙවැනි දෘෂ්ටික අනුභූතිවලට යම් වැදගත්කමක් ලබාදෙන ලදී. මේ ඥාන සම්ප්‍රදායන්ගෙන් එකක් නම් සිහින පිළිබඳව දැඩි උනන්දුවක් දැක්වූ මනෝ චිකිත්සාවයි. එනමුත් ඔබේසේකර විසින් යෝජනාකරන උපන්‍යාසය නම්, දැනීම (knowing) හා අනුභූති පිළිබඳ මේ විකල්ප ප්‍රවේශ පුනරුද තර්කණයේ බලපෑමට නතුවීමත් සමගම දෘෂ්ටිය යන්නට ලැබී තිබූ අවදානය මිලින වී ගොස්, ඒ වෙනුවට සිහිනය යන අදහස වඩාත් අවධාරණය කිරීමය.

මෙහිදී අපට මතුකළ හැකි ප්‍රශ්නයක් වන්නේ, භාවනාව මගින් ගොඩනගනු ඇත්තේ කුමනාකාරයේ ඥානයක් ද යන්නයි. එනම්, මනසින් කතිකාමය තර්කණය (discursive reasoning) හා ක්‍රියාකාරී සවිඥානකත්වය (active consciousness) ඉවත් කිරීම යන්නය. නීට්ශේගේ අදහස්වලින් උකහා ගන්නා ලද ‘It consciousness’ (202) යන අදහස මෙහිදී ඔබේසේකර යොදාගෙන ඇත්තේ භාවනාවෙන් ලැබෙන අනුභූතිය ඔස්සේ ගොඩනැගෙන දැනුමේ ස්වභාවය විස්තර කිරීම සඳහාය. එනම්, මනස තුළ නිතැනින් පැනනගින සිතුවිලි, දේව මැදිහත්වීමෙන් හෝ ඇසීමෙන් (ශෘති) ලැබෙන දැනුම මිස, ඒවා ‘විචාර පූර්වක මා’ (reflexive I) ඔස්සේ පැනෙන දැනුම නොවේ. එනමුත් ගැටලුව වන්නේ, මෙවැනි බෙහෙවින් පුළුල් කාලයක් හා අවකාශයක් ඔස්සේ පැනනැගී ඇති අනුභූති කොතෙක් දුරට පාඨනය කළ හැකිද යන්න. ඔබේසේකර සිය තර්කය ඉදිරිපත් කරන්නේ, මානව විද්‍යාව හා මනෝ චිකිත්සනය අතර සිදුවන මුණගැසීමක් වශයෙනි. ඒ මුණගැසීම ඔස්සේ පෞද්ගලික සංකේත හා සංස්කෘතිය අතර ඇති අනුභූතිමය අවකාශය ගවේෂණය කිරීම ඔබේසේකරගේ අරමුණ වේ. මාගේ විශ්වාසය වන්නේ, මනෝ චිකිත්සනය වඩාත් මානව විද්‍යාත්මක වූ ප්‍රවේශයක් මගින් කියවීම අවශ්‍ය බවයි. එනමුත් එය මේ කෘතියෙන් ඉදිරිපක් කර ඇති ප්‍රධාන තර්කයට පරිභාහිර වනු ඇත.

ඔබේසේකර විසින් විස්තර කරන ප්‍රාඥයින්ගේ බුද්ධිජීවී ලෝක තුලට ඇතුලුවීමට හා එම අදහස් ඔවුන්ගේම පර්යාවලෝක ඔස්සේ විස්තර කිරීම සම්බන්ධයෙන් කතුවරයාගේ දායකතක්වය අප අගය කළ යුතුය. එමෙන්ම, අප අගය කළ යුතු අන් කරුණ වන්නේ, තමන් දැක ඇති සිහින වැනි පුද්ගලික අත්දැකීම් ද බෙහෙවින් සංවේදීය අයුරින් කෘතියට එක්කිරීමෙන් ඔබේසේකර විසින් ගොඩනගා ඇති ස්වයං-චරිතාපදානමය හඬයි. මේ සියල්ල ඔස්සේ සිදුවන්නේ, පාඨකයින් වශයෙක් කෘතියේ විස්තර කර ඇති දෑපිළිබඳව අපගේ සිත් තුළ මතුවෙන අදහස් අපට අවැසි ලෙස පාලනය කරගැනීමට අවකාශ සකසා තිබීමය.

(මේ විමර්ශනය මුලින්ම පළවූයේ Contributions to Indian Sociology සාර-සංග්‍රහයේ 47 වන වෙළුමේ 3 වන කොටසේය (2013). එහි පරිවර්තනය පඨිත සාර-සංග්‍රහයේ පලකිරීමට අවසර දීම සම්බන්ධයෙන් මහාචාර්ය රොමා චැටර්ජී වෙත පඨිත සංස්කාරක මණ්ඩලයේ ස්තූතිය හිමිවේ. රූපය ‘රෝ විශන්’ වෙබ් අඩවියෙනි)

Total
13
Shares
Leave a Reply

Your email address will not be published. Required fields are marked *

You May Also Like
වැඩි විස්තර පරිශීලනයට

තත්කාලින ශ්‍රී ලාංකේය කලා භාවිත ඔස්සේ ජෝර්ජ් කීට් කියවීම

Buddha to Krishna: Life and Times of George Keyt (බුදුන්ගේ සිට ක්‍රිශ්නා දෙවිදුන් කරා: ජෝර්ජ් කීට්ගේ ජීවිතය සහ යුගය). යශෝධරා දල්මියා. නව දිල්ලිය: රව්ට්ලෙජ්, 2017. පිටු: 216. ISBN 978-1-138-03814-1. මිල: ඉන්දියානු රුපියල් 795.00 (ඝන කවරය සහිතව). ___________ විමර්ශනය: අනෝලි පෙරේරා අතිශයන් වැදගත් 20 වන සියවසේ චිත්‍ර ශිල්පියෙකු වන ජෝරජ් කීට් පිලිබඳ යශෝධරා දල්මියාගේ කෘතිය ඓතිහාසික වශයෙන් ඉතාමත් වැදගත් වන්නේ එවැනි පුළුල් බුද්ධිමය උත්සාහයක් ඔහු ජීවත් වූ ශ්‍රී ලංකාවේද බෙහෙවින් විරල බව සැලකිල්ලට ගත් විටය. මා…
වැඩි විස්තර පරිශීලනයට
වැඩි විස්තර පරිශීලනයට

ශ්‍රී ලංකාවේ පෘතුගීසි යුගය පිලිබඳ කියවීමක්

(Dis)connected Empires: Imperial Portugal, Sri Lankan Diplomacy, and the Making of a Habsburg Conquest in Asia. ((වි)සම්බන්ධිත අධිරාජ්‍යය: අධිරාජ්‍යවාදී පෘතුගාලය, ශ්‍රී ලංකා රාජ්‍ය තාන්ත්‍රිකත්වය හා ආසියාවේ හැබ්ස්බර්ග් ආක්‍රමණයක නිර්මාණය). සොල්ටාන් බීඩර්මන්. ඔක්ස්ෆර්ඞ්: ඔක්ස්ෆර්ඞ් විශ්වවිද්‍යාල මුද්‍රණාලය, 2018. පිටු: 255. ISBN: 9780198823391, doi: 10.1017/S002191181900233X (රෙදි කවරය සහිතව).  ___________ විමර්ශනය: නිරා වික්‍රමසිංහ, ලයිඩන් විශ්වවිද්‍යාලයපරිවර්තනය: ප්‍රවීන් තිලකරත්න (Dis)connected Empires: Imperial Portugal, Sri Lankan Diplomacy, and the Making of a Habsburg Conquest in Asia කෘතිය මගින් සොල්ටාන් බීඩර්මන් ගවේෂණය කරන්නේ…
වැඩි විස්තර පරිශීලනයට
වැඩි විස්තර පරිශීලනයට

සිංහල ගීතයේ හා කාව්‍යයේ දේශපාලනය

Modernizing Composition: Sinhala Song, Poetry, and Politics in Twentieth-Century Sri Lanka (ගීත නිර්මාණය නවීකරණය කිරීම: විසිවන සියවසේ ශ්‍රී ලංකාව තුළ සිංහල ගීතය, කාව්‍යය හා දේශපාලනය). ගැරට් ෆීල්ඩ්. ඕක්ලන්ඩ්: කැලිෆෝර්නියා විශ්වවිද්‍යාලයීය මුද්‍රණාලය, 2017. පිටු: 213. ISBN: 9780520294714 (මෘදු කවරය සහිතව). ඇමරිකානු ඩොලර් $34.95. doi: 10.1525/luminous.27   විමර්ශනය: ප්‍රවීන් තිලකරත්න, ඉංග්‍රීසි අධ්‍යයනාංශය, කොළඹ විශ්වවිද්‍යාලය සිංහල ජනප්‍රිය ගීයේ රසිකයන්ට මෙන්ම එහි ඉතිහාසය, රසාස්වාදය හා විචාර කලාව හදාරන්නන්ට ගීයක පදවල ඇති වැදගත්කම මෙන්ම ගී පද හා කාව්‍යය අතර ඇති සමීප…
වැඩි විස්තර පරිශීලනයට
වැඩි විස්තර පරිශීලනයට

උඩරට රාජධානියේ සමාජ-සංස්කෘතික අතීතය පිළිබඳ කියවීමක්

Obeyesekere, Gananath. Many Faces Of The Kandyan Kingdom 1591-1765: Lessons for Our Time (උඩරට රාජධානියේ අනේකවිද පැතිකඩ 1591-1765: අපගේ යුගය සඳහා ගතහැකි පාඩම්). කොළඹ: සේල් ෆිශ් ප්‍රකාශන සමාගම, 2020. පිටු: 195. ISBN 978-955-7743-060-6. මිල: ශ්‍රී ලාංකේය රුපියල් 1, 200.00 (මෘදු කවරය සහිතව). ~ විමර්ශනය: සසංක පෙරේරා, දකුණු ආසියානු විශ්වවිද්‍යාලය, නව දිල්ලිය ගනණාත් ඔබේසේකර විසින් මෑත කාලීනව ශ්‍රී ලංකාවේ පළකරන ලද කෘති දෙකෙන් නවතම කෘතිය වන්නේ Many Faces Of The Kandyan Kingdom 1591-1765: Lessons for Our…
වැඩි විස්තර පරිශීලනයට
වැඩි විස්තර පරිශීලනයට

කොන්ටෙන් මෙයසූ සිංහලෙන් කියවීමේ උත්සාහයක්

පරිමිතත්වයෙන් පසු: අහඹුබවේ අනිවාර්යතාවය පිළිබඳ රචනයක්. කොන්ටෙන් මෙයසූ (Quentin Meillassoux විසින් රචිත After Finitude: An Essay on the Necessity of Contingency කෘතියේ සිංහල පරිවර්තනය. පරිවර්තක: වංගීස සුමනසේකර). කොළඹ: තීර්ථ ප්‍රකාශන, 2019. පිටු 360. මිල: රුපියල් 700.00. ISBN 978-955-4940-03-1. ———- විමර්ශනය: රංග මනුප්‍රිය දාර්ශනික කෘතියක් සිංහල භාෂාවට පරිවර්තනය කිරීම බොහෝ විට පරිවර්තකයාට, ප්‍රබන්ධ රචනාවක් පරිවර්තනය කරන තරම් පහසු කටයුත්තක් නොවීමට ඇති ඉඩ වැඩිය. අනෙක් අතට, මෙරට දාර්ශනික සාහිත්‍ය පිළිබඳ සුවිශේෂී උනන්දුවක් දක්වන සීමිත පාඨක පිරිසක් හඳුනා…
වැඩි විස්තර පරිශීලනයට
වැඩි විස්තර පරිශීලනයට

අතීතය පිලිබඳ දේශපාලනය

දේවසිරි, නිර්මාල් රංජිත්. ලංකාවේ ඉතිහාසය: දෘශ්ටිවාදී විචාරයක්. දෙහිවල: විදර්ශන. 2019. ISBN -978-624-5084-17-4, පිටු: 269. මිල රුපියල් 950.00 (ඝන කවරය සහිතව). ___________ විමර්ශනය: සමල් විමුක්ති හේමචන්ද්‍ර ශ්‍රී ලංකා ඉතිහාසය පිළිබඳව දෙස්විදෙස් ශාස්ත්‍රඥයන් විසින් 90 දශකයෙන් මෙපිටට ලියා ඇති ශාස්ත්‍රීය ලේඛන පිළිබඳව අපගේ අවධානය යොමු කිරීමේදී අපට මඟ නොහැර යා නොහැකි යථාර්තය වන්නේ ඉංග්‍රීසී භාෂාවෙන් ලියැවී ඇති ලේඛනවල ඇති සාපේක්‍ෂ ගුණාත්මකභාවය සහ සිංහල භාෂාවෙන් ඇති ලේඛනවල සාපේක්‍ෂ දරිද්‍රතාවයයි. විශේෂයෙන්ම අන්තර්ජාතික දැනුම් පද්ධතිය තුළ වර්ධනය වූ ව්‍යුහවාදය, පශ්චාත්ව්‍යුහවාදය,…
වැඩි විස්තර පරිශීලනයට
වැඩි විස්තර පරිශීලනයට

නිර්ව්‍යාජත්වයේ කාව්‍යාත්මකභාවය සහ දේශපාලනය: සිංහල ජාතිකවාදය පිලිබඳ සංස්කෘතික වංශාවලියක්

The Politics and Poetics of Authenticity: A Cultural Genealogy of Sinhala Nationalism (නිර්ව්‍යාජත්වයේ කාව්‍යාත්මකභාවය සහ දේශපාලනය: සිංහල ජාතිකවාදය පිලිබඳ සංස්කෘතික වංශාවලියක්). හර්ෂන රඹුක්වැල්ල. යුනිවර්සිටි කොලේජ් ලන්ඩන් මුද්‍රණාලය, 2018. පිටු: 178. ISBN: 978-1-78735-128-8. මිල: පවුම් 35.00 (ඝන කවරය සහිතව); පවුම් 15.00 (මෘදු කවරය සහිතව). කෘතියේ පී.ඩී.එෆ් පිටපතක් මේ පිවිසුම ඔස්සේ නොමිලේ ලබාගත හැක. ___________ විමර්ශනය: අනුෂ්කා කහඳගමගේ, දකුණු ආසියානු විශ්වවිද්‍යාලය, චානක්‍යපූරි, නව දිල්ලිය ජාතිකත්වය, ජාතිකවාදය, සිංහල බෞද්ධ ජාතිකවාදය වැනි සංකල්ප ශ්‍රී ලාංකේය අධ්‍යයනික ප්‍රජාවට ආගන්තුක සංකල්ප…
වැඩි විස්තර පරිශීලනයට
වැඩි විස්තර පරිශීලනයට

අනගාරික ධර්මපාල තුමා පිළිබඳ  පුලුල් කියවීමක් 

Rescued from the Nation: Anagarika Dharmapala and the Buddhist World (ජාතියෙන් ගලවා ගත් පසු:  අනගාරික ධර්මපාල සහ බෞද්ධ ලෝකය). ස්ටීවන් කෙම්පර්. චිකාගෝ: චිකාගෝ විශ්වවිද්‍යාලයීය මුද්‍රණාලය, 2015.  පිටු: 368. මිල; අමෙරිකානු ඩොලර් $69.95 (ඝන කවරය සහිතව). ISBN 9780226199078 ___________ විමර්ශනය: සසංක පෙරේරා, දකුණු ආසියානු විශ්වවිද්‍යාලය  ශ්‍රී ලංකාවේ සිංහල හා බෞද්ධ පසුබිමක හැදී වැඩුන අයෙකුට අනගාරික ධර්මපාල තුමා ( 1864-1933) කිසිවිටෙකත් මගහැරිය හැකි චරිතයක් නොවේ.  අප සියලු දෙනාම දෛනික සමාජානුයෝජනය තුළින් මැනවින් ඉගෙනගෙන ඇති පරිදි, එතුමා ශ්‍රී…
වැඩි විස්තර පරිශීලනයට
වැඩි විස්තර පරිශීලනයට

18 වන සියවසේ ඕලන්​ද යටත්ත්විජිත ජීවිතය පිළිබඳ විචාර පූර්වක කියවීමක්

van der Velde, Paul (Transalted by Lisbeth Bennik. Life Under the Palms: The Sublime World of the Anti-colonialist Jacob Haafner (පෝල් වැන්ඩර් වෙල්ඩ් [පරිවර්තනය: ලිස්බෙත් බෙනික්], පොල් සෙවණේ ජීවිතය: යටත් විජිත විරෝධී ජාකොබ් හාෆ්නර් ගේ උත්කෘෂ්ට ලෝකය). සිංගප්පූරුව: සිංගප්පූරු ජාතික විශ්වවිද්‍යාලයීය මුද්‍රණාලය. 2020. පිටු 200. මිල: සිංගප්පූරු ඩොලර් 24.00. ISBN: 978-981-3250-82-6 විමර්ශනය: අනුශ්කා කහදගම, දකුණු ආසියානු විශ්වවිද්‍යාලය, නව දිල්ලිය Life Under the Palms යන මෙම කෘතිය  ජාකොබ් හාෆ්නර් නම් ජර්මානු සම්භවයක් සහිත ඕලන්ද ජාතික සංචාරකයාගේ…
වැඩි විස්තර පරිශීලනයට
වැඩි විස්තර පරිශීලනයට

මානව විද්‍යා පෙළපොතක් පිළිබඳ පසුවදන​ක්

Ariyaratne, Ari. Key Concepts of Cultural Anthropology (සංස්කෘතික මානව විද්‍යාවේ කේන්ද්‍රීය සංකල්ප, ආරී ආරියරත්න). ඩබ්‍යුක්: කෙන්ඩල් හන්ට් ප්‍රකාශන සමාගම, 2020. පිටු: 405. ISBN 978-1-7924-0764-2. මිල: අමෙරිකානු ඩොලර් 120.00 (මුද්‍රිත පිටපත) රැ අමෙරිකානු ඩොලර් 80.00 (විද්‍යුත් පිටපත). ~ සසංක පෙරේරා, දකුණු ආසියානු විශ්වවිද්‍යාලය, නව දිල්ලිය මා මහාචාර්ය ආරී ආරියරත්නගේ Key Concepts of Cultural Anthropology යන මානව විද්‍යා පෙළපොත කියවූයේ එවන් කෘතියක් බොහෝ කලකින් කියවා නැති සංදර්භයක් තුළය. ශාස්ත්‍රීය හා ශාස්ත්‍රාලයීය කතිකා තුළ පෙළපොතක් විමර්ශනය කරන අවස්ථා…
වැඩි විස්තර පරිශීලනයට